Eksoda 23:32 - Xitsonga (Bibele)

³² U nga tshuki u endla xinakulobye na vona, kumbe ni swikwembu swa vona.

BIBELE Mahungu Lamanene

³² Mi nga tshuki mi endla ntwanano na vona kumbe ku endla ntwanano ni swikwembu swa vona.

Eksoda 23:32 Referans Kwoze

Duteronoma 7:2

ni loko Yehovha, Xikwembu xa wena, a va nyiketile emahlweni ka wena, kutani u va hlurile, u ta va heta, u va yirisa; u nga tshuki u endla xinakulobye na vona, ni ku va tsetselela.

Eksoda 34:12

Chava ku endla ntwanano ni lava akeke etikweni leri u nga ta fika eka rona, va nga ti tshuka va hundzuka ntlhamu exikarhi ka wena.

Eksoda 34:15

U nga tshuki u endla ntwanano ni vaaki va tiko lero, leswaku loko va oswa ni swikwembu swa vona, ni loko va tlhavela swikwembu swa vona, va ku vitana ku ya dya nyama ya magandzelo ya vona;

Pisalema 106:35

Kambe va hlanganile na vona, Va dyondza mikhuva ya vona.

Duteronoma 7:16

“U ta heta matiko hinkwawo lawa Yehovha, Xikwembu xa wena, a ku nyikaka wona, u nga ka u nga ma languti hi tintswalo, kambe u nga tshuki u tirhela swikwembu swa wona, hikuva wu ta va ntlhamu eka wena.

2 Vakorinto 6:15

Kriste u ni ntwanano wihi na Beliyali? Kumbe la pfumelaka u ni ku averiwa kwihi ni la nga pfumeriki?

Eksoda 23:13

Mi ta hlayisa hinkwaswo leswi ndzi mi leriseke swona. Mi nga tshuki mi vula mavito ya swikwembu swin'wana; ma nga humi emilon'wini ya n'wina.

Eksoda 23:24

U nga tshuki u khinsamela swikwembu swa vona, u nga tshuki u swi tirhela, u nga encisi mikhuva ya vona; kambe u ta va dlaya hinkwavo, u hlanhla swifaniso hinkwaswo swa vona.

Yoxuwa 9:7

Kutani vanhu va Israele va ku eka Vahivhi lava: “Swimbe mi akile exikarhi ka hina, xana hi nga endlisa ku yini xinakulobye na n'wina xana?”

Vaavanyisi 2:2

A ndzi ku: ‘Na n'wina mi nga ka mi nga endli ntwanano ni lava akeke etikweni leri, kambe mi mbundzuxa tialitari ta vona.’ Kambe a mi yingisangi rito ra mina. Mi endlele yini sweswo xana?

Duteronoma 7:1

“Kutakuloko Yehovha, Xikwembu xa wena, a ku nghenisile etikweni leri u yaka eka rona ku ri fuma, ni loko xi hlongorile emahlweni ka wena matiko layo tala, va nga Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi, ma nga matiko lama ku tlulaka hi ku tala ni matimba,

Duteronoma 20:18

swi va leswaku va nga tshuki va mi dyondzisa ku endla leswo biha hinkwaswo leswi va endlelaka swikwembu swa vona, ni leswaku mi nga tshuki mi dyohela Yehovha, Xikwembu xa n'wina.

Duteronoma 31:5

Yehovha u ta va nyiketa emavokweni ya n'wina, kutani mi ta va endla hi ku lerisa hinkwako loku ndzi mi leriseke hakona.

Yoxuwa 10:40

Yoxuwa a hlasela tiko leri hinkwaro etintshaveni ni le dzongeni, ni le tikweni leri nga ehansi, ni le eku rheleleni ka tintshava, ni tihosi hinkwato ta kona, a nga tshikanga mubaleki, kambe a yirisa hinkwaswo leswi hefemulaka, hilaha Yehovha, Xikwembu xa Israele a leriseke hakona.