Eksoda 23:26 - Xitsonga (Bibele)

²⁶ Ku nga ka ku nga vi na wansati la onhekeriwaka hi khwiri, kumbe nsati wa mhika etikweni ra wena. Ndzi ta hetisa nhlayo ya masiku ya wena.

BIBELE Mahungu Lamanene

²⁶ Etikweni ra n'wina, a ku nga vi na wansati loyi a nga ta onhakeriwa, kumbe loyi a nga ta ka a nga veleki; naswona a ndzi nga hunguti ntsengo wa masiku ya vutomi bya n'wina.

Eksoda 23:26 Referans Kwoze

Duteronoma 7:14

U ta tlula hi ku kateka matiko hinkwawo; ku nga ka ku nga vi na mhika eka rikwenu, hambi a ri wanuna, hambi wansati, hambi swi ri swifuwo emitlhambini ya wena.

Ntirho 5:26

U ta rhelela esirheni ra wena eku dyuhaleni lokunene, Kukota nyandza ya koro loko yi susiwa hi nkarhi wa yona.

Duteronoma 28:4

Ku ta katekisiwa mihandzu ya khwiri ra wena, ni mihandzu ya misava ya wena, ni mihandzu ya mitlhambi ya wena, ya tihomu ta wena ni ya tinyimpfu ta wena.

Ntirho 21:10

Tinkunzi ta vona a ti pfumali vana, Mathokazi ya vona ma tswala, a ma holoti.

Esaya 65:20

Kona a ku nga ha vi na swihlangi leswi velekiweleke masiku ma nga ri mangani, hambi swikoxa leswi nga hetisiki ntsengo wa masiku ya swona; hikuva u ta fa a ri lontshwa, loyi a nga ta fa a ri ni dzana ra malembe, kambe ndzhukano wu ta wela xidyohi, loko xi ta va ni dzana ra malembe.

Pisalema 144:13

Tingula ta hina ti tele swakudya swa tinxakaxaka. Tihomu ta hina ti andzile hi makume ya madzana, Ti dya emadyelweni ya hina hi madzana ya madzana.

Pisalema 107:38

A va katekisa, kutani va andza ngopfu; A nga hungutanga ntsengo wa swifuwo swa vona.

Genesa 35:29

Kutani Isaka a nyiketa moya, a fa, a rhurheliwa eka varikwavo, a dyuhele, a andzele hi masiku. Kutani Esawu na Yakobo, vana va yena, va n'wi lahla.

1 TIKRONIKA 23:1

Davhida, kuteloko a dyuhele, a taleriwe hi masiku, a veka Solomoni, n'wana wa yena, hosi ya Israele.

Genesa 25:8

Kutani Abrahama a nyiketa moya, a fa, a dyuhele swinene, a a hanye ngopfu, ni ku tsaleriwa hi masiku, kutani a amukeriwa eka varikwavo.

Ntirho 42:17

Kutani Yobo a fa a dyuhele, a talele hi masiku.

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Pisalema 90:10

Masiku ya ku hanyaka hina, ma ringana malembe ya 70, Ni ka lava tiyeke, ma fika ka malembe ya 80; Kutani ku tidzunisa loku va ku kumaka ka wona i ku vaviseka ni gome, Hikuva ha hatla ku hundza, kambe hi tihahela!

Duteronoma 4:40

Hlayisa milawu ya xona, ni ku lerisa ka xona loku ndzi ku lerisaka namuntlha, leswaku u tsaka, ni vana va wena endzhaku ka wena, ni leswaku u tshama u lehisa masiku ya wena emisaveni leyi Yehovha, Xikwembu xa wena, xi ku nyikaka yona, yi va ya wena hi masiku.”

Hosiya 9:14

Va nyike, Yehovha! ... U ta va nyika yini? ... U va nyika tinyimba leti humaka ni mavele lama omeleleke!