Eksoda 20:17 - Xitsonga (Bibele)

¹⁷ “U nga tshuki u navela yindlu ya warikwenu, u nga tshuki u navela nsati wa yena, hambi a ri nandza wa yena wa wanuna, kumbe wa wansati hambi yi ri homu ya yena, hambi yi ri mbhongolo ya yena, hambi xi ri xilo xin'wana xa warikwenu.”

BIBELE Mahungu Lamanene

¹⁷ “U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Eksoda 20:17 Referans Kwoze

Varhoma 13:9

Hikuva milawu leyi nge: “U nga tshuki u oswa; u nga tshuki u dlaya; u nga tshuki u yiva; u nga tshuki u lumbeta warikwenu; u nga tshuki u navela swilo swa un'wana”; hambi wu ri nawu wihi ni wihi lowu nga kona, wu katsakanyiwa hi rito leri nge: “Rhandza warikwenu kukota loko u tirhandza.”

Luka 12:15

Kutani a ku eka vona: “Tivoneleni, mi chava timbilu ta makwanga, hikuva vutomi bya munhu byi nga ka byi nga humi eswilweni leswi a swi fuweke, hambi swi n'wi andzele ngopfu.”

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

Vaefesa 5:5

hikuva ma swi tiva leswaku muoswi, hambi yi ri mbhisa, ni la rhandzaka rifuwo, a nga munhu la tirhelaka swikwembu swahava, a nga ka a nga vi na ku averiwa eku fumeni ka Kriste ni Xikwembu.

Varhoma 7:7

Hi ta ku yini-ke? Xana nawu wu bihile xana? A swi tano! Kambe loko a ku nga ri hi nawu, ingi ndzi nga tivanga vudyoho; hikuva a ndzi nga tivi ku navela, loko ngi nawu a wu nga vulanga leswaku: “U nga tshuki u navela!”

Vaefesa 5:3

Kambe loko byi ri vuoswi ni vumbhisa hinkwabyo, ni ku navela ka ku fuwa, swi nga tshuki swi vuriwa ni mavito ya swona exikarhi ka n'wina hilaha swi fanelaka vakwetsimi,

Matewu 5:28

Kambe mina ndzi ri eka n'wina: Munhu, hambi a nga va mani na mani, la langutaka wansati ku n'wi navela, u n'wi oswile embilwini ya yena.

1 Vakorinto 6:10

Mi nga tshuki mi lahleka: Loko va ri va thyaka, ni lava gandzelaka swifaniso, ni vaoswi, ni swipombolo, ni loko va ri va Sodoma, ni vayivi, ni lava navelaka rifuwo, ni vapyopyi, ni lava hlevaka van'wana, ni lava dyelelaka, lavo tano, va nga ka va nga dyi ndzhaka ya ku fuma ka Xikwembu.

Habakuku 2:9

U ni khombo la fuwelaka yindlu ya yena rifuwo lero biha, la vekaka vuako bya yena ehenhla, leswaku a tisirheleta khombo!

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Yeremiya 5:8

I timangwa leti xurheke, leti tsutsumelaka hinkwako, un'wana ni un'wana u rilela nsati wa nakulobye.

Ntirho 31:9

“Loko mbilu ya mina yi kanganyisiwe hi wansati, Kumbe ndzi tshama enyangweni ya loyi ndzi akeke na yena ku n'wi etlela,

Timhaka 20:33

A ndzi navelanga macheleni, ni loko ti ri tipondho, hambi yi ri nguvu ya munhu ni un'we.

Timhaka 5:4

A ndzi ku: Nsimu, ni loko u tihlayisele yona, a yi nga ri ya wena-ke? Ni loko yi xavisiwile, nxavo wa yona a wu nga ri wa wena-ke? Mhaka leyi, u yi nghenisise ku yini embilwini ya wena? A ku hembelangi vanhu, kambe u hembele Xikwembu.”

Luka 16:14

Vafarisi lava nga ni makwanga, a va yingisa timhaka teto hinkwato, kutani va n'wi tsan'wa.

Matewu 20:15

Kumbe a ndzi swi koti ku tirha hi swa mina hilaha ndzi swi rhandzaka xana? Kumbe u hlunamele yini vunene bya mina xana?’

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Esaya 57:17

Hikwalaho ka ku navela loku nga ni nandzu, ndzi karihile kutani ndzi n'wi bile, ndzi va ndzi tifihla evukarini bya mina; kutani la tiarisaka u landzile ndlela ya mbilu ya yena.

Esaya 33:15

U ta va loyi a fambaka endleleni ya ku lulama, la vulavulaka swo lulama, la sandzaka rifuwo leri tekiweke hi matimba, la nikinaka mavoko ya yena a nga ti tshuka a amukela tinyiko, a tisiva tindleve, leswaku a nga tshuki a twa timhaka ta ku dlaya, la swinyaka mahlo leswaku a nga voni swo biha.

Eklesiasta 4:8

I munhu la tshameke a ri swakwe, a nga riki na wa vumbirhi, la pfumalaka n'wana kumbe makwavo; hambiswiritano, ntirho wa yena a wu na makumu, na wona mahlo ya yena a ma xurhi rifuwo. Xana ndzi tikarhatela mani, ndzi tsona moya wa mina ku kateka hikwalaho ka mani? Xolexo, na xona, i vuhava, i mhaka leyi nga humeseriki nchumu.

Swivuriso 4:23

Hlayisa mbilu ya wena ku tlurisa leswi hlayisiwaka, Hikuva i xihlovo xa vutomi.

Pisalema 119:36

Kokela mbilu ya mina leswaku yi yingisa ku tsundzuxa ka wena, Ku nga ri leswaku yi rhandza ku fuwa.

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

Ntirho 31:1

“A ndzi endla xinakulobye ni mahlo ya mina, Leswaku ndzi nga tshuki ndzi languta wanhwana.

1 SAMIELE 15:19

A ku yingisanga ha yini rito ra Yehovha xana? U tsutsumele yini xuma u endla leswo biha emahlweni ka Yehovha?”

Yoxuwa 7:21

Ndzi vonile exumeni nguvu leyo saseka, ya Xinara, ni madzana mambirhi ya tixikele ta silivhere, ni nsuku lowu vumbiweke wa tixikele ta 50 ta ku tika, ndzi swi naverile, ndzi va ndzi swi teka; kutani waswivo, swi fihliwile emisaveni entsongeni wa mina, kambe mali yi le hansi ka swona.”

Genesa 3:6

Wansati, kuteloko a vona leswaku murhi a wu nandziha, ni leswaku wu navetisa mahlo, ni leswaku wu navetisa ku tlhariha, a kha mihandzu ya wona, a dya, a nyika ni nuna wa yena loyi ngi a ri na yena, kutani a dya.

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

Genesa 34:23

Xana mitlhambi ya vona ni rifuwo ra vona ni tihomu ta vona hinkwato swi nga ka swi nga vi swa hina xana? A hi pfumeleleni ntsena leswi va swi vulaka, kutani va ta tshama na hina.”

Genesa 14:23

Hambi ma ri marinya ku fika eka ringole ra ntanghu, ndzi nga ka ndzi nga teki nchumu xa leswi nga swa wena! U nga tivula, u ku: ‘Mina, ndzi fuwisile Abrama!’

Duteronoma 5:21

“ ‘U nga tshuki u navela nsati wa warikwenu u nga tshuki u navela yindlu ya warikwenu, hambi yi ri nsimu ya yena, hambi a ri nandza wa yena wa wanuna kumbe wa wansati, hambi yi ri homu ya yena, kumbe mbhongolo ya yena, hambi xi ri xilo xin'wana xa warikwenu.’

Duteronoma 7:25

“Mi ta hisa endzilweni swifaniso leswi vatliweke swa swikwembu swa vona; u nga tshuki u navela silivhere ni nsuku lowu nga ehenhla ka swona, kambe u nga tshuki u titekela swona leswaku wu nga tshuki wu va ntlhamu eka wena, hikuva swa yila emahlweni ka Yehovha, Xikwembu xa wena.

1 SAMIELE 12:3

Hi mina loyi; ndzi landzuleni emahlweni ka Yehovha, ni le mahlweni ka muhlawuriwa wa yena: Ndzi tekile homu ya mani xana? Ndzi tekile mbhongolo ya mani xana? Ndzi dyelele mani? Ndzi xanisile mani? Ndzi khandlile mani? Ndzi amukerile tinyiko emavokweni ya mani leswaku ndzi pfala mahlo ehenhla ka yena ndzi ta mi tlherisela swona!”

Swivuriso 6:29

Swi endlisa sweswo eka la yaka eka nsati wa warikwavo, Mani na mani la n'wi khumbaka a nga pfumali nandzu.