Eksoda 15:18 - Xitsonga (Bibele)

¹⁸ Yehovha u ta fuma hi masiku lama nga heriki.”

BIBELE Mahungu Lamanene

¹⁸ HOSI Xikwembu xi ta fuma hilaha ku nga heriki.”

Eksoda 15:18 Referans Kwoze

Pisalema 29:10

Yehovha a a fuma enguveni ya ndhambi; Yehovha u ta fuma a ri Hosi hi laha ku nga heriki.

Pisalema 10:16

Yehovha i hosi hi masiku, hilaha ku nga heriki; Vamatiko va herisiwa emisaveni ya yena.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Pisalema 146:10

Yehovha u fuma hi laha ku nga heriki; Xikwembu xa wena, Siyoni, xi kona etinxakeni hinkwato! Dzunisani Yehovha!

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Daniele 4:3

Swikombiso swa xona, kasi swonghasi! Ni masingita ya xona ma ni matimba wonghasi! Vuhosi bya xona i vuhosi Lebyi nga heriki, ni ku fuma ka xona ku tshama etinxakeni leti nga heriki.

Matewu 6:13

U nga hi yisi emiringweni, kambe u hi lwela eka lowo biha.’

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

Duteronoma 33:5

A a ri hosi ya Yexuruni (Israele). Siku tihosi ta tiko ti hlengeletene Ni tinyimba ta Israele.

Pisalema 9:8

U ta avanyisa misava hi ku lulama, A nyiketa matiko eku avanyiseni loku lulameke.