Eksoda 20:15 - Xitsonga (Bibele)

¹⁵ “U nga tshuki u yiva.

BIBELE Mahungu Lamanene

¹⁵ “U nga tshuki u yiva.

Eksoda 20:15 Referans Kwoze

Varhoma 13:9

Hikuva milawu leyi nge: “U nga tshuki u oswa; u nga tshuki u dlaya; u nga tshuki u yiva; u nga tshuki u lumbeta warikwenu; u nga tshuki u navela swilo swa un'wana”; hambi wu ri nawu wihi ni wihi lowu nga kona, wu katsakanyiwa hi rito leri nge: “Rhandza warikwenu kukota loko u tirhandza.”

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

Levhitika 19:11

“ ‘Mi nga tshuki mi yiva. Mi nga tshuki mi hembelana, hambi ku ri ku xisana.

Levhitika 19:13

“ ‘U nga tshuki u endla wa rikwenu hi matimba, ni ku teka xilo xa yena hi matimba. U nga tshuki u khoma hakelo ya mutirhi ku fika siku ra mundzuku.

Matewu 19:18

A ku eka yena: “Hi yihi?” Yesu a n'wi hlamula, a ku: “Hi leyi nge: U nga tshuki u dlaya, u nga tshuki u endla vuoswi, u nga tshuki u yiva, u nga tshuki u hembela munhu;

1 Vakorinto 6:10

Mi nga tshuki mi lahleka: Loko va ri va thyaka, ni lava gandzelaka swifaniso, ni vaoswi, ni swipombolo, ni loko va ri va Sodoma, ni vayivi, ni lava navelaka rifuwo, ni vapyopyi, ni lava hlevaka van'wana, ni lava dyelelaka, lavo tano, va nga ka va nga dyi ndzhaka ya ku fuma ka Xikwembu.

Yohane 12:6

A vurisa sweswo, ku nga ri ku hlayisa swisiwana, kambe hikuva a a ri khamba; kutani hi yena la tameleke xikwamana xa mali a teka leswi nghenisiwaka kona.

Swivuriso 11:1

Xikalo xa vunwa xi vengiwa hi Yehovha, Kambe mpimo lowo lulama wa n'wi tsakisa.

Duteronoma 24:7

“Kungakuloko munhu a yiva munhu wa varikwavo, exikarhi ka vana va Israele, a n'wi endla khumbi ra yena kutani a n'wi xavisa, muyivi loyi u ta fa; hi kona u nga ta humesa lowo biha exikarhi ka wena.

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Matewu 21:13

a ku eka vona: “Ku tsariwile va ku: ‘Yindlu ya mina yi ta vuriwa yindlu ya ku khongela,’ kasi n'wina mi yi endle bako ra makhamba.”

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.

Amosi 3:10

“A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”

Eksoda 21:16

“Loko un'wana a yive munhu ku n'wi xavisa, kutani a kumiwa emavokweni ya yena, muyivi u ta dlawa.

Matewu 15:19

Hikuva miehleketo leyo biha, ni ku dlayana, ni timholovo, ni vuoswi, ni vukhamba, ni ku hembelana, ni ku sandzana swi huma embilwini,

Duteronoma 5:19

“ ‘U nga tshuki u yiva.