Eksoda 22:28 - Xitsonga (Bibele)

²⁸ “U nga tshuki u sandza Xikwembu xa wena, nakambe u nga tshuki u rhukana hosi ya ka rikwenu.

BIBELE Mahungu Lamanene

²⁸ “Mi nga tshuki mi ndzi sandza mina Xikwembu, kumbe ku rhuketela murhangeri wa vanhu va ka n'wina.

Eksoda 22:28 Referans Kwoze

Timhaka 23:5

Pawulo a ku: “Vamakwerhu, a ndzi nga swi tivi leswaku i muprista lonkulu, hikuva ku tsariwile leswaku: ‘U nga tshuki u rhukana hosi ya tiko ra rikwenu.’ ”

Eklesiasta 10:20

U nga rhuketeli hosi emiehleketweni ya wena, u nga rhuketeli munhu endlwini ya wena ya ku etlela; hikuva tinyanyana ta le henhla ti nga tshuka ti rhwala leswi vuriweke, kutani ti haha ti ya vula marito ya wena.

Yuda 1:8

Hi mukhuva wolowo, eku lorheni ka vona, va tinyamisa enyameni, va engeta va alela vuhosi, va sandza lava nga eku kwetsimeni.

2 Petro 2:10

ngopfungopfu lava landzaka nyama eku naveleni ka thyaka, va sandza vuhosi, va tiarisa, va tikurisa, va nga chavi ku sola leswi kwetsimeke;

Eksoda 21:17

“La rhukaneke tata wa yena kumbe mana wa yena, u ta dlawa.

1 Petro 2:17

Mi va ni xichavo eka vanhu hinkwavo; rhandzani vamakwenu; chavani Xikwembu; mi va ni xichavo eka hosi ya tiko.

Timhaka 23:3

Kambe Pawulo a ku eka yena: “Xikwembu xi ta ku ba, khumbi leri basisiweke, hikuva u tshamele ku ndzi avanyisa hi nawu, kasi u tlula nawu hi ku lerisa leswaku ndzi biwa.”

Pisalema 138:1

Ndzi ta ku tlangela hi mbilu hinkwayo ya mina, Ndzi ku yimbelelela emahlweni ka swikwembu.

Pisalema 32:6

Hikwalaho, un'wana ni un'wana la ku rhandzaka U ta ku khongela hi nkarhi lowu u kumiwaka ha wona; Hambi mati lamakulu loko ma hundza, ma nga ka ma nga n'wi fikeri.

1 SAMIELE 26:9

Davhida a ku eka Abixayi: “U nga tshuki u n'wi dlaya, hikuva i mani la nga ta tlakusa voko ehenhla ka muhlawuriwa wa Yehovha, a nga vi na nandzu xana?”

1 SAMIELE 24:10

Kutani Davhida a ku eka Sawulo: “U yingisela yini marito ya vanhu lava ku byelaka, va ku: ‘Waswivo, Davhida a lava ku ku dyohela’?

1 SAMIELE 24:6

Kutani ndzhaku ka swona, ripfalo ra yena ri n'wi tshinya, hikuva a a xekile nguvu ya Sawulo.

Levhitika 24:16

La sandzeke vito ra Yehovha u ta biwa hi rifu; nhlengeletano hinkwayo yi ta n'wi khandla hi maribye. Hambi muluveri, hambi wa tiko, u ta fa hikuva u sandzile vito ra Xikwembu.

Levhitika 24:11

Kavaloko n'wana wa wansati wa Israele a sandza ni ku rhuketela vito ra Xikwembu; kutani va n'wi tisa eka Muxe. Vito ra mana wa yena a a ri Xelomiti, n'wana Dibri, wa nyimba ya Dani.

Levhitika 24:15

U ta byela vana va Israele, u ku eka vona: Mani na mani la rhukanaka Xikwembu xa yena, u ta rhwala ku biwa ka ku dyoha ka yena.

2 SAMIELE 16:5

Kakuloko Davhida a fika eBahurimi, ku huma kona munhu la nga xaka ra yindlu ya Sawulo, la thyiwaka Ximeyi, n'wana Gera; a huma a ri karhi a rhuketela.

2 SAMIELE 16:9

Kavaloko Abixayi, n'wana Seruya, a ku eka hosi: “Xana mbyana ya ku fa leyi yi rhuketela yini hosi, n'wini wanga? Ndzi pfumelele leswaku ndzi ya n'wi tsema nhloko!”

2 SAMIELE 19:21

Kavaloko Abixayi, n'wana Seruya, a hlamula, a ku: “Xana a ku fanelanga leswaku Ximeyi a dlawa hikuva u rhuketerile muhlawuriwa wa Yehovha xana?”

1 TIHOSI 21:10

mi veka ni vanhu vambirhi lavo biha emahlweni ka yena, leswaku va vula vumbhoni ehenhla ka yena, va ku: ‘U rhukanile Xikwembu ni hosi.’ Kutani mi n'wi humesela ehandle, mi n'wi khandla hi maribye, a fa.”

Eksoda 13:2

hinkwaswo leswi tivulaka exikarhi ka vana va Israele, hambi va ri vanhu, hambi swi ri swifuwo, i swa mina.”

Eksoda 13:12

u ta avela Yehovha mativula hinkwawo, ni mativula hinkwawo ya swifuwo swa wena; swa matsune hinkwaswo swi ta va swa Yehovha.

Eksoda 23:16

U ta hlayisa nkhuvo wa ku tshovela, wu nga wa swirhangana swa ntirho wa wena, leswi u swi byaleke emasin'wini. Va ta hlayisa ni nkhuvo wa ku hlengeleta, eku heleni ka lembe, loko u hlengeletile mitirho ya masimu ya wena.

Eksoda 23:19

“U ta tisa endlwini ya Yehovha Xikwembu xa wena, swirhangana swa mihandzu leyo sungula ya tiko ra wena. U nga tshuki u sweka ximbutana hi ntswamba wa mana wa xona.