Eksoda 15:25 - Xitsonga (Bibele)

²⁵ Kambe Muxe a khongela Yehovha hi matimba, kutani Yehovha a n'wi kombisa murhi leswaku a wu hoxa ematini. Kutani mati ma nandziha. Hi kona a nga va vekela milawu ni ku lerisa, a va ringa, a ku:

BIBELE Mahungu Lamanene

²⁵ Muxe a huwelela eka HOSI Xikwembu, kutani xi n'wi komba ximudyana; Muxe a xi hoxa ematini, kutani mati ya kona ma nweka. Laha Mara, hi kona HOSI Xikwembu xi vekeleke Vaisraele swiletelo ni milawu; naswona, hi kona laha xi va kambeleke kona.

Eksoda 15:25 Referans Kwoze

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Pisalema 66:10

Hikuva wena, Xikwembu, u hi ringile! U hi nyukisile exirhengeleni kukotisa silivhere.

Vaavanyisi 3:1

Hi wona matiko lawa Yehovha a nga ma siya ku ringa ha wona Vaisraele, va nga hinkwavo lava nga vonangiki tinyimpi hinkwato ta Kanana,

Vaavanyisi 3:4

Matiko lawa ma va kona ku ringa Vaisraele, hileswaku ku ta tiviwa loko kumbe va ta yingisa milawu leyi Yehovha a nga yi lerisa vatata wa vona ha Muxe.

Vaavanyisi 2:22

Ndzi ta ringa Vaisraele ha wona, ndzi ta vona loko kumbe va ta hlayisa ndlela ya Yehovha ku famba ha yona, kukotisa leswi vatata wa vona va nga yi hlayisa, kumbe a swi nga vi tano.”

Duteronoma 8:16

lexi ku dyiseke emananga, manna leyi nga tiviwiki hi vatata wa wena, ku ku tsongahata, ni ku ku ringa, kambe xi ta ku katekisa kandzhaku.

Eksoda 16:4

Kutani Yehovha a ku eka Muxe: “Waswivo, ndzi ta mi nisela vuswa lebyi humaka etilweni, tiko ri ta huma ri tihlengeletela leswi ringanaka siku rin'wana ni rin'wana, leswaku ndzi va ringa loko va ta famba hi nawu wa mina, kumbe loko swi nga ri tano.

2 TIHOSI 2:21

Kavaloko a huma, a ya exihlobyeni xa mati, a hoxa munyu kona, a ku: “Yehovha u vurisa sweswo, a ku: ‘Ndzi sasekisa mati lawa. Ku nga ka ku nga ha humi rifu eka wena ni ndlala.’ ”

1 Vakorinto 1:18

Hikuva mhaka ya xihambano, i vuhunguki eka lava lovaka; kambe eka hina lava hlayisekaka, i matimba ya Xikwembu.

Yeremiya 9:7

Hikwalaho, Yehovha wa tinyimpi u vula, a ku: “Ndzi ta va n'okisa, ndzi va ringa, hikuva ndzi nga endlisa ku yini eka n'wana wa tiko ranga xana?

Swivuriso 17:3

Xirhengele i xa ntsopfu ni swa nsuku, Kambe la ringetaka timbilu, i Yehovha.

Pisalema 91:15

U ta vitana eka mina, kutani ndzi ta n'wi hlamula; Ndzi ta va na yena ekhombyeni, Ndzi n'wi kutsula ni ku n'wi dzunisa;

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

2 TIHOSI 4:41

Elixa a ku: “Hi swona! Tisani mapa!” Kutani a ma chela embiteni, a ku: “Phamela vanhu lava, va dya!” Kutani a ka ha vanga leswo biha embiteni.

Eksoda 14:10

Loko Faro a ri karhi a tshinelela, vana va Israele va tlakusa mahlo, va vona Vaegipta va va landzelela. Kutani vana va Israele va chava ngopfu, va huwelela eka Yehovha.

Pisalema 99:6

Muxe na Aroni exikarhi ka vaprista va yena; Na Samiele, un'wana wa lava khongelaka vito ra yena, Va khongele Yehovha, kutani a va yingisa.

Pisalema 81:7

U ndzi khongele u ri emapfalweni, kutani ndzi ku ponisa, Ndzi ku hlamule ndzi titumbetile eku pfumeni, Kutani ndzi ku ringa ematini ya Meriba.

Duteronoma 13:3

u nga tshuki u yingisa marito ya muprofeta loyi, ni ya mulorhi loyi, hikuva Yehovha, Xikwembu xa n'wina, a mi ringa ku tiva xana mi rhandza Yehovha, Xikwembu xa n'wina, hi timbilu hinkwato ta n'wina, ni mimoya hinkwayo ya n'wina.

Eksoda 17:4

Kutani Muxe a huwelele eka Yehovha, a ku: “Ndzi ta endla yini hi tiko leri? Va ta lava ku ndzi khandla hi maribye.”

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Eksoda 20:20

Kutani Muxe a ku eka tiko: “Mi nga chaveni hikuva Xikwembu xi tile ku ta mi ringa leswaku nchavo wa xona wu va emahlweni ka n'wina leswaku mi nga dyohi.”

2 TIHOSI 6:6

Munhu wa Xikwembu a ku: “Xi wele kwihi-ke?” Kuteloko a n'wi kombisile, Elixa a tsema rikunyi, a ri hoxa kona, a papamisa xihloka.

Ezekiele 47:7

Loko ndzi languta ndzhaku, ndzi vona eribuwini ra nambu mirhi yo talatala ntlhandluko wa haleno, ni ntlhandluko wa hase.

Ezekiele 47:8

A ku eka mina: “Mati walawo ma tiyela ematlhelo ya le vuxeni, ma ta xikela erivaleni, ma ya nghena elwandle; kutakuloko ma halakele elwandle, mati ya lwandle ma ta ntsantsuka, ma va lamanene.