Eksoda 23:18 - Xitsonga (Bibele)

¹⁸ “U nga tshuki u humesa ngati ya magandzelo ya mina swin'we ni vuswa lebyi nga ni comela, ni mafurha ya nkhuvo wa mina ma nga tshuki ma hlayiseriwa mundzuku.

BIBELE Mahungu Lamanene

¹⁸ “Mi nga tshuki mi katsa ngati ya swifuwo ni xinkwa lexi nga ni comela, loko mi ndzi gandzela; naswona, mi nga tshiki mafurha ya swona ma tshama ku fikela nimpundzu, loko mi ndzi endlela nkhuvo.

Eksoda 23:18 Referans Kwoze

Levhitika 2:11

“ ‘Nhlengo wun'wana ni wun'wana lowu mi wu humeselaka Yehovha, wu nga tshuki wu va wa swinkwa leswi nga ni comela, hikuva mi nga tshuki mi hisela Yehovha comela ni vulombe egandzelweni.

Eksoda 34:25

“U nga tshuki u humesa ngati ya magandzelo ya mina yi ri ni vuswa lebyi nga ni comela. Gandzelo ra nkhuvo wa Paseka ri nga tshuki ri sala ri hundza vusiku ku fika nimixo.

Duteronoma 16:4

U ta tsundzuka hi masiku hinkwawo ya ku hanyaka wena siku leri u humeke etikweni ra Egipta ha rona. Ku nga tshuki ku voniwa comela endyangweni wa wena emindzilekaneni hinkwayo ya wena, hi masiku ya ntlhanu na mambirhi; loko yi ri nyama ya gandzelo leri u nga ta ri humesa nimadyambu ya siku ro rhanga, yi nga tshuki yi salela nimixo.

Eksoda 12:10

Mi nga siyeli siku ra mundzuku nchumu; ni leswi nga ta sala nimixo, mi swi hisa endzilweni.

Levhitika 7:15

Loko yi ri nyama ya xifuwo xa gandzelo ra ku khensa, yi ta dyiwa siku leri va gandzelaka ha rona. Va nga siyi nchumu swi fika nimixo.

Eksoda 12:8

Hi vusiku byebyo va ta dya nyama ya xona yi oxiwile; va ta yi dya ni vuswa lebyo kala comela, ni matsavu lama bavaka.

Levhitika 7:12

Loko munhu a ri humesa ku kombisa ku khensa ka yena, u ta humesa swin'we ni gandzelo ra ku khensa, swinkwa leswi nga riki na comela, leswi pfuviweke hi mafurha, ni swimbhundzwana leswi nga riki na comela, leswi totiweke hi mafurha, ni swimbundzu swa mapa layo saseka lama katingiweke, lama nga pfuviwa hi mafurha.

Eksoda 12:15

“Mi ta dya vuswa lebyo kala comela hi masiku ya ntlhanu na mambirhi; mi ta humesa comela etindlwini hi siku ro rhanga; hikuva la nga ta dya vuswa lebyi nga ni comela, ku sungula siku ro rhanga, ku fika eka lera ntlhanu na mambirhi, munhu loyi u ta humesiwa eIsraeleni.

Eksoda 16:19

Kutani Muxe a ku eka vona: “Ku nga vi na munhu la tivekelaka swa nimixo.”

Eksoda 29:34

Loko ku salela mundzuku nyama yin'wana ya ku hlawuriwa, ni xinkwa xa kona, u ta swi hisa; swi nga tshuki swi dyiwa, hikuva swi hlawuriwile.