Eksoda 22:7 - Xitsonga (Bibele)

⁷ “Loko munhu a nyika warikwavo mali, kumbe swigotso ku swi hlayisa; kutani swi yiviwa endlwini ya yena; loko khamba ri kumiwa, ri ta riha kambirhi.

BIBELE Mahungu Lamanene

⁷ “Loko munhu a yisa mali kumbe nhundzu eka nakulobye leswaku a n'wi hlayisela swona, kutani swilo leswi swi yiviwa emutini wa kona, loyi a yiveke ú fanele ku riha kambirhi, loko a kumiwa.

Eksoda 22:7 Referans Kwoze

Eksoda 22:4

Loko xilo lexi yiviweke xi kumiwa emavokweni ya yena ha hanya, hambi yi ri homu, hambi mbhongolo, hambi xinyimpfana, u ta swi riha kambirhi.

1 Vakorinto 6:10

Mi nga tshuki mi lahleka: Loko va ri va thyaka, ni lava gandzelaka swifaniso, ni vaoswi, ni swipombolo, ni loko va ri va Sodoma, ni vayivi, ni lava navelaka rifuwo, ni vapyopyi, ni lava hlevaka van'wana, ni lava dyelelaka, lavo tano, va nga ka va nga dyi ndzhaka ya ku fuma ka Xikwembu.

Yohane 12:6

A vurisa sweswo, ku nga ri ku hlayisa swisiwana, kambe hikuva a a ri khamba; kutani hi yena la tameleke xikwamana xa mali a teka leswi nghenisiwaka kona.

Yeremiya 2:26

“Hilaha khamba ri khomisiwaka tingana loko ri khomiwa, yindlu ya Israele yi ta khomisiwa tingana hi mukhuva wolowo, yona ni tihosi ta yona ni vakulukumba va yona, ni vaprista va yona, ni vaprofeta va yona;

Eksoda 22:6

“Loko ritshwa ri hisa mitwa, ri tlulela ensin'wini ya munhu, ri hisa mavele; la lumekeke nhova u ta hakela leswi nga tshwa hinkwaswo.

Levhitika 6:1

Yehovha a byela Muxe, a ku:

Levhitika 6:2

“Loko munhu a dyohile, a endle leswi nga faneriki emahlweni ka Yehovha, hi ku hembela warikwavo ehenhla ka xilo lexi vekiweke emavokweni ya yena, hambi lexi lombiweke, hambi lexi yiviweke, hambiloko a yivile xilo eka warikwavo;

Levhitika 19:13

“ ‘U nga tshuki u endla wa rikwenu hi matimba, ni ku teka xilo xa yena hi matimba. U nga tshuki u khoma hakelo ya mutirhi ku fika siku ra mundzuku.

Levhitika 6:5

hambi xi ri xihi ni xihi lexi a nga hlambanya hi mavunwa ehenhla ka xona; u ta swi tlherisa hinkwaswo, a engetela hi vuntlhanu bya swona, a swi nyika n'wini wa swona siku leri a nga ta phahla mhamba ya yena ya ku riha.