Eksoda 23:31 - Xitsonga (Bibele)

³¹ Ndzi ta veka mindzilekana ya wena ku suka eLwandle-ro-Tshwuka, ku fika elwandle ra Vafilista, ni ku suka emananga ku fika enambyeni hikuva ndzi ta mi hlulela vaaki va tiko leri, mi ta va hlongorisa emahlweni ka n'wina.

BIBELE Mahungu Lamanene

³¹ Ndzi ta ba mindzilekana ya tiko ra n'wina yi sukela eka Lwandle-ro-Tshwuka ku ya fika eLwandle ra Vafilista, ni ku suka emananga ya Sinayi ku ya fika enambyeni wa Yufrata, hikuva ndzi ta nyiketa vaaki va tiko emavokweni ya n'wina, mi va hlongola va suka emahlweni ka n'wina.

Eksoda 23:31 Referans Kwoze

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

Duteronoma 11:24

Xivandla hinkwaxo lexi nkondzo wa n'wina wu nga ta xi kandziya, xi ta va xa n'wina; ndzilakana wa n'wina wu ta suka emananga ku ya fika eLebanoni, ni ku suka enambyeni, enambyeni wa Yufrata, ku ya fika eLwandle ra Vupeladyambu.

Yoxuwa 21:44

Yehovha a va nyika ku wisa hi matlhelo hinkwawo, hilaha a hlambanyeleke vatata wa vona hakona; a ku vanga na un'we wa valala va vona la kotaka ku tiya emahlweni ka vona, Yehovha a va nyiketa hinkwavo emavokweni ya vona.

Yoxuwa 1:4

ku sukela emananga na Lebanoni loyi, ku fika enambyeni lowukulu, enambyeni wa Yufrata, ri nga tiko hinkwaro ra Vahiti, ni ku fika eLwandle Lerikulu evupeladyambu, ri ta va tiko ra n'wina.

Yoxuwa 24:18

Yehovha u hlongorisile emahlweni ka hina, matiko hinkwawo, ni Vaamori lava akeke etikweni leri. Na hina hi ta tirhela Yehovha, hikuva hi xona Xikwembu xa hina.”

Pisalema 72:8

Yi ta fuma ku sukela elwandle rin'wana ku ya fika eka rin'wana, Ni ku sukela enambyeni, ku ya fika emakun'wini ya misava.

1 TIHOSI 4:24

Hikuva a a fuma etikweni hinkwaro leri nge halenu ka nambu, ku suka eTifisa ku fika eGaza, etihosini leti nge halenu ka nambu, kutani a ku ri ni ku rhula ematlhelweni hinkwawo.

Vaavanyisi 11:21

Kutani Yehovha, Xikwembu xa Israele, a nyiketa Sihoni tiko ra yena hinkwaro emavokweni ya Vaisraele va va dlaya, kutani Vaisraele va kuma tiko hinkwaro leri Vaamori ingi va akile eka rona.

Vaavanyisi 1:4

Simiyoni a famba na yena; kutani Yuda a tlhandluka, Yehovha a nyiketa Vakanana ni Vaperesi emavokweni ya vona, kutani va dlaya vavanuna va 10 000 eBezeki.

1 TIHOSI 20:13

Kambe, maswivo, muprofeta a tshinelela Akabu, hosi ya Israele, a ku: “Yehovha u vula sweswo, a ku: ‘Wa vona vunyingi lebyi hinkwabyo xana? Ndzi ta byi nyiketa namuntlha emavokweni ya wena, u ta tiva leswaku hi mina Yehovha.’ ”

1 TIHOSI 4:21

Solomoni a a fuma kambe ematikweni hinkwawo, ku suka enambyeni wa Yufrata ku fika etikweni ra Vafilista, ni ku fika endzilakaneni wa Egipta; a va luva eka Solomoni, va n'wi tirhela hi masiku hinkwawo ya ku hanya ka yena.

1 SAMIELE 23:4

Davhida a vutisa kambe Yehovha, kutani Yehovha a n'wi hlamula, a ku: “Pfuka, u ngirimela eKeyila, hikuva ndzi ta nyiketa Vafilista emavokweni ya wena.”

Yoxuwa 24:12

Ndzi rhumile mimpfi emahlweni ka n'wina, leyi va hlongoriseke emahlweni ka n'wina, swin'we ni tihosi letimbirhi ta Vaamori: a ku nga ri hi tlhari ra wena ni vurha bya wena.

Yoxuwa 24:8

“ ‘Ndzi mi fambisile etikweni ra Vaamori lava akeke ehase ka Yordani, kutani va lwa na n'wina, kambe ndzi va nyiketile emavokweni ya n'wina mi va mi teka tiko ra vona; sweswo ndzi va herisile emahlweni ka n'wina.

Yoxuwa 23:14

“Maswivo, ndza famba namuntlha hi ndlela ya misava hinkwayo. Pfumelani hi timbilu hinkwato ta n'wina ni mimoya hinkwayo ya n'wina, mi tiva leswaku a ku wanga na rito rin'we ra marito hinkwawo lamanene lawa Yehovha, Xikwembu xa n'wina, a ma vuleke ehenhla ka n'wina; kambe mi endleriwe hinkwawo, a ku wanga na rito rin'we.

Yoxuwa 10:19

Loko mi ri n'wina, mi nga yimi, hlongorisani valala va n'wina, mi va pfukela ku lwa hi le ndzhaku; mi nga va pfumeleli ku nghena emitini ya vona, hikuva Yehovha, Xikwembu xa n'wina, u va nyiketile emavokweni ya n'wina.”

Yoxuwa 10:8

Kutani Yehovha a ku eka Yoxuwa: “U nga va chavi hikuva ndzi va nyiketile emavokweni ya wena, ku nga ka ku nga tiyi ni un'we emahlweni ka wena.”

Yoxuwa 8:18

Kutani Yehovha a ku eka Yoxuwa: “Tshambulutela etlhelo ra Ayi tlhari leri nga evokweni ra wena, hikuva ndzi ta wu nyiketa emavokweni ya wena,” kutani Yoxuwa a tshambulutela etlhelo ra muti tlhari leri ngi ri ri evokweni ra yena.

Yoxuwa 8:7

Loko mi ri n'wina, mi ta pfuka eku tumbeleni mi ta nghena emutini, kutani Yehovha Xikwembu xa n'wina, xi ta wu nyiketa emavokweni ya n'wina.

Duteronoma 3:2

Kambe Yehovha a ku eka mina: ‘U nga n'wi chavi, hikuva ndzi n'wi nehile emavokweni ya wena, yena ni vanhu va yena hinkwavo, ni tiko ra yena, u ta n'wi endla kukotisa leswi u nga endla eka Sihoni, hosi ya Vaamori la akeke eHexiboni.’

Tinhlayo 21:34

Kutani Yehovha a ku eka Muxe: “U nga n'wi chavi, hikuva ndzi n'wi nyiketile emavokweni ya wena, yena ni vanhu va yena hinkwavo, ni tiko ra yena; u ta n'wi endla kukotisa leswi u nga swi endlela Sihoni, hosi ya Vaamori, la akeke eHexiboni.”

Duteronoma 1:7

Hundzukani, mi suka, mi ya nghena entshaveni ya Vaamori ni ka hinkwavo lava akeke kona, mi ya enkoveni, ni le ntshaveni, ni le rivaleni, leri nga ehansi, ni le dzongeni, ni le ribuwini ra lwandle, etikweni ra Vakanana, na Lebanoni, ku ya fika enambyeni lowukulu, enambyeni wa Yufrata.

Duteronoma 1:8

Vonani, ndzi mi nyikile tiko; fambani, mi ya teka tiko leri Yehovha a hlambanyeleke vatata wa n'wina Abrahama, na Isaka, na Yakobo, ku va nyika rona, ni vatukulu va vona endzhaku ka vona.’

Duteronoma 2:33

Kutani Yehovha, Xikwembu xa hina, xi n'wi nehile emahlweni ka hina, hi n'wi hlula hi ku lwa, a ri yena ni vana va yena, ni tiko ra yena hinkwaro.

Duteronoma 2:36

Ku suka eArowere, la nga kusuhi ni nkova wa Arinoni, ni muti lowu nga exikarhi ka nkova, ku ya fika eGiliyadi, a ku vanga na muti lowu hi hluleke hi ku tiya; Yehovha, Xikwembu xa hina xi nehile hinkwaswo emahlweni ka hina.

Duteronoma 9:3

Tiva namuntlha leswaku Yehovha, Xikwembu xa wena, u ta hundza a ri yena emahlweni ka wena, a kotisa ndzilo lowu pfurhaka, hi yena la nga ta va heta; a va tsongahata emahlweni ka wena; kutani u ta teka swa vona, u va heta kan'we hilaha Yehovha a ku byeleke hakona.

Duteronoma 20:16

Loko yi ri miti ya matiko lawa Yehovha, Xikwembu xa wena, a ku nyikaka wona leswaku yi va ndzhaka ya wena, u nga tshuki u tshika munhu ni un'we a hanya.

Yoxuwa 24:11

“ ‘Kutani mi perile Yordani, mi ya fika eYeriko. Vini va Yeriko, ni Vaamori, ni Vaperesi, ni Vakanana ni Vahiti ni Vagirigaxi, ni Vahivhi, ni Vayebusi va lwile na n'wina, kambe ndzi va nyiketile emavokweni ya n'wina.

1 TIHOSI 8:65

Enkarhini wolowo, Solomoni ni Vaisraele hinkwavo va endla nkhuvo; vunyingi lebyikulu lebyi humaka ku suka etlhelo ra Hamata ku fika exinambyaneni xa Egipta, byi hlengeletana emahlweni ka Yehovha, Xikwembu xa hina, hi masiku ya ntlhanu na mambirhi, ni masiku ya ntlhanu na mambirhi, kambe ma ri masiku ya khume na mune.

1 TIHOSI 11:2

va ri va matiko lawa Yehovha a nga byela vana va Israele, a ku: “Mi nga tshuki mi nghena eka vona, kambe va nga ka va nga ngheni eka n'wina; kunene va ta hambukisa timbilu ta n'wina, ti landza swikwembu swa vona.” Solomoni a namarhela matiko lawa hi rirhandzu.

Tinhlayo 34:2

“Lerisa vana va Israele, u ku eka vona: Kutakuloko mi nghenile etikweni ra Kanana, hi rona tiko leri nga ta va ndzhaka ya n'wina: i tiko ra Kanana, hi mindzilekana ya rona.

Duteronoma 6:19

a va a hlongola valala va wena hinkwavo emahlweni ka wena, hilaha Yehovha a nga vula hakona.

Yoxuwa 2:24

Va ku eka Yoxuwa: “Kunene Yehovha u nyiketile tiko hinkwaro emavokweni ya hina, na vona vaaki hinkwavo va tiko va hele timbilu emahlweni ka hina.”

Yoxuwa 9:7

Kutani vanhu va Israele va ku eka Vahivhi lava: “Swimbe mi akile exikarhi ka hina, xana hi nga endlisa ku yini xinakulobye na n'wina xana?”

Yoxuwa 13:6

ni vaaki hinkwavo va ntshava ku suka eLebanoni, ku fika eMisrefoto-Mayimi; Vasidoni hinkwavo, Ndzi ta va hlongola emahlweni ka vana Vaisraele. Avanyisa ntsena matiko lawa hi vuhlolotwana, yi ta va ndzhaka ya Israele hilaha ndzi ku leriseke hakona.

2 TIKRONIKA 9:26

A a fuma ehenhla ka tihosi hinkwato, ku suka enambyeni, ku fika etikweni ra Vafilista, ni le ndzilakaneni wa Egipta.