Eksoda 20:2 - Xitsonga (Bibele)

² “Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

BIBELE Mahungu Lamanene

² “Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Eksoda 20:2 Referans Kwoze

Duteronoma 5:6

“ ‘Hi mina Yehovha, Xikwembu xa wena, la ku humeseke etikweni ra Egipta ni le ndlwini ya vukhumbi.

Hosiya 13:4

Kasi mina Yehovha, ndzi Xikwembu xa wena, ka ha ri loko u hume etikweni ra Egipta; kutani handle ka mina u nga ka u nga tivi Xikwembu xin'wana, ni muhanyisi a nga kona, loko ndzi nga ri mina.

Levhitika 26:13

Hi mina Yehovha, Xikwembu xa n'wina lexi mi humeseke etikweni ra Egipta, leswaku mi nga ha tshuki mi va makhumbi kona. Ndzi fayile mpingu wa joko ra n'wina, ndzi mi fambisile mi yimisa tinhamu.

Pisalema 81:10

Hi mina Yehovha, Xikwembu xa wena, la ku humeseke etikweni ra Egipta! Ahlamisa nomu wa wena, ndzi ta wu tata.

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

Levhitika 19:36

Mi ta va ni xikalo lexo lulama, ni maribye ya xona yo lulama; ni efa leyi lulameke ni hino leyi lulameke: hi mina Yehovha, Xikwembu xa n'wina, la mi humeseke eEgipta.

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Duteronoma 5:15

U ta anakanya leswaku a wu ri khumbi etikweni ra Egipta, ni leswaku Yehovha, Xikwembu xa wena, xi ku humesile hi voko ra matimba, ni voko leri tlakukeke; hikwalaho Yehovha, Xikwembu xa wena, xi ku leriseke ku hlayisa siku ra ku wisa.

Levhitika 23:43

vatukulu va n'wina va ta tiva leswaku ndzi akisile vana va Israele emitsongeni loko ndzi va humesa etikweni ra Egipta: hi mina Yehovha, Xikwembu xa n'wina.’ ”

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Duteronoma 13:10

u ta n'wi khandla hi maribye leswaku a fa; hikuva u lavile ku ku susumetela ekule na Yehovha, Xikwembu xa wena la ku humeseke etikweni ra Egipta, endlwini ya vukhumbi.

Levhitika 26:1

“ ‘Mi nga tshuki mi tiendlela swifaniso swa swikwembu swahava; mi nga tshuki mi tiyimisela swifaniso leswi vatliweke, ni swifaniso swa vanhu; kambe mi nga tshuki mi yimisa etikweni ra n'wina ribye leri nga ni xifaniso ku khinsama emahlweni ka xona hikuva hi mina Yehovha, Xikwembu xa n'wina.

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Pisalema 50:7

“Yingisa, tiko ranga, ndzi ta vulavula, Yingisa, Israele, ndzi ta vula vumbhoni exikarhi ka wena. Hi mina Xikwembu, Xikwembu xa wena.

Varhoma 10:12

Hikuva a ku na ku hambana eka Muyuda ni Mugriki, hikuva hinkwavo va ni Hosi yin'we, leyi fuwelaka hinkwavo lava kombelaka eka yona.

Varhoma 3:29

Xana Xikwembu i xa Vayuda ntsena xana? Xana a hi xa vamatiko na vona xana? Ina, i xa vamatiko, na vona;

Yeremiya 31:1

“Enkarhini wolowo, ku vula Yehovha, ndzi ta va Xikwembu xa tinxaka hinkwato ta Israele; tona, ti va tiko ra mina.”

2 TIKRONIKA 28:5

Kutani Yehovha, Xikwembu xa yena, a n'wi nyiketa emavokweni ya hosi ya Siriya; Vasiriya va n'wi hlula, va khoma vanhu va yena lavo tala va va yisa eDamaska. A nyiketiwa ni le mavokweni ya hosi ya Israele, a hluriwa ngopfu hi yena.

Eksoda 6:6

Hikwalaho u nge eka vana va Israele: Hi mina Yehovha; ndzi ta mi rhula ku tika ka Vaegipta; ndzi mi lwela; ndzi ta mi tshunxa evukhumbini bya vona, ndzi mi kutsula hi voko ra matimba, ni ku avanyisa lokukulu.

Eksoda 15:13

“Hi tintswalo ta wena u fambisile u tshunxile tiko leri; U ri fambisile hi matimba ya wena, Evutshan'weni bya ku kwetsima ka wena.

Eksoda 15:16

Ku chava ni ku rhurhumela ku ta va wela ehenhla; Hi voko ra wena ra matimba Va ta hundzuka timbheveve leti fanaka ni maribye, Ku kondza tiko ra wena ri pela, oho Yehovha! Ku kondza ku pela tiko leri u ri kutsuleke.

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Eksoda 20:1

Kutani Xikwembu xi vulavula marito walawo hinkwawo, xi ku:

Eksoda 29:46

va ta tiva leswaku hi mina Yehovha, Xikwembu xa vona lexi va humeseke etikweni ra Egipta, leswaku ndzi aka exikarhi ka vona. Hi mina Yehovha Xikwembu xa vona.”

Levhitika 11:45

Hikuva hi mina Yehovha la mi humeseke etikweni ra Egipta leswaku ndzi va Xikwembu xa n'wina; mi ta kwetsima hikuva ndzi kwetsimile.’ ”

Vaavanyisi 2:1

Kutani ntsumi ya Yehovha yi suka eGiligala yi tlhandlukela eBokimi, yi ku: “Ndzi te ndzi ta mi humesa eEgipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina; a ndzi te, ndzi nga ka ndzi nga onhi ni siku ni rin'we ntwanano wa mina lowu ndzi wu endleke na n'wina.

Esaya 43:3

Hikuva hi mina Yehovha, Xikwembu xa wena, Muhlawuleki wa Israele, muponisi wa wena; ndzi ku nyika Egipta ku va ku kutsuriwa ka wena, Etiyopiya na Seba ematshan'weni ya wena.

Yeremiya 2:6

A va vulangi, va ku: ‘U kwihi Yehovha, la hi humeseke etikweni ra Egipta, la hi fambiseke emananga, etikweni lero kwalala, ra mikova, tiko leri omeke ra ndzhuti wa rifu, tiko leri nga riki na muhundzi, ni muaki?’

Yeremiya 16:14

“Hikwalaho, maswivo, ku ta masiku lawa, ku vula Yehovha, va nga ha tiki tshama, va ku: ‘Yehovha wa hanya, la humeseke vana va Israele etikweni ra Egipta,’

Yeremiya 34:13

“Ku vula Yehovha Xikwembu xa Israele: A ndzi endlile ntwanano ni vatata wa n'wina, hi nkarhi lowu ndzi va humeseke etikweni ra Egipta, endlwini ya vukhumbi, ndzi ku:

Ezekiele 20:7

Kutani ndzi ku eka vona: Munhu un'wana ni un'wana a a cukumete ku homboloka ka mahlo ya yena, mi nga tinyamisi hi swifaniso swa Egipta; hi mina Yehovha, Xikwembu xa n'wina.

Ezekiele 20:19

Hi mina Yehovha, Xikwembu xa n'wina, fambani hi ku lerisa ka mina, mi hlayisa milawu ya mina, mi yi endla;

Amosi 2:10

Kambe hi mina ndzi nga mi humesa etikweni ra Egipta, ndzi mi fambisa emananga hi malembe ya mune wa makume mi ta fuma tiko ra Vaamori.

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Levhitika 25:38

Hi mina Yehovha, Xikwembu xa n'wina, la mi humeseke etikweni ra Egipta, ku mi nyika tiko ra Kanana, ni ku va Xikwembu xa n'wina.

Levhitika 25:42

Hikuva i malandza ya mina, lawa ndzi ma humeseke etikweni ra Egipta; ma nga ka ma nga xavisiwi kukotisa leswi va xavisaka khumbi.

Levhitika 25:55

Hikuva vana va Israele, i malandza ya mina; i malandza ya mina lawa ndzi ma humeseke etikweni ra Egipta: hi mina Yehovha, Xikwembu xa n'wina.

Duteronoma 20:1

“Kutakuloko u huma nyimpi ku ya lwa ni valala va wena, ni loko u vona tihanci ni tigolonyi, ni nyimpi leyi ku tlulaka hi ku tala, u nga tshuki u va chava, hikuva Yehovha, Xikwembu xa wena, u na wena, yena la ku humeseke etikweni ra Egipta.

Vaavanyisi 6:10

Ndzi te eka n'wina: “Hi mina Yehovha, Xikwembu xa n'wina, mi nga tshuki mi chava swikwembu swa Vaamori, lava mi akeke etikweni ra vona.” Kambe a mi yingisangi rito ra mina.’ ”

1 TIHOSI 18:39

Tiko hinkwaro ri swi vona, va khinsama hi mimombo ya vona, va ku: “Xikwembu i Yehovha! Xikwembu i Yehovha!”

2 TIHOSI 17:7

Hikuva vana va Israele a va dyohele Yehovha, Xikwembu xa vona, loyi a va humeseke etikweni ra Egipta, ehansi ka voko ra Faro, hosi ya Egipta, kutani va chavile swikwembu swin'wana.

2 TIHOSI 17:12

Kambe va tirhela swifaniso leswi Yehovha a va byeleke ha swona: “Mi nga tshuki mi swi endla.”

Pisalema 81:7

U ndzi khongele u ri emapfalweni, kutani ndzi ku ponisa, Ndzi ku hlamule ndzi titumbetile eku pfumeni, Kutani ndzi ku ringa ematini ya Meriba.

Pisalema 81:11

“Kambe tiko ra mina a ri yingisanga rito ra mina, Israele a nga ndzi yingisanga.

Ezekiele 20:5

“U ku eka vona: Hosi Yehovha u ri: Hi siku leri ndzi nga hlawula Israele ha rona, ndzi yimisa voko ra mina eka vatukulu va yindlu ya Yakobo, ndzi titivisa eka vona etikweni ra Egipta, ndzi yimisa voko ra mina eka vona, ndzi ku: ‘Hi mina Yehovha, Xikwembu xa n'wina.’

Hosiya 12:10

Kasi hi mina Yehovha, Xikwembu xa wena, loko wa ha huma etikweni ra Egipta. Ndza ha ta ku akisa emitsongeni, kukotisa loko ku endliwa siku ra nkhuvo.