Eksoda 15:26 - Xitsonga (Bibele)

²⁶ “Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

BIBELE Mahungu Lamanene

²⁶ Kutani xi ku ka vona: “Loko mi tinyiketa ku yingisa leswi mina HOSI Xikwembu xa n'wina ndzi mi byelaka swona, mi endla leswi swi ndzi tsakisaka, mi landza milawu ya mina ni ku hlayisa swileriso swa mina hinkwaswo, ndzi nga ka ndzi nga mi vangeli ni ntungu ni wun'we wo fana ni leyi ndzi yi vangeleke Vaegipta, hikuva hi mina HOSI Xikwembu, mutshunguri wa n'wina.”

Eksoda 15:26 Referans Kwoze

Pisalema 103:3

Hi yena la ku rivalelaka milandzu ya wena hinkwayo, La hanyisaka mavabyi ya wena hinkwawo;

Duteronoma 7:15

Yehovha u ta hlongola vuvabyi hinkwabyo ekule na wena; a nga ka a nga ku vavisi hi xin'we xa swivabyi leswo biha swa Egipta, leswi u swi tivaka, kambe u ta vavisa ha swona hinkwavo lava ku vengaka.

Eksoda 23:25

Tirhelani Yehovha, Xikwembu xa n'wina, kutani xi ta katekisa vuswa bya n'wina ni mati ya n'wina, kambe ndzi ta susa vuvabyi exikarhi ka n'wina.

Pisalema 147:3

U horisa lava timbilu leti tlhaviweke, U bohelela timbanga ta vona.

Yeremiya 33:6

Vona, ndzi ta wu bohelela ndzi wu wongola, ndzi va horisa, ndzi va nyika ndzalo ya ku rhula, ni yo tsaka;

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Levhitika 26:13

Hi mina Yehovha, Xikwembu xa n'wina lexi mi humeseke etikweni ra Egipta, leswaku mi nga ha tshuki mi va makhumbi kona. Ndzi fayile mpingu wa joko ra n'wina, ndzi mi fambisile mi yimisa tinhamu.

Ntirho 5:18

Hikuva wa tlhava, kambe a tlhela a bohelela timbanga, Wa tshova, kutani mavoko ya yena ma horisa.

Duteronoma 28:60

U ta vuyisa ehenhla ka wena mavabyi hinkwawo ya Egipta, lawa u nga rhurhumela emahlweni ka wona, kutani ma ta ku namarhela.

Duteronoma 12:28

Tilangutele, u yingisa timhaka hinkwato leti ndzi ku lerisaka tona leswaku u tsaka, ni vana va wena endzhaku ka wena, hilaha ku nga yiki helo, hikuva u ta va u endlile leswinene ni leswi lulameke emahlweni ka Yehovha, Xikwembu xa wena.

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

Esaya 57:18

Ndzi vonile tindlela ta yena, ndzi ta n'wi hanyisa; ndzi ta n'wi kombisa ndlela, kutani ndzi ta n'wi chavelela ni lava rilaka na yena.”

Duteronoma 13:18

leswaku loko u yingisa rito ra Yehovha, Xikwembu xa wena, u ri karhi u hlayisa milawu ya yena hinkwayo leyi ndzi ku lerisaka namuntlha, ni loko u endla leswi lulameke emahlweni ka Yehovha, Xikwembu xa wena.

2 TIHOSI 20:5

“Tlhela ka Hezekiya, mufambisi wa tiko ra mina, u ku eka yena: Yehovha, Xikwembu xa Davhida, tata wa wena, xi ku: ‘Ndzi yingisile xikhongelo xa wena, ndzi vonile mihloti ya wena, ndzi ta ku hanyisa. Siku ra vunharhu u ta tlhandlukela endlwini ya Yehovha.

Duteronoma 28:27

“Yehovha u ta ku ba hi swilondza swa Egipta, ni marhumba, ni tinhlalu, ni muna, swilo leswi, u nga ka u nga holi eka swona.

Ezekiele 18:5

“Munhu la lulameke, la tirhaka hi mfanelo ni ku lulama,

Yeremiya 8:22

Xana ku na murhi eGiliyadi, a ku na n'anga kona xana? Xana mbanga ya n'wana wa tiko ra mina a yi boheleriwanga ha yini?

2 TIHOSI 22:2

A endla leswo lulama emahlweni ka Yehovha, a famba endleleni hinkwayo ya Davhida, tata wa yena, a nga yi hambukanga, hambi exineneni, hambi eximatsini.

Levhitika 26:3

“ ‘Loko mi famba hi milawu ya mina ni loko mi hlayisa ku lerisa ka mina mi va mi endla hakona,

1 TIHOSI 11:38

Kungakuloko u yingisa hinkwaswo leswi ndzi nga ta ku lerisa swona, ni loko u famba etindleleni ta mina, u endla leswi lulameke emahlweni ka mina, u hlayisa milawu ya mina ni ku lerisa ka mina hilaha Davhida, nandza wa mina, a endleke hakona, ndzi ta va na wena, ndzi ku akela yindlu leyi tiyeke kukotisa leswi ndzi yi akeleke Davhida ndzi va ndzi ku nyika Israele.

Duteronoma 28:58

“Loko u nga tilanguteli ku landza marito hinkwawo ya nawu lowu, lama tsariweke ebukwini leyi, ni ku chava vito leri kwetsimaka ni leri chavisaka ra Yehovha, Xikwembu xa wena,

Eksoda 12:29

Hi vusiku lebyikulu, Yehovha a dlaya mativula hinkwawo etikweni ra Egipta, ku sungula hi n'wana lonkulu wa Faro, la tshameke exiluvelweni xa yena, ku fika eka mativula ya vakhomiwa lava nga ekhotsweni, ni mativula hinkwawo ya swifuwo.

Eksoda 19:5

Kutani sweswi, loko mi yingisa rito ra mina, mi hlayisa ntwanano wa mina, mi ta va rifuwo ra mina kunene ehenhla ka matiko man'wana hinkwawo, hikuva misava hinkwayo i ya mina.

Eksoda 19:6

Mi ta va tiko ra vaprista, tiko leri hlawuriweke.’ ” Hi wona marito lawa u nga ta ma vula eka vana va Israele.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Duteronoma 12:25

U nga tshuki u dya yona, leswaku u tsaka u ri wena ni vana va wena endzhaku ka wena loko u ta endla leswo lulama emahlweni ka Yehovha.

Duteronoma 32:39

“Vonani sweswi leswaku hi mina, mina ntsena, Ni leswaku a ku na xikwembu xin'wana ehandle ka mina. Hi mina la dlayaka, naswona hi mina la hanyisaka; Ndzi boxile mbanga, kambe ndzi ta ongola, A ku na munhu la kutsulaka evokweni ra mina.

2 TIHOSI 2:21

Kavaloko a huma, a ya exihlobyeni xa mati, a hoxa munyu kona, a ku: “Yehovha u vurisa sweswo, a ku: ‘Ndzi sasekisa mati lawa. Ku nga ka ku nga ha humi rifu eka wena ni ndlala.’ ”

Yeremiya 7:23

kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

Yeremiya 11:7

Hikuva ndzi tshama ndzi byela vatata wa n'wina, siku ndzi va humesaka etikweni ra Egipta ku fika namuntlha, ndzi ri karhi ndzi pfuka nimpundzu, ndzi huwelela, ndzi ku: “Yingisani rito ra mina.”

Yeremiya 17:24

Kungakuloko mi ndzi yingisa swinene, ku vula Yehovha, kutani mi nga fambisi mirhwalo hi tinyangwa ta muti lowo hi siku ra Savata, kambe mi hlawula siku ra Savata, mi nga endli ntirho ni wun'we hi siku rero,

Yeremiya 30:17

Hikuva ndzi ta tlhela ndzi horisa timbanga ta wena, ku vula Yehovha; hikuva va ku vula mulahliwa, ‘Siyoni loyi va nga ha vuliki nchumu ha yena!’

Tinhlayo 12:13

Kavaloko Muxe a huwelela eka Yehovha, a ku: “Yo! Xikwembu, ndza ku khongela, wanga n'wi hanyisa!”

Duteronoma 5:1

Kutani Muxe a vitana vana va Israele hinkwavo, a ku eka vona: “Yingisani, Vaisraele, milawu ni ku lerisa leswi ndzi swi vulaka namuntlha etindleveni ta n'wina; mi ta swi dyondza, mi va mi tivonela ku swi hlayisa.

Pisalema 81:9

Ku nga tshuki ku va ni xikwembu ximbe eka wena, U nga tshuki u khinsamela swikwembu swa matiko.

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Hosiya 11:3

Kasi mina ndzi dyondzisile Efrayimi ku famba, ndzi ri karhi ndzi n'wi khoma hi mavoko, kambe a va tsundzukanga loko ndzi va horisa.