Eksoda 23:1 - Xitsonga (Bibele)

¹ “U nga tshuki u amba mhaka hi mavunwa; u nga tshuki u yima ni lowo biha leswaku u va mbhoni yo hemba.

BIBELE Mahungu Lamanene

¹ “Mi nga tshuki mi hangalasa timhaka leti nga riki na vumbhoni. Mi nga tshuki mi humesa vumbhoni byo hemba hi ku yima ni munhu wo homboloka ehubyeni.

Eksoda 23:1 Referans Kwoze

Pisalema 101:5

Ndzi ta herisa la lumbetaka nakulobye exihundleni; Ndzi nga ka ndzi nga yingiseri wa mahlo lama tlakukeke ni wa mbilu leyi tidzunisaka.

Swivuriso 19:5

Mbhoni yo hemba yi nga ka yi nga huluki ku biwa, Ni la vulaka mavunwa a nga ka a nga poni.

Eksoda 20:16

“U nga tshuki u lumbeta warikwenu hi vumbhoni byo hemba.

Pisalema 35:11

Timbhoni ta ku hemba ti yima, Ti ndzi vutisa timhaka leti ndzi nga ti tiviki.

Duteronoma 5:20

“ ‘U nga tshuki u lumbeta warikwenu hi vumbhoni byo hemba.

Levhitika 19:16

“ ‘U nga tshuki u lumbeta loko u ri karhi u hungata exikarhi ka tiko ra wena. U nga tshuki u tiendlela mbhoni ya ngati ya warikwenu: hi mina Yehovha.

Nhlavutelo 12:10

Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.

Varhoma 3:8

Kutani a hi endli ha yini swo biha leswaku ku ta humelela leswo saseka ha swona, hilaha hi lumbetiwaka hakona hi van'wana loko va tiyisa leswaku hi vurisa sweswo; kambe lavo tano, ku avanyisiwa ka vona ku lulamile!

Swivuriso 19:9

Mbhoni yo hemba yi nga ka yi nga huluki ku biwa, Kambe la vulaka mavunwa u ta lova.

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

2 Timotiya 3:3

lava pfumalaka rirhandzu, lava nga tshembekiki, valumbeti; lava nga tiviki ku tikhoma, lava nga tiviki musa, lava vengaka lavanene,

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

Swivuriso 24:28

U nga vi mbhoni ku lwa ni warikwenu ku nga ri na mhaka; U nga dyelerisa ku yini hi milomu ya wena?

Swivuriso 21:28

Mbhoni ya mavunwa yi ta lova, Kambe munhu wo yingisela u ta vulavula hi masiku.

Swivuriso 10:18

La fihlaka rivengo u ni nomu wa mano, Kambe la hangalasaka mahlevo i xihunguki.

Swivuriso 6:19

I mbhoni ya vunwa leyi vulaka mavunwa, Ni la pfuxaka timholovo exikarhi ka vamakwavo.

Pisalema 15:3

Ririmi ra yena a ri hembeli munhu, A nga endli warikwavo leswo biha, A nga humeseri makwavo xisolo.

Levhitika 19:11

“ ‘Mi nga tshuki mi yiva. Mi nga tshuki mi hembelana, hambi ku ri ku xisana.

Luka 19:8

Kwalaho Zakiya a yima, a ku eka Hosi: “Vona, Hosi, ndzi avanyisela swisiwana rifuwo ra mina hi le xikarhi; loko ndzi dyile xilo xa munhu ndzi n'wi tlherisela ka mune.”

Luka 3:14

Masocha na wona ma n'wi vutisa ma ku: “Na hina, hi ta endla yini?” A ku eka vona: “Mi nga tshuki mi endla vanhu hi matimba, ni loko ku ri ku va xisa, kambe mi khensa hakelo ya n'wina.”

Matewu 19:18

A ku eka yena: “Hi yihi?” Yesu a n'wi hlamula, a ku: “Hi leyi nge: U nga tshuki u dlaya, u nga tshuki u endla vuoswi, u nga tshuki u yiva, u nga tshuki u hembela munhu;

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Swivuriso 25:23

Moya wa dzonga wu humesa mpfula, Ririmi leri tshivelaka exihundleni ri humesa mombo lowo kariha.

Swivuriso 25:18

Munhu la hembaka vunwa ku onha warikwavo, I xigombo, ni fumu, ni nseve wo hlokohla.

Swivuriso 19:28

Mbhoni ya hava yi sandza ku lulama, Nomu wa vadyohi wu mita ku homboloka.

Swivuriso 17:4

La endlaka swo biha u yingisela milomu yo biha, Ni muhembi u yingisela ririmi ro hleva.

Swivuriso 12:17

La vurisaka u humesa swo lulama, Kambe mbhoni ya vunwa yi vulavula swa ku kanganyisa.

Pisalema 120:3

Xana hakelo ya wena yi ta va yihi, u ta ku engetelela yini? Wena ririmi leri xisaka!

Pisalema 27:12

U nga ndzi nyiketi eku rhandzeni ka lava lwaka na mina, Hikuva timbhoni ta vunwa ti ndzi pfukele, Ni vanhu lava hefemulaka ku kariha ntsena.

2 SAMIELE 19:27

Kambe u lumbetile nandza wa wena eka hosi, n'wini wanga. Sweswi hosi, n'wini wanga, yi kotisa ntsumi ya Xikwembu:

2 SAMIELE 16:3

Kutani hosi yi ku: “N'wana wa hosi ya wena u kwihi xana?” Siba a ku eka hosi: “Waswivo, u sele eYerusalema, hikuva a a ku: ‘Namuntlha yindlu ya Israele yi ta ndzi tlherisela ku fuma ka tatana.’ ”

Eksoda 23:7

Chava ku hemba. U nga tshuki u dlaya la nga riki na nandzu ni la lulameke, hikuva ndzi nga ka ndzi nga yimeli lowo biha, ndzi n'wi vula la lulameke.

Yohane 7:51

“Xana nawu wa hina wu nga avanyisa munhu loko a nga si yingisiwa, ku nga si tiviwa leswi a swi endleke xana?”

Genesa 39:17

A vulavula na yena hi marito lawa, a ku: “Wandzisanyana wa Muheveru, yeloyi u n'wi tiseke eka hina, u tile eka mina ku ta tlanga hi mina;

Swivuriso 14:5

Mbhoni yo tshembeka a yi vulavuri vunwa, Kambe mbhoni yo hemba yi vula mavunwa ntsena.