Eksoda 21:6 - Xitsonga (Bibele)

⁶ n'wini wa rona u ta ri tisa emahlweni ka Xikwembu, a ri tshinetela kusuhi ni rivanti erimbeni ra rona, kutani n'wini wa rona u ta ri boxa ndleve hi risungunhu, kutani ri ta n'wi tirhela masiku hinkwawo.

BIBELE Mahungu Lamanene

⁶ n'wini wa rona ú ta ya na rona eka Xikwembu, a ri yimisa ri khegetela rivanti kumbe rimba ra rona, a ri boxa ndleve kwalaho hi ntlhavo; kutani ri ta va hlonga vutomi hinkwabyo.

Eksoda 21:6 Referans Kwoze

Duteronoma 15:17

u ta teka xitlhavo kutani u n'wi boxa ndleve enyangweni; hi kona a nga ta va nandza wa wena hi masiku; u ta endlela nandza wa wena wa wansati sweswo.

Levhitika 25:40

u ta tshama eka wena, a fana ni mutirhi, ni nandza; u ta ku tirhela ku ko ku fika lembe ra Jubili.

1 SAMIELE 28:2

Davhida a ku eka Akixi: “U ta vonisisa leswi nga ta endliwa hi nandza wa wena.” Kutani Akixi a ku eka Davhida: “Hi swona, ndzi ta ku veka mulanguteri wa nhloko ya mina hi masiku.”

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

1 TIHOSI 12:7

“Ndzi ta hlamula yini eka tiko leri xana?” Kutani va vulavula na yena, va ku: “Namuntlha, loko u rhandza ku pfuna tiko leri, loko u va hlamula u va byela marito ya tintswalo, va ta ku tirhela hi masiku.”

1 SAMIELE 27:12

Kambe Akixi a a tshemba Davhida, a ku: “U tiendlele ndzhukano eka tiko ra yena ra Israele, kutani u ta va nandza wa mina hi masiku.”

1 SAMIELE 1:22

Kambe Hana a nga tlhandlukanga, hikuva a ku eka nuna wa yena: “Loko wandzisanyana a lumukile, ndzi ta n'wi yisa, u ta kombisiwa emahlweni ka Yehovha, kutani u ta tshama kona masiku hinkwawo.”

Duteronoma 16:18

“U ta veka vaavanyisi ni vatsari emitini hinkwayo leyi Yehovha, Xikwembu xa wena, a nga ta ku nyika yona, hi tinxaka ta wena; va ta avanyisa tiko hi ku avanyisa loko lulama.

Duteronoma 1:16

“Enkarhini wolowo ndzi lerisile vaavanyisi va n'wina, ndzi te: ‘Yingisani timhaka ta vamakwenu, mi avanyisa hi ku lulama mitengo ya vona, hambi yi ri ya wamatiko loyi a nga ka n'wina.

Levhitika 25:23

“ ‘Masimu ma nga tshuki ma xavisiwa hilaha ku nga heriki, hikuva misava i ya mina; hikuva mi valuveri ni vaendzi eka mina.

Eksoda 22:28

“U nga tshuki u sandza Xikwembu xa wena, nakambe u nga tshuki u rhukana hosi ya ka rikwenu.

Eksoda 21:22

“Loko vanhu va lwa, kutani va wisa wansati la tikeke, loko a humeriwa hi khwiri, kambe a nga fi, u ta rihiwa hi hakelo leyi nga ta vekiwa hi nuna wa yena; u ta rihiwa emahlweni ka vaavanyisi.

Eksoda 12:12

“Hi vusiku byebyo ndzi ta hundza etikweni ra Egipta, ndzi dlaya mativula hinkwayo ya tiko ra Egipta, ya vanhu ni ya swifuwo; kutani ndzi ta avanyisa swikwembu hinkwaswo swa Vaegipta. Hi mina Yehovha.

Esaya 1:26

Ndzi ta ku tlherisela vaavanyisi lava fanaka ni va khale, ni vatsundzuxi lava fanaka ni lavo rhanga. Endzhaku ka swona, u ta thyiwa muti lowu lulameke, muti lowu tshembekaka.”

Eksoda 21:5

Kutakuloko khumbi ri ku: ‘Ndzi rhandza n'wini wa mina, ndzi rhandza ni nsati wa mina ni vana vanga, ndzi nga ka ndzi nga suki,’

Eksoda 21:7

“Loko munhu a xavisile n'wana wa yena wa wanhwana, a n'wi endle khumbi, a nga ka a nga humi kukota makhumbi.

Duteronoma 15:16

Kungakuloko khumbi ra wena ri ku eka wena: ‘Ndzi nga ka ndzi nga humi eka wena,’ hi leswi a ku rhandzaka, wena ni yindlu ya wena, kambe u tsakile eka wena,

Pisalema 82:1

Xikwembu xi tshamile ehubyeni ya Xikwembu, Xi avanyisa exikarhi ka swikwembu.