Eksoda 22:21 - Xitsonga (Bibele)

²¹ “U nga tshuki u xanisa wamatiko, hikuva na n'wina a mi ri vamatiko etikweni ra Egipta.

BIBELE Mahungu Lamanene

²¹ “Mi nga tshuki mi khoma valuveri hi tihanyi kumbe ku va xanisa, hikuva na n'wina mi vile valuveri etikweni ra Egipta.

Eksoda 22:21 Referans Kwoze

Duteronoma 10:19

Hikwalaho mi ta rhandza muluveri, hikuva a mi ri valuveri etikweni ra Egipta.

Eksoda 23:9

“U nga tshuki u xanisa wamatiko; na n'wina ma yi tiva miehleketo ya wamatiko, hikuva a mi ri vamatiko eEgipta.

Levhitika 19:33

“ ‘Kutakuloko muluveri a luvela exikarhi ka n'wina, etikweni ra n'wina, mi nga tshuki mi n'wi xanisa.

Zakariya 7:10

mi nga xanisi noni, ni xisiwana, ni wamatiko, ni mupfumari, kutani mi nga kungeleli makwenu khombo etimbilwini ta n'wina.”

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

Duteronoma 23:7

“U nga tshuki u sandza Vaedomu, hikuva i vamakwenu; u nga sandzi Vaegipta, hikuva u luvele etikweni ra vona.

Levhitika 25:35

“ ‘Kungakuloko makwenu la nga ekusuhi na wena a pfumala, ni loko voko ra yena ri rhurhumela entirhweni, u ta n'wi amukela, hambi a ri muluveri, hambi muendzi leswaku a tshama eka wena.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Levhitika 19:13

“ ‘U nga tshuki u endla wa rikwenu hi matimba, ni ku teka xilo xa yena hi matimba. U nga tshuki u khoma hakelo ya mutirhi ku fika siku ra mundzuku.

Levhitika 19:34

Muluveri, la luvelaka exikarhi ka n'wina u ta va eka n'wina kukotisa un'wana wa n'wina; u ta n'wi rhandza kukotisa loko u tirhandza; hikuva a mi ri valuveri etikweni ra Egipta; hi mina Yehovha, Xikwembu xa n'wina.

Duteronoma 1:16

“Enkarhini wolowo ndzi lerisile vaavanyisi va n'wina, ndzi te: ‘Yingisani timhaka ta vamakwenu, mi avanyisa hi ku lulama mitengo ya vona, hambi yi ri ya wamatiko loyi a nga ka n'wina.

Duteronoma 23:16

ri ta tshama eka wena ni le tikweni ra wena exivandleni lexi ri nga ta xi hlawula, ni le mutini lowu ri nga ta wu rhandza; kambe u nga tshuki u ri xanisa.

Duteronoma 27:19

“ ‘A ku rhukaniwe la voyamisaka ku lulama ka muluveri, ni ka xisiwana, ni ka noni!’ Kutani tiko hinkwaro ri ta hlamula, ri ku: ‘Amen!’

Pisalema 146:9

Yehovha u lwela vamatiko, U hlayisa xisiwana ni noni; Kambe u hambanyisa ndlela ya vakanganyisi.

Ezekiele 22:7

Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

Duteronoma 10:18

lexi yingisaka timhaka ta xisiwana, ni ta noni; la rhandzaka muluveri, a n'wi nyika vuswa ni nguvu.

Duteronoma 24:17

“U nga tshuki u voyamisa ku lulama ka muluveri ni ka xisiwana, kambe u nga ka u nga teki nguvu ya noni xi va xitshembiso.

Ntirho 6:27

Mi tikerisa xisiwana, Mi celela nakuloni marindzi.

Esaya 1:17

Dyondzani ku endla leswinene, lavani leswi lulameke, lamulelani la xanisiwaka; sirhelelani xisiwana, lwelani noni.