Eksoda 22:29 - Xitsonga (Bibele)

²⁹ “U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.

BIBELE Mahungu Lamanene

²⁹ “Mi nga tshuki mi hlwela ku humesa nhlengo wa ntshovelo wa n'wina wa mavele ni wa vhinyo ni mafurha. “Vana va n'wina va xinuna va mativula, mi fanele ku ndzi nyiketa vona.

Eksoda 22:29 Referans Kwoze

Eksoda 23:16

U ta hlayisa nkhuvo wa ku tshovela, wu nga wa swirhangana swa ntirho wa wena, leswi u swi byaleke emasin'wini. Va ta hlayisa ni nkhuvo wa ku hlengeleta, eku heleni ka lembe, loko u hlengeletile mitirho ya masimu ya wena.

Eksoda 13:2

hinkwaswo leswi tivulaka exikarhi ka vana va Israele, hambi va ri vanhu, hambi swi ri swifuwo, i swa mina.”

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Eksoda 23:19

“U ta tisa endlwini ya Yehovha Xikwembu xa wena, swirhangana swa mihandzu leyo sungula ya tiko ra wena. U nga tshuki u sweka ximbutana hi ntswamba wa mana wa xona.

Varhoma 8:23

Kambe a hi swona ntsena, kambe hina hi nga ni swirhangana swa Moya, na hina hi hefemuteka endzeni ka hina, hi langutela ku vekiwa vana, ku nga ku kutsuriwa ka miri wa hina.

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

Mikiya 7:1

Yo mina! Ndzi kotisa nsimu loko ku tshoveriwe mihandzu ya yona, ni nsimu ya tivhinya leyi nkun'hurisiweke; a ka ha ri na xidzumba xa vhinya lexi nga dyiwaka, ni swingana swa nkuwa leswi rhandziwaka hi moya wa mina.

Eksoda 34:19

“Mativula hinkwawo i ya mina hambi ma ri mativula hinkwawo ya xinuna ya tihomu, ni ya tinyimpfu ta mitlhambi hinkwayo ya wena.

Eksoda 13:12

u ta avela Yehovha mativula hinkwawo, ni mativula hinkwawo ya swifuwo swa wena; swa matsune hinkwaswo swi ta va swa Yehovha.

Ezekiele 20:40

Hikuva entshaveni ya mina leyo kwetsima, entshaveni leyo tlakuka ya le Israele, ku vula Hosi Yehovha, hinkwavo va yindlu ya Israele va nga hinkwavo lava nga etikweni ra vona, va ta luvela eka mina; kona, va ta ndzi tsakisa; kona ndzi ta vitana mihlengo ya n'wina, ni swirhangana swa timhamba hinkwato ta swilo swa n'wina, leswi mi nga ta swi tisa ku ndzi hlawulela swona.

2 TIKRONIKA 31:5

Ku lerisa loku, kuteloko ku tivisiwile, vana va Israele va humesa hi ku tala swirhangana swa mavele, ni swa vhinyo, ni swa mafurha, ni swa vulombe ni swa mihandzu hinkwayo ya masimu va tisa swirhangana swa hinkwaswo hi ku tala.

2 TIHOSI 4:42

Ku te munhu la sukeke eBaala-Xalixa, a tisele munhu wa Xikwembu swakudya ni swirhangana, swi ri swinkwa swa makume mambirhi swa barley ni min'oko, enkwameni wa yena. Elixa a ku eka yena: “Nyika vanhu lava, va dya.”

Eksoda 23:15

U ta hlayisa nkhuvo wa vuswa lebyo kala comela hi masiku ya ntlhanu na mambirhi hi n'hweti ya Abibi, u ta dya vuswa lebyo kala comela hilaha u lerisiweke hakona; hikuva hi yona n'hweti leyi u humeke eEgipta ha yona; kutani vanhu va nga tshuki va humelela ntsena emahlweni ka mina.

Eksoda 34:20

U ta kutsula mativula ya mbhongolo hi xinyimpfana; loko u nga ri kutsuli, u ta ri tshova nhamu. U ta kutsula mativula hinkwawo ya vana va wena. “U nga tshuki u humelela emahlweni ka mina u nga tamelanga nchumu.

Tinhlayo 18:13

Swirhangana hinkwaswo swa leswi milaka etikweni ra vona leswi va nga ta swi tisa eka Yehovha, swi ta va swa wena. Un'wana ni un'wana la tengeke endlwini ya wena, u ta swi dya.

Levhitika 22:27

“Kutakuloko rhole, hambi xinyimpfana, hambi ximbutana swi tswariwile, swi ta tshama masiku ya ntlhanu na mambirhi ni mana wa swona, kutani ku suka eka siku ra ntlhanu na manharhu, ni masiku lama tlhandlamaka, swi ta amukeriwa loko swi humesiwa, ti ri timhamba leti hiseriwaka Yehovha.

Duteronoma 15:19

“U ta hlawulela Yehovha, Xikwembu xa wena, mativula hinkwawo ya xinuna ya swifuwo leswikulu ni leswitsongo swa wena. U nga tshuki u tirhisa mativula ya swifuwo leswikulu swa wena, kambe u nga tshuki u tsemela mativula ya swifuwo leswitsongo swa wena.