Eksoda 19:18 - Xitsonga (Bibele)

¹⁸ Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

BIBELE Mahungu Lamanene

¹⁸ Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Eksoda 19:18 Referans Kwoze

Vaavanyisi 5:5

“Tintshava ti suka emahlweni ka Yehovha, Na yena Sinayi, emahlweni ka Yehovha, Xikwembu xa Israele.

Pisalema 144:5

Yehovha, xikisa matilo ya wena, u xika! Khumba tintshava ti mpukuka!

Nhlavutelo 15:8

Kutani tempele yi tala musi hikwalaho ka ku kwetsima ka Xikwembu ni matimba ya xona; kambe a ku nga ri na loyi a swi kotaka ku nghena etempeleni, ku nga si hetiseka makhombo laya ntlhanu na mambirhi ya tintsumi leta ntlhanu na timbirhi.

Eksoda 3:2

Ntsumi ya Yehovha yi humelela eka yena emalangavini ya ndzilo, exikarhi ka xihlahla; kuteloko Muxe a langutile, a vona xihlahla xi pfurha hi ndzilo, kambe xihlahla xi nga heli.

Yeremiya 4:24

Ndzi languta tintshava, vonani, ta rhurhumela, ni switsunga hinkwaswo swa tsekatseka.

Genesa 19:28

Kutani a languta tlhelo ra Sodoma na Gomora, ni ra tiko hinkwaro ra rivala, kutani a vona musi wa misava wu tlhlandlukela ehenhla, wu fana ni musi wa xivumbi.

Pisalema 104:32

A languta misava, kutani yi rhurhumela; U khumba tintshava, kutani ti huma musi.

Duteronoma 33:2

“Yehovha u hume Sinayi, U va tsuvukele a ri Seyira; U vonakile a ri entshaveni ya Parani, U suke exikarhi ka mavandla layo kwetsima. Evokweni ra xinene ra yena, ndzilo wa nawu wu va humelele.

Duteronoma 5:22

“Yehovha a byela nhlengeletano hinkwayo marito lawa entshaveni, a ri endzilweni, epapeni, nemunyameni, a vulavula hi rito lerikulu, kambe a nga engetelanga ha nchumu, kutani a tsala marito lawa emaribyeni mambirhi ya swimphampha, a ndzi nyika swona.

Eksoda 24:17

Kutani xikombiso xa ku kwetsima ka Yehovha enhlohlorhini ya ntshava emahlweni ya vana va Israele a xi fana ni ndzilo lowu dlayaka.

Vaheveru 12:26

loyi rito ra yena ri nga tsekatsekisa misava khale, kutani sweswi, wa hi tshembisa, a ku: “Hi nkarhi wun'wana ndza ha ta tsekatsekisa, yi nga ri misava ntsena, kambe na rona tilo.”

Esaya 6:4

Masungulo ya tinyangwa ta tempele ma tsekatseka hi rito ra la huwelelaka, yindlu yi tala musi.

Genesa 15:17

Kuteloko dyambu ri perile, ku wa munyama; kutani maswivo, khele leri pfurhaka, ni swisa leswi pfurhaka swi hundza exikarhi ka swilo leswi avanyisiweke.

2 Petro 3:10

Kambe siku ra Hosi ri ta ta kukotisa khamba; kutani ha rona matilo ma ta hundza hi ku pfuma loku chavisaka, masungulo ya hinkwaswo ma ta hela hi ku tshwa, kutani misava ni mitirho leyi nga ka yona yi ta tshwa.

Vaheveru 12:18

Hikuva a mi tshinelelangi ntshava leyi khumbiwaka hi voko, hambi wu ri ndzilo lowu hisaka, hambi wu ri munyama, hambi xi ri xidzedze,

2 Vatesalonika 1:8

hi ndzilo lowu pfurhaka, ku rihisa lava nga tiviki Xikwembu, ni lava nga yingisiki Evhangeli ya Yesu Kriste, Hosi ya hina.

Matewu 24:7

Hikuva tiko rin'wana ri ta pfukela tiko rin'wana matimba, ni ku fuma kun'wana ku ta lwa ni ku fuma kun'wana; tindlala ti ta va kona ni ku tsekatseka ka misava hi matlhelo layo tala.

Zakariya 14:5

Mi ta tsutsuma hi nkova wa tintshava ta mina, hikuva nkova wa tintshava wu ta fika eAsele; kutani mi tsutsuma kukotisa siku mi nga tsutsuma loko misava yi tsekatseka, emikarhini ya Uziya, hosi ya Yuda. Kutani Yehovha, Xikwembu xa mina, u ta ta, a ri ni vakwetsimi hinkwavo.

Pisalema 114:7

Wena, misava, rhurhumela emahlweni ka Hosi! Emahlweni ka Xikwembu xa Yakobo,

Pisalema 77:18

Ku pfuma ka wena ku twakele exihuhurini, Tihati ti voningile misava, Misava yi tsekatseka, yi rhurhumela.

Eksoda 20:18

Tiko hinkwaro ri yingisa ku pfuma ni mpfumawulo wa nanga ri vona ku hatima, ni ntshava loko yi ri karhi yi mbuluka musi. Kuteloko tiko ri vone sweswo, ri rhurhumela ngopfu, ri yimela ekule.

Eksoda 19:13

Va nga ka va nga n'wi khomi hi voko, kambe u ta khandliwa hi maribye, kumbe a dlawa hi tlhari; hambi xi ri xifuwo, hambi a ri munhu, a nga ka a nga hanyi. Kutakuloko nanga yi rila, va ta khandziya entshaveni.”

2 Vatesalonika 1:7

siku Hosi Yesu a vonakalaka, a huma etilweni ni tintsumi ta yena leta matimba,

Nhlavutelo 9:2

Kutani yi pfula khele ra tihele, kutani ku huma ekheleni musi lowu fanaka ni musi wa hondo lowukulu; kutani dyambu ni mpfhuka swi hundzuka ntima hi musi lowu humaka ekheleni.

Genesa 11:5

Kambe Yehovha a xika ku ta vona muti ni xihondzo xexo vana va vanhu a va ri karhi va xi aka.

Eksoda 19:17

Kutani Muxe a humese tiko emixaxeni, ri ya hlangana ni Xikwembu, va yime hansi ka ntshava.

Eksoda 34:2

U tilunghisa nimixo, kutani u tlhandlukela entshaveni ya Sinayi, u ta yima kona emahlweni ka mina, enhlohlorhini ya ntshava.

Duteronoma 5:4

Yehovha u vulavurile na n'wina entshaveni mi langutene na yena, a ri endzilweni;

Esaya 64:1

O! Loko ngi u handzula matilo, u xika, tintshava a ti ta tsekatseka emahlweni ka wena,

Duteronoma 4:36

Xi ku twisile rito ra xona xi ri etilweni ku ku dyondzisa; kambe la emisaveni, ku vonisile ndzilo wa xona lowukulu, kutani u yingisile marito ya xona endzilweni.

Nehemiya 9:13

U va u xikela entshaveni ya Sinayi, u vulavula na vona u ri ematilweni u va nyika ku avanyisa ematilweni, u va nyika ku avanyisa loko lulama ni milawu leyinene, ni ku lerisa, ni switsundzuxo leswo lulama.

Pisalema 18:9

A xikisa matilo, kutani a rhelela; Munyama a wu ri hansi ka mikondzo ya yena.

Pisalema 68:9

Oho Xikwembu! U nisile mpfula ya ku kateka ehenhla ka ndzhaka ya wena, Ni loko yi karhele, u yi hile matimba.

Pisalema 77:19

U tiboxele gondzo exikarhi ka lwandle, Ni ndlela ya wena exikarhi ka mati lamakulu; Kutani mitila ya wena a yi tiviwanga.

Pisalema 114:4

Tintshava ti tlulatlula kukotisa tinyimpfu, Switsunga kukotisa swinyimpfana.

Habakuku 3:6

A yima, kutani a pima misava; a languta, kutani a rhurhumerisa matiko; tintshava ta khale ti mbundzuka, switsunga swa khale swi byatsama. Tindlela ta yena i ta khalekhale.