Eksoda 19:20 - Xitsonga (Bibele)

²⁰ Sweswo Yehovha a rhelele entshaveni ya Sinayi, enhlohlorhini ya ntshava; kutani Yehovha a vitana Muxe enhlohlorhini ya ntshava, kutani Muxe a khandziyela kona.

BIBELE Mahungu Lamanene

²⁰ Kutani HOSI Xikwembu xi rhelela xi ta enhlohlorhini ya ntshava ya Sinayi; xi vitanela Muxe enhlohlorhini ya ntshava, kutani Muxe a tlhandluka a ya kona.

Eksoda 19:20 Referans Kwoze

Nehemiya 9:13

U va u xikela entshaveni ya Sinayi, u vulavula na vona u ri ematilweni u va nyika ku avanyisa ematilweni, u va nyika ku avanyisa loko lulama ni milawu leyinene, ni ku lerisa, ni switsundzuxo leswo lulama.

Pisalema 81:7

U ndzi khongele u ri emapfalweni, kutani ndzi ku ponisa, Ndzi ku hlamule ndzi titumbetile eku pfumeni, Kutani ndzi ku ringa ematini ya Meriba.

Eksoda 34:4

Muxe a vatla maribye mambirhi lama fanaka ni layo rhanga, a pfuka wa ha ri mpundzu, a khandziya ntshava ya Sinayi, hilaha Yehovha a nga n'wi lerisa hakona, a khomile maribye mambirhi emavokweni ya yena.

Eksoda 34:2

U tilunghisa nimixo, kutani u tlhandlukela entshaveni ya Sinayi, u ta yima kona emahlweni ka mina, enhlohlorhini ya ntshava.

Eksoda 24:18

Kutani Muxe a nghena epapeni, a khandziya entshaveni a tshama kona hi masiku ya mune wa makume, nhlekanhi ni vusiku.

Eksoda 19:11

va tilunghisela siku ra vunharhu; hikuva hi siku ra vunharhu Yehovha u ta xikela entshaveni ya Sinayi emahlweni ka tiko hinkwaro.

Eksoda 19:3

Kutani Muxe a tlhandlukela eka Xikwembu, Yehovha a n'wi vitana a ri entshaveni, a ku: “Vulavula ni yindlu ya Yakobo, u byela vana va Israele u ku:

Duteronoma 9:9

Kuteloko ndzi khandziyile entshaveni, ku ya teka maribye, ma nga maribye ya ntwanano lowu Yehovha a nga wu endla na n'wina, ndzi tshamile entshaveni masiku ya 40, ni vusiku bya 40, ndzi nga dyi vuswa, ndzi nga nwi mati;

Duteronoma 33:2

“Yehovha u hume Sinayi, U va tsuvukele a ri Seyira; U vonakile a ri entshaveni ya Parani, U suke exikarhi ka mavandla layo kwetsima. Evokweni ra xinene ra yena, ndzilo wa nawu wu va humelele.

1 TIHOSI 19:11

Yehovha a ku eka yena: “Huma u yima entshaveni emahlweni ka Yehovha.” Kutani maswivo, Yehovha a hundza; moya wa xidzedze wu handzula tintshava, wu faya maribye emahlweni ka Yehovha. Kambe Yehovha a a nga ri kona exidzedzeni. Endzhaku ka xidzedze ku va ni ku tsekatseka ka misava. Kambe Yehovha a a nga ri kona eku tsekatsekeni ka misava.

Eksoda 24:15

Muxe a tlhandluka entshaveni, kutani papa ri funengeta ntshava.