Eksoda 21:19 - Xitsonga (Bibele)

¹⁹ loko a pfuka a xongotela hi nhonga, la n'wi beke u ta pfumala nandzu; ntsena u ta riha ku tshama ka yena, a n'wi ongola a kondza a hanya swinene.

BIBELE Mahungu Lamanene

¹⁹ a kota ku pfuka emasangwini a famba-famba ehandle a xongotela, loyi a nga n'wi ba ú ta va a humile enandzwini; ntsena ú ta riha, hikuva ú n'wi tsandzekisile ku tirha, kutani ú ta tlhela a humesa swa ku n'wi tshungurisa.

Eksoda 21:19 Referans Kwoze

Zakariya 8:4

“Yehovha wa tinyimpi u ri: Ku ta va ni vavanuna ni vavasati lavakulu lava nga ta tshamisa emindyangwini ya Yerusalema kukotisa khale, un'wana ni un'wana a khomile nhonga evokweni ra yena, hikwalaho ka ku dyuhala ngopfu,

2 SAMIELE 3:29

a yi ve enhlokweni ya Yowabu ni le ndlwini hinkwayo ya tata wa yena. Ku nga pfumariwi ni siku ni rin'we endlwini ya Yowabu munhu la nga ni ngati, hambi wa nhlokonho, hambi la xongotelaka hi nhonga, hambi la waka hi tlhari, hambi la pfumalaka vuswa.”

Eksoda 21:18

“Loko vanhu va kanetana hi mhaka, kutani un'wana a ba un'wana hi ribye, kumbe hi xibakela, kutani a nga fi, kambe a etlele emasangwini;

Eksoda 21:20

“Loko munhu a ba nandza wa yena wa wanuna, kumbe wa wansati hi nhonga, kutani a fela emavokweni ya yena, u ta rihiwa.