Eksoda 23:24 - Xitsonga (Bibele)

²⁴ U nga tshuki u khinsamela swikwembu swa vona, u nga tshuki u swi tirhela, u nga encisi mikhuva ya vona; kambe u ta va dlaya hinkwavo, u hlanhla swifaniso hinkwaswo swa vona.

BIBELE Mahungu Lamanene

²⁴ Hikokwalaho, mi nga tshuki mi nkhinsamela swikwembu swa vona, kumbe ku swi humesela magandzelo, naswona mi nga tshuki mi landza mikhuva ya vona, kambe herisani swikwembu swa kona, mi fayetela ni maribye ya vukhongeri bya vona bya hava.

Eksoda 23:24 Referans Kwoze

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Tinhlayo 33:52

mi ta hlongola emahlweni ka n'wina vaaki hinkwavo va tiko, mi onha swifaniso hinkwaswo swa vona, mi heta swifaniso hinkwaswo swa vona leswi chuluriweke; mi hlanhla swivandla swa vona hinkwaswo leswi tlakukeke.

Duteronoma 12:3

mi ta hlanhla magandzelo ya vona, mi faya swifaniso swa vona, mi hisa swifaniso swa vona swa Axera, mi mbundzuxa swifaniso leswi vatliweke swa swikwembu swa vona, mi va mi herisa vito ra swona exivandleni xexo.

Duteronoma 7:5

Kambe mi ta va endlisa sweswo: mi ta hlanhla magandzelo ya vona, mi faya swifaniso swa vona, mi wisa swifaniso swa vona swa Axera, mi hisa ni swifaniso swa vona leswi vatliweke.

2 TIKRONIKA 33:9

Manase a rhendzelekisa va Yuda ni vaaki va Yerusalema, ku endla leswo biha, hi ku tlurisa matiko lawa Yehovha a ma heriseke emahlweni ka vana va Israele.

Levhitika 18:3

Mi nga tshuki mi endla leswi va swi endlaka etikweni ra Egipta, laha ingi mi akile kona; mi nga tshuki mi endla leswi va swi endlaka etikweni ra Kanana laha ndzi mi yisaka kona; mi nga tshuki mi landza mikhuva ya vona.

Eksoda 32:20

Kutani a teka rhole leri va ri endleke a ri hisa hi ndzilo, a ri sila, a ri endla mapa, a chela ematini, a nwisa vana va Israele.

Ezekiele 16:47

A ku fambanga hi mitila ya vona ntsena, ni ku landza mikhuva ya vona ntsena, a swi ri leswitsongo leswo; kambe u va tlurile emanyaleni ya wena hinkwawo.

Pisalema 101:3

Ndzi nga ka ndzi nga veki leswo biha emahlweni ka mina; Ndza venga mitirho ya vadyohi; Yi nga ka yi nga ndzi namarheli,

2 TIKRONIKA 33:2

A endla leswo biha emahlweni ka Yehovha, a landza manyala ya matiko lawa Yehovha a ma hlongoleke emahlweni ka vana va Israele.

Eksoda 23:13

Mi ta hlayisa hinkwaswo leswi ndzi mi leriseke swona. Mi nga tshuki mi vula mavito ya swikwembu swin'wana; ma nga humi emilon'wini ya n'wina.

Eksoda 23:32

U nga tshuki u endla xinakulobye na vona, kumbe ni swikwembu swa vona.

Eksoda 23:33

Va nga tshuki va aka etikweni ra wena, leswaku va nga tshuki va ku dyohisa emahlweni ka mina; hikuva loko swi ri tano, u ta tirhela swikwembu swa vona, kutani wu ta va ntlhamu eka wena.”

Levhitika 26:1

“ ‘Mi nga tshuki mi tiendlela swifaniso swa swikwembu swahava; mi nga tshuki mi tiyimisela swifaniso leswi vatliweke, ni swifaniso swa vanhu; kambe mi nga tshuki mi yimisa etikweni ra n'wina ribye leri nga ni xifaniso ku khinsama emahlweni ka xona hikuva hi mina Yehovha, Xikwembu xa n'wina.

2 TIHOSI 3:2

A endla leswo biha emahlweni ka Yehovha, ntsena ku nga ri kukotisa tata wa yena ni mana wa yena; hikuva u susile xifaniso xa Baali lexi tata wa yena a xi endleke.

2 TIHOSI 18:4

A susa switsunga, a faya swifaniso, a mbundzuxa swifaniso swa Axera, a fayetela nyoka ya koporo leyi endliweke hi Muxe; hikuva ku fika masiku lawa, vana va Israele a va hisela mirhi ya risuna emahlweni ka yona; a yi thya Nehuxitani (xiphemu xa koporo).

Eksoda 20:3

“U nga tshuki u va ni swikwembu swin'wana emahlweni ka mina.

Tinhlayo 25:2

Va vitana tiko emagandzelweni ya swikwembu swa vona, kutani tiko ri dya, ri khinsama emahlweni ka swikwembu swa vona.

2 TIHOSI 17:8

Va landzile mikhuva ya matiko lawa Yehovha a ma hlongoleke emahlweni ka vana va Israele, ni leyi tihosi ta Israele ti yi leriseke.

2 TIHOSI 17:11

Va hisile mirhi ya risuna eswitsungeni hinkwaswo, kukotisa matiko lawa Yehovha a ma suseke emahlweni ka vona; va endlile swilo leswo biha ku pfuka Yehovha.

2 TIKRONIKA 14:2

Asa a endla leswinene ni leswi lulameke emahlweni ka Yehovha, Xikwembu xa yena.

2 TIKRONIKA 25:14

Amasiya, kuteloko a vuyile eku hlaseleni ka Vaedomu, a tisa swikwembu swa vana va Seyira a tivekela swona, swi va swikwembu swa yena; a khinsama emahlweni ka swona, a swi hisela mirhi ya risuna.

Hosiya 10:2

Timbilu ta vona ti ni mano; kutani va ta hlayeriwa milandzu. Xikwembu xi ta mbundzuxa tialitari ta vona, xi herisa swifaniso swa vona.