Eksoda 20:18 - Xitsonga (Bibele)

¹⁸ Tiko hinkwaro ri yingisa ku pfuma ni mpfumawulo wa nanga ri vona ku hatima, ni ntshava loko yi ri karhi yi mbuluka musi. Kuteloko tiko ri vone sweswo, ri rhurhumela ngopfu, ri yimela ekule.

BIBELE Mahungu Lamanene

¹⁸ Loko Vaisraele hinkwavo va twa ku baleka ka tilo ni ku ba ka mhalamhala, ni loko va vona ku vangama ka rihati ni musi lowu mbulukaka entshaveni, va yimela kule va ri karhi va rhurhumela.

Eksoda 20:18 Referans Kwoze

Yeremiya 23:23

“Xana mi ri, ndzi Xikwembu xa le kusuhi, ku vula Yehovha, a ndzi Xikwembu xa le kule na swona xana?

Genesa 3:10

Yena a ku: “Ndzi twe rito ra wena entangeni, kutani ndzo chava, hikuva a ndzi ambalanga nchumu, kutani ndzo tumbela.”

Duteronoma 4:36

Xi ku twisile rito ra xona xi ri etilweni ku ku dyondzisa; kambe la emisaveni, ku vonisile ndzilo wa xona lowukulu, kutani u yingisile marito ya xona endzilweni.

Duteronoma 5:5

kambe a ndzi yimile exikarhi ka n'wina na Yehovha, ku mi byela rito ra Yehovha, hikuva a mi chava ndzilo lowu, kutani a mi khandziyanga entshaveni leyi, i a ku:

Duteronoma 5:25

Kutani sweswi, hi ta fela yini-ke? Hikuva ndzilo lowukulu lowu wu ta hi heta; kungakuloko hi twa kambe rito ra Yehovha Xikwembu xa hina, hi ta fa.

Duteronoma 18:16

U ta endla hilaha u kombeleke hakona eka Yehovha, Xikwembu xa wena, eHorebe, hi siku ra nhlengeletano, loko u te: ‘Ndzi nga ka ndzi nga ha yingisi rito ra Yehovha, Xikwembu xa mina; ni ndzilo lowukulu lowu, ndzi nga tshuki ndzi wu vona kambe, leswaku ndzi nga ta fa.’

Pisalema 81:7

U ndzi khongele u ri emapfalweni, kutani ndzi ku ponisa, Ndzi ku hlamule ndzi titumbetile eku pfumeni, Kutani ndzi ku ringa ematini ya Meriba.

Genesa 15:17

Kuteloko dyambu ri perile, ku wa munyama; kutani maswivo, khele leri pfurhaka, ni swisa leswi pfurhaka swi hundza exikarhi ka swilo leswi avanyisiweke.

Duteronoma 5:23

“Kuteloko mi yingisile rito, ri le munyameni, ni loko mi vonile ntshava hinkwayo yi pfurha hi ndzilo, mi tshinerile eka mina, ti ri tihosi hinkwato ta tinyimba ni vakulukumba,

Duteronoma 5:27

Tshinela u ri wena, u ta yingisa hinkwaswo leswi vuriwaka hi Yehovha, Xikwembu xa hina, kutani u ta hi byela hinkwaswo leswi Yehovha, Xikwembu xa hina, xi ku byeleke swona, hi ta swi yingisa kambe hi ta swi endla.’