Eksoda 15:2 - Xitsonga (Bibele)

² Yehovha i matimba ya mina, ni risimu ra mina; Hi yena Mukutsuri wa mina. Hi xona Xikwembu xanga; ndzi ta xi dzunisa; I Xikwembu xa tatana, ndzi ta xi twarisa.

BIBELE Mahungu Lamanene

² HOSI i matimba yanga ni risimu ranga, ndzi ponisiwile hi yona; lexi hi xona Xikwembu xa mina, ndzi ta xi vonga, Xikwembu xa tata wa mina, ndzi ta xi twarisa.

Eksoda 15:2 Referans Kwoze

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Pisalema 118:14

Yehovha, i matimba ya mina, ni risimu ra mina, Hi yena la ndzi ponisaka.

Pisalema 18:46

Yehovha wa hanya, a ku dzunisiwe ribye ra mina! A ku twarisiwe Xikwembu xa ku hlayiseka ka mina!

Pisalema 59:17

Matimba ya mina! Ndzi ta ku twarisa, Hikuva Xikwembu i khokholo ra mina leri tlakukeke, Xikwembu lexi ndzi tsetselelaka.

Esaya 25:1

Oho Yehovha! U Xikwembu xa mina, ndzi ta ku dzunisa; ndzi ta twarisa vito ra wena, hikuva u endlile leswi hlamarisaka. Makungu ya wena ya khale ma tshembeka, ma tiyile.

Pisalema 140:7

Yehovha, Hosi, u matimba ya ku hlayiseka ka mina! U lwela nhloko ya mina hi siku ra nyimpi.

Pisalema 99:9

Dzunisani Yehovha, Xikwembu xa hina, Mi n'wi khinsamela entshaveni leyo kwetsima ya yena; Hikuva u hlawulekile, Yehovha, Xikwembu xa hina!

Nhlavutelo 15:3

Va yimbelela risimu ra Muxe, nandza wa Xikwembu, ni risimu ra Xinyimpfana, va ku: “Hi leyikulu, ya hlamarisa, mitirho ya wena, Hosi, Xikwembu xa matimba hinkwawo! Oho! Hosi ya matiko, tindlela ta wena ti lulamile ti tshembekile swonghasi!

Vafilipiya 2:11

kutani tindzimi hinkwato ti vula leswaku Yesu Kriste i Hosi, ku ve ku dzuniseni ka Xikwembu Tatana.

Pisalema 118:28

U Xikwembu xa mina, ndzi ta ku tlangela! U Xikwembu xanga, ndzi ta ku dzunisa.

Pisalema 99:5

Dzunisani Yehovha, Xikwembu xa hina, Mi khinsama emahlweni ka vunavelo bya milenge ya yena, Hikuva u hlawulekile!

Pisalema 34:3

Dzunisani Yehovha kun'we na mina! A hi kuriseni swin'we vito ra yena!

Duteronoma 10:21

Ku dzuna ka wena, hi xona Xikwembu xa wena; hi xona lexi nga ku endlela timhaka letikulu ni leti chavisaka leti u ti voneke hi mahlo ya wena.

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

2 Vakorinto 5:19

Hikuva Xikwembu a xi ri eka Kriste, loko xi hlanganisa misava na xona, hi leswi vanhu va nga ha hlayeriwiki swidyoho swa vona kutani xi nghenise eka hina marito ya ku hlangana.

Timhaka 4:12

Kutani a ku na ku hlayiseka ka un'wana, hikuva a ku na vito rimbe ehansi ka matilo, leri nyikiweke exikarhi ka vanhu, leri hi fanelaka ku hanyisiwa ha rona.”

Pisalema 145:1

Ndzi ta ku kurisa, Xikwembu xa mina, Hosi ya nga! Ndzi ta vonga vito ra wena hi mikarhi leyi nga yiki helo.

2 SAMIELE 22:47

“Yehovha wa hanya! Ribye ra mina a ri dzunisiwe! Xikwembu, ri nga ribye ra ku hlayiseka ka mina, a xi kurisiwe.

Eksoda 14:13

Kutani Muxe a ku eka tiko: “Mi nga chavi; yimani mi ta vona hilaha Yehovha a nga ta mi lamulela hakona namuntlha; hikuva Vaegipta lava mi va vonaka sweswi, a mi nga ha tlheli mi va vona kambe.

Eksoda 4:22

Kutani u ta ku eka Faro: ‘Yehovha u te: Israele i n'wananga wa mativula,

Vaefesa 2:22

na n'wina mi ri karhi mi akiwa swin'we eka yena ku va yindlu ya Xikwembu eMoyeni.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Pisalema 109:1

Oho Xikwembu lexi ndzi xi dzunisaka, u nga tshuki u miyela,

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Eksoda 40:34

Kutani papa ri funengeta Yindlu ya nhlengeletano, kutani ku kwetsima ka Yehovha ku tata Yindlu.

Nhlavutelo 19:1

Endzhaku ka sweswo, ndzi twa etilweni kukotisa rito lerikulu ra vunyingi lebyikulu ngopfu bya vanhu lava nge: “Aleluya! Ku hlayiseka, ni ku kwetsima, ni matimba, i swa Xikwembu xa hina,

Vafilipiya 4:13

Ndzi nga endla hinkwaswo ha Kriste la ndzi haka matimba.

Yohane 5:23

leswaku hinkwavo va ta chava N'wana hilaha va chavaka Tatana hakona. La nga chaviki N'wana, a nga chavi na Tatana la n'wi rhumeke.

Yohane 4:22

N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku hlayiseka ku huma eka Vayuda.

Luka 2:30

hikuva mahlo ya mina ma vonile ku hlayiseka ka wena,

Luka 1:77

ku ta tivisa tiko ra yena ku hlayiseka hi ku rivaleriwa ka swidyoho swa rona,

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Yeremiya 32:38

Ri ta va tiko ra mina, mina ndzi va Xikwembu xa vona.

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Yeremiya 3:23

Kunene pongo leri humaka eswitsungeni ni le tintshaveni a ri pfuni nchumu, kambe ku hlayiseka ka Israele ku huma eka Yehovha, Xikwembu xa yena.

Esaya 66:1

Yehovha u vulavula sweswo, a ku: “Matilo i xiluvelo xa mina, ni misava i vunavelo bya mikondzo ya mina; hi yihi yindlu leyi mi nga ta ndzi akela Yona, ni xivandla xa ku wisa ka mina xi nga va xihi xana?

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Pisalema 132:5

Ndzi nga si kumela Yehovha vuako, Ni Lowa matimba wa Yakobo yindlu.”

Pisalema 68:20

Xona Xikwembu, hi xona lexi nga ni matimba ya ku hi ponisa, Hi yena Yehovha, Hosi ya hina, la tivaka ku hi humesa eku feni.

Pisalema 30:1

Yehovha, ndza ku kurisa hikuva u ndzi tshunxile; A ku tshikanga valala va mina va tsaka ha mina.

Pisalema 28:8

Yehovha i matimba ya tiko ra yena, I khokholo ra ku hlayiseka ka muhlawuriwa wa yena.

Pisalema 22:10

A ndzi ri emavokweni ya wena mpfhuka ndzi tswariwa; Loko ndza ha ri ekhwirini ra manana, u ri Xikwembu xa mina.

Pisalema 22:3

Hambiswiritano, u Mukwetsimi, U tshama exikarhi ka ku dzunisa ka Israele.

1 TIHOSI 8:27

“Kambe, xana kunene Xikwembu xi nga aka emisaveni xana? Waswivo, matilo ni matilo ya matilo a ma ku eneri; xana-ke Yindlu leyi ndzi akeke yona a hi yitsongo ku tlurisa xana?

1 TIHOSI 8:13

Kunene ndzi ku akele Yindlu, vutshamo lebyi u nga ta tshama eka byona hilaha ku nga heriki.”

2 SAMIELE 22:51

U ponisa hosi ya yena hi ku hlayisa lokukulu, U endla hi tintswalo eka muhlawuriwa wa yena, Eka Davhida, ni ka rixaka ra yena hi laha ku nga heriki.”

2 SAMIELE 7:5

“Famba, u ya byela Davhida, nandza wa mina, u ku: ‘Yehovha u te: Xana ndzi ta akeriwa hi wena yindlu leyi ndzi nga ta tshama eka yona xana?

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Vakolosa 2:9

Hikuva ku tala ka vukwembu hinkwabyo ku akile eka yena hi miri.

Genesa 49:18

“Yehovha, ndzi langutele ku kutsuriwa hi wena!

Vaavanyisi 5:21

Nambu wa Kixoni wu va kukurile, Nambu wa khale, nambu wa Kixoni. Oho! Moya wanga, u kandziyela va matimba ehansi.

Pisalema 48:14

Hikuva Xikwembu lexi, i Xikwembu xa hina hi laha ku nga heriki; Xi ta hi fambisa ku ya fika eku feni.

Habakuku 3:13

U humela ku ponisa tiko ra wena, ku ponisa mutotiwa wa wena! U faya xihlungwana xa yindlu ya lowo biha, u va u mbundzuxa masungulo ya yona u yi onha ku fika elwangwini.

Eksoda 6:7

Kutani ndzi ta mi teka, mi va tiko ra mina, ndzi va Xikwembu xa n'wina; mi ta tiva leswaku hi mina Yehovha, Xikwembu xa n'wina, loyi a mi rhulaka ku tika ka Vaegipta;

2 SAMIELE 7:24

Kutani u tivekele tiko ra wena ra Israele ku va tiko ra wena hi masiku; kutani wena, Yehovha, a wu ri Xikwembu xa vona.

2 SAMIELE 22:3

Oho! Xikwembu xa mina, ribye ra mina leri ndzi chavelaka eka rona, Xitlhangu xa mina, ni matimba lawa ndzi hlayisekaka ha wona, Ni khokholo leri tlakukeke ra mina, ni xichavelo xa mina! Muponisi wanga! U ndzi sirhelela eka lava ndzi endlaka hi matimba.

1 TIKRONIKA 16:14

Yena Yehovha i Xikwembu xa hina; Ku avanyisa ka yena ku kona emisaveni hinkwayo.

Pisalema 118:21

Ndzi ta ku tlangela, hikuva u ndzi yingisile, U ve ku hlayiseka ka mina.