Eksoda 22:13 - Xitsonga (Bibele)

¹³ Loko xi dlayiwile hi swivandzana, u ta humesa marhambu ya xona ku tilandzula; a nga ka a nga rihi lexi dlayiweke.

BIBELE Mahungu Lamanene

¹³ Loko xifuwo xi handzuleriwile hi swiharhi swa nhova, loyi a a fuyisiwile a a xi tise xi ta voniwa leswaku xi handzuleriwile, kutani a nga ka a nga rihisiwi.

Eksoda 22:13 Referans Kwoze

Nahume 2:12

Nghala leyi a yi handzulela swivanana swa yona, yi kamanyetela tinghala ta tintswele ta yona, yi va yi tata mabakwa ya yona hi nyama yi tata ni mikale ya yona hi mitsumbu leyi handzuleriweke!

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Amosi 3:12

Yehovha u ri: “Kukotisa loko murisi a vutla milenge mimbirhi ya nyimpfu, kumbe nhluvi wa ndleve enon'wini wa nghala, ku ta vutlisiwa sweswo vana va Israele! Lava nge Samariya, lava tshameke emakumu ka swilawu, ni le henhla ka byetlelo lebyi andlariweke hi tinguvu ta Damaska.”

Ezekiele 4:14

Kavaloko ndzi ku: “Yo! Yehovha Xikwembu, vona moya wa mina a wu nga si tinyamisa, a ndzi si dya xifuwo lexi nga fa, hambi lexi nga handzuriwa ku sukela evuntshweni bya mina ku fikela sweswi, ni nyama leyi nunh'waka a yi nghenanga enon'wini wa mina.”

Eksoda 22:12

Kambe loko xifuwo xi yiviwile, u ta rihela n'wini wa xona.

Eksoda 22:14

“Loko munhu a lombile xifuwo eka warikwavo, kutani xi tshuka xi tshoveka xiro, kumbe xi fa, n'wini wa xona a nga ri kona, u ta riha.