Eksoda 14:29 - Xitsonga (Bibele)

²⁹ Kambe vana va Israele va famba exikarhi ka lwandle, laha ku omeke, mati ma va endlerile tintshava hi matlhelo mambirhi.

BIBELE Mahungu Lamanene

²⁹ Kambe Vaisraele vona va pele lwandle va famba laha ku omeke, mati ma va endlele makhumbi exineneni ni le ximatsini.

Eksoda 14:29 Referans Kwoze

Eksoda 14:22

Kutani vana va Israele va famba exikarhi ka lwandle, laha ku omeke; mati ma endle tintshava hi matlhelo mambirhi.

Esaya 51:13

u va u rivala Yehovha, Muvumbi wa wena, la andlaleke matilo, a tiyiseke ni misava. Kasi u chava hi mikarhi hinkwayo, ni siku hinkwaro, vukari bya muxanisi, loko a rhandza ku ku lovisa? Vukari byi kwihi bya muxanisi?

Esaya 51:10

Xana a hi wena la nga omisa lwandle, mati ya xidziva lexikulu? La boxeke emikoveni ya lwandle endlela ya ku perisa lava kutsuriweke xana?

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Yoxuwa 3:16

hi kona mati lama rhelelaka, lama humaka ehenhla, ma yima, ma tlakuka, ma endla nhlengeleto ekule swinene, ku fika ekusuhi na Adama, muti lowu nga tlhelo ra Saretani; ni mati lama rhelelaka Lwandle ra Rivala, ri nga Lwandle ra Munyu, ma hungutiwa hinkwawo, kutani tiko ri pela ku langutana na Yeriko.

1 Vakorinto 10:1

A ndzi swi rhandzi, vamakwerhu, loko mi nga swi tivi leswaku vatatana hinkwavo va tshamile ehansi ka papa, hinkwavo va perile lwandle;

Eksoda 15:8

“Hi ku hefemula ka tinhompfu ta wena, mati ma hlengeletanile, Mati lama tsutsumaka ma yimisiwile, ma endle khumbi; Magandlati ma tiyile xikarhi ka lwandle.

Eksoda 15:19

Hikuva tihanci ta Faro ni makalichi ya yena, Ni vakhandziyi va swona va nghenile elwandle, Kutani Yehovha u tlherisile mati ya lwandle henhla ka vona; Kasi vana va Israele va fambile laha ku omeke exikarhi ka lwandle.

Esaya 11:15

Yehovha u ta omisa rhavi ra lwandle ra Egipta, u ta tlakusa voko ra yena ehenhla ka nambu wa Yufrata, a huhuta hi matimba ya moya wa yena, a wu tsemakanyisa, a wu endla milambu ya ntlhanu na mimbirhi, va pela va ri ni tintanghu.

2 TIHOSI 2:8

Kavaloko Eliya a teka jasi ra yena, a ri petsa, a ba ha rona mati ya nambu, kutani ma avana hala ni hala; va pela havambirhi laha ku omeke.

Nehemiya 9:11

u hikile lwandle emahlweni ka vona, va ko va pela lwandle hi ndlela leyi omeke; lava va landzeke u va wisile eswidziveni, kukotisa ribye leri hoxiwaka ematini ya matimba;

Pisalema 78:13

Xi tsemakanyisa lwandle, xi va perisa, Xi yimisa mati ma endla swange i khumbi.

Pisalema 106:9

A tshinya Lwandle ro Tshwuka kutani ri oma; A va fambisa exikarhi ka swidziva, kukotisa exikarhi ka mananga.

Pisalema 136:13

Hi yena la avanyiseke Lwandle ro Tshwuka hi le xikarhi, Hikuva tintswalo ta yena hi leti nga heriki!