Eksoda 20:4 - Xitsonga (Bibele)

⁴ “U nga tshuki u tiendlela xifaniso lexi vatliweke, ni loko xi ri xifaniso xihi ni xihi xa swilo leswi nga ehenhla etilweni, ni loko xi ri xa swilo leswi nga ehansi emisaveni, ni loko xi ri xa swilo leswi nga ematini, ehansi ka misava;

BIBELE Mahungu Lamanene

⁴ “U nga tshuki u tivatlela xifaniso xa xikwembu, kumbe xifaniso xa swilo swihi ni swihi leswi nga henhla etilweni kumbe leswi nga hansi emisaveni, kumbe leswi nga matini ehansi ka misava;

Eksoda 20:4 Referans Kwoze

Levhitika 26:1

“ ‘Mi nga tshuki mi tiendlela swifaniso swa swikwembu swahava; mi nga tshuki mi tiyimisela swifaniso leswi vatliweke, ni swifaniso swa vanhu; kambe mi nga tshuki mi yimisa etikweni ra n'wina ribye leri nga ni xifaniso ku khinsama emahlweni ka xona hikuva hi mina Yehovha, Xikwembu xa n'wina.

Duteronoma 5:8

“ ‘U nga tshuki u tiendlela xifaniso lexi vatliweke, ni loko xi ri xifaniso xihi ni xihi xa swilo leswi nga ehenhla etilweni, ni loko xi ri xa swilo leswi nga ehansi emisaveni ni loko xi ri xa swilo leswi nga ematini, ehansi ka misava.

Pisalema 97:7

Va khomiwa hi tingana, lava tirhelaka swifaniso, Lava tidzunisaka hi swikwembu swahava.

Levhitika 19:4

“ ‘Mi nga tshuki mi rhendzelekela eka swikwembu swa mavunwa, mi nga tshuki mi tiendlela swikwembu swa vumba. Hi mina Yehovha, Xikwembu xa n'wina.

Timhaka 17:29

Kutani leswi hi nga rixaka ra Xikwembu, a hi fanelanga ku anakanya leswaku vukwembu byi fana ni nsuku, hambi ntsopfu, kumbe ribye, yi nga mitirho ya vutlhari ni miehleketo ya vanhu.

Duteronoma 27:15

“ ‘A ku rhukaniwe munhu la endlaka xifaniso lexi vatliweke, hambi xi ri lexi chuluriweke, xi ri xilo lexi yilaka eka Yehovha, wu ri ntirho wa mavoko ya mutirhi, kutani a xi veka endhawini leyi fihliweke!’ Kavaloko tiko hinkwaro ri ta hlamula ri ku: ‘Amen!’

Nhlavutelo 16:2

Kutani ntsumi yo rhanga yi ya chulula ximbitana xa yona emisaveni; kutani lava ngi va ri ni mfungho wa ti xivandza, ni lava khongelaka xifaniso xa xona, va huma swilondza leswo biha, leswi vavisaka ngopfu.

Varhoma 1:23

kutani ku kwetsima ka Xikwembu lexi nga boriki, va ku hundzule xifaniso lexi fanisaka munhu la bolaka, ni tinyanyana, ni swiharhi swa mune wa milenge, ni swikokovi.

Esaya 45:16

Hinkwavo va khomiwa hi tingana, va vaviseka, va suka va ri ni tingana vona vaendli va swifaniso.

Esaya 42:8

Hi mina Yehovha, hi rona vito ra mina, ndzi nga ka ndzi nga nyiki un'wana ku vonakala ka mina, ni swifaniso ku vongiwa ka mina.

Ezekiele 8:10

Kavaloko ndzi nghena, ndzi vona swifaniso leswo tala swa swikokovi ni swa swivandzana leswi yilaka, ni swa swikwembu hinkwaswo swa yindlu ya Israele, swi tsariwile emakhumbini ematlhelweni hinkwawo.

Nhlavutelo 9:20

Kambe vanhu lava seleke, lava nga dlayiwangiki hi makhombo walawo, a va hundzukanga emitirhweni ya mavoko ya vona; a va tshikanga ku gandzela mademona, ni swifaniso swa nsuku, ni swa silivhere, ni swa koporo, ni swa maribye, ni swa mitsandze, leswi nga voniki, ni ku yingisa, ni ku famba.

Esaya 42:17

Va ta tlhelela endzhaku, va va ni tingana, lava tshembaka swifaniso leswi vatliweke, lava nga eka swifaniso leswi nyukisiweke: ‘Mi swikwembu swa hina.’

2 TIKRONIKA 33:7

A yimisa ni xifaniso lexi vatliweke, xi ri lexi a xi endleke, endlwini ya Xikwembu, leyi Xikwembu xi nga vula eka Davhida ni ka Solomoni n'wanakwe xi te: “Endlwini leyi, ni le mutini wa Yerusalema lowu ndzi wu hlawuleke exikarhi ka tinxaka hinkwato ta Israele, ndzi ta veka vito ra mina hilaha ku nga heriki.

1 TIHOSI 12:28

Hosi yi endla makungu, kutani yi chulula marhole mambirhi ya nsuku, yi ku eka tiko ra yona: “Mi tlhandlukile eYerusalema hi nkarhi lowu ringanaka: O Israele! Hi xona xikwembu lexi ku humeseke etikweni ra Egipta!”

Eksoda 34:17

“U nga tshuki u tiendla xikwembu lexi chuluriweke.

Eksoda 32:1

Kakuloko tiko ri vona leswaku Muxe a hlwela ku xika entshaveni, ri hlengeletana eka Aroni, ri ku eka yena: “Tana, u hi endlela swikwembu leswi hi rhangelaka emahlweni, hikuva loko a ri Muxe, wanuna loyi a hi humeseke etikweni ra Egipta, a hi tivi lexi n'wi humeleleke.”

Eksoda 32:23

va tile eka mina, va ku: ‘Hi endlele xikwembu lexi hi rhangelaka emahlweni; hikuva loko a ri wanuna loyi Muxe, la hi humeseke etikweni ra Egipta a hi tivi leswi n'wi khomeke.’

Eksoda 32:8

Va hatlisile ku hambuka ndlela leyi ndzi va leriseke yona; va tiendlele rhole leri chuluriweke va khinsama emahlweni ka rona, va ri endlele magandzelo va ku: ‘Hi xona xikwembu xa wena Israele lexi ku humeseke etikweni ra Egipta!’ ”

Tinhlayo 12:8

ndzi vulavula na yena hi nomu, ndzi tikombisa eka yena kunene, ku nga ri hi xifaniso, kutani a vona xivumbeko lexinene xa Yehovha. A mi chavanga ha yini ku hleva nandza wa mina, Muxe xana?”

Vaavanyisi 17:3

Kuteloko a tlherisile tixikele teto ta 1 100, mana wa yena a ku: “Ndzi hlawulele Yehovha mali yoleyo, leswaku ku ta endleriwa n'wananga ha yona xifaniso lexi vatliweke ni xifaniso lexi chuluriweke, kutani sweswi, ndzi ti tlherisela eka wena.”

2 TIHOSI 17:12

Kambe va tirhela swifaniso leswi Yehovha a va byeleke ha swona: “Mi nga tshuki mi swi endla.”

Pisalema 78:58

Va vanga vukari bya xona hi swivandla leswi tlakukeke swa vona, Ni rilondzo ra xona hi swifaniso swa swikwembu swa vona.

Ezekiele 8:3

A tshambuluta xilo lexi nga voko, xi ndzi khoma hi misisi, kutani moya wu ndzi tlakulela empfhukeni, enorhweni, wu ndzi tisela Yerusalema, enyangweni ya le ndzeni leyi langutaka en'walungwini, laha ku nga ni xitshamo xa xifaniso xa rilondzo lexi pfuxaka rilondzo.

Ezekiele 20:7

Kutani ndzi ku eka vona: Munhu un'wana ni un'wana a a cukumete ku homboloka ka mahlo ya yena, mi nga tinyamisi hi swifaniso swa Egipta; hi mina Yehovha, Xikwembu xa n'wina.

Eksoda 20:23

Mi nga tshuki mi tiendlela swikwembu swa silivhere, ni swa nsuku ehandle ka mina.

Eksoda 32:4

kutani a swi amukela, a tsemelela nsuku hi nsindzu, a wu nyukisa, a chulula rhole. Kutani va ku: “Hi lexi xikwembu xa wena, Israele, lexi ku humeseke etikweni ra Egipta.”

Duteronoma 16:22

kambe u nga tshuki u tiyimisela swifaniso leswi Yehovha, Xikwembu xa wena, a swi vengaka.