Eksoda 23:33 - Xitsonga (Bibele)

³³ Va nga tshuki va aka etikweni ra wena, leswaku va nga tshuki va ku dyohisa emahlweni ka mina; hikuva loko swi ri tano, u ta tirhela swikwembu swa vona, kutani wu ta va ntlhamu eka wena.”

BIBELE Mahungu Lamanene

³³ Vanhu lava a va fanelanga ku tshama etikweni ra n'wina, hikuva va nga mi kokela eku ndzi dyoheleni; naswona loko mi gandzela swikwembu swa vona, mi ta va mi tiphasa hi ntlhamu.”

Eksoda 23:33 Referans Kwoze

Pisalema 106:36

Va tirhela swikwembu swahava swa vona, Leswi va khunguvanyiseke.

Duteronoma 7:16

“U ta heta matiko hinkwawo lawa Yehovha, Xikwembu xa wena, a ku nyikaka wona, u nga ka u nga ma languti hi tintswalo, kambe u nga tshuki u tirhela swikwembu swa wona, hikuva wu ta va ntlhamu eka wena.

Vaavanyisi 2:3

Loko swi ri tano, ndzi te: ‘Ndzi nga ka ndzi nga va hlongorisi emahlweni ka n'wina; va ta kotisa mitwa ematlhelweni ya n'wina, ni swikwembu swa vona swi ta va mitlhamu eka n'wina.’ ”

Yoxuwa 23:13

tivani swinene leswaku Yehovha, Xikwembu xa n'wina, a nga ka a nga ha tshami a hlongola matiko lawa emahlweni ka n'wina, kambe ri ta va sole ni rindzi eka n'wina, ni nkharisa ematsheveni ya n'wina, ni mitwa emahlweni ya n'wina, mi ko mi herisiwa henhla ka tiko lerinene leri Yehovha, Xikwembu xa n'wina a mi nyikeke rona.

Eksoda 34:12

Chava ku endla ntwanano ni lava akeke etikweni leri u nga ta fika eka rona, va nga ti tshuka va hundzuka ntlhamu exikarhi ka wena.

Duteronoma 12:30

chava ku phasiwa entlhan'wini hi ku landza mitila ya wona (loko kutani ma herisiwile emahlweni ka wena) ni ku lava swikwembu swa wona, hilaha u nga ta ku: ‘Xana matiko lawa ma tirhelisa ku yini swikwembu swa wona xana? Ndzi ta endla kukotisa wona, na mina.’

2 Timotiya 2:26

leswaku loko va tlhelele eku tlhariheni, va ta huma entlhan'wini wa Diyavulosi, loyi va phasiweke hi yena ku ya endla ku rhandza ka yena.

2 TIKRONIKA 33:9

Manase a rhendzelekisa va Yuda ni vaaki va Yerusalema, ku endla leswo biha, hi ku tlurisa matiko lawa Yehovha a ma heriseke emahlweni ka vana va Israele.

1 TIHOSI 14:16

Kutani Yehovha u ta nyiketa Israele hikwalaho ka swidyoho swa Yerobuwamu leswi a swi endleke ni leswi a dyohiseke Israele ha swona.”

1 SAMIELE 18:21

Sawulo a ku: “Ndzi ta n'wi nyika yena, wu ta va ntlhamu eka yena leswaku voko ra Vafilista ri va ehenhla ka yena.” Sawulo a ku eka Davhida ra vumbirhi: “Namuntlha u ta va mukon'wana wa mina.”

Eksoda 10:7

Kutani malandza ya Faro ma ku eka yena: “Wanuna loyi u ta va ntlhamu eka hina ku fika rini xana? Tshunxa vanhu lavo, va ya tirhela Yehovha, Xikwembu xa vona. A ku swi voni leswaku Egipta wa lova xana?”

Eksoda 23:24

U nga tshuki u khinsamela swikwembu swa vona, u nga tshuki u swi tirhela, u nga encisi mikhuva ya vona; kambe u ta va dlaya hinkwavo, u hlanhla swifaniso hinkwaswo swa vona.

Duteronoma 7:1

“Kutakuloko Yehovha, Xikwembu xa wena, a ku nghenisile etikweni leri u yaka eka rona ku ri fuma, ni loko xi hlongorile emahlweni ka wena matiko layo tala, va nga Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi, ma nga matiko lama ku tlulaka hi ku tala ni matimba,

Duteronoma 20:18

swi va leswaku va nga tshuki va mi dyondzisa ku endla leswo biha hinkwaswo leswi va endlelaka swikwembu swa vona, ni leswaku mi nga tshuki mi dyohela Yehovha, Xikwembu xa n'wina.

Yoxuwa 10:40

Yoxuwa a hlasela tiko leri hinkwaro etintshaveni ni le dzongeni, ni le tikweni leri nga ehansi, ni le eku rheleleni ka tintshava, ni tihosi hinkwato ta kona, a nga tshikanga mubaleki, kambe a yirisa hinkwaswo leswi hefemulaka, hilaha Yehovha, Xikwembu xa Israele a leriseke hakona.

Vaavanyisi 2:2

A ndzi ku: ‘Na n'wina mi nga ka mi nga endli ntwanano ni lava akeke etikweni leri, kambe mi mbundzuxa tialitari ta vona.’ Kambe a mi yingisangi rito ra mina. Mi endlele yini sweswo xana?