Eksoda 14:27 - Xitsonga (Bibele)

²⁷ Kutani Muxe a tlakusa voko ra yena ehenhla ka lwandle; kutani, loko byi xa, lwandle ri tlhelela evutshan'weni bya rona, kutani kakuloko Vaegipta va baleka, va hlangana na rona; kavaloko Yehovha a wisa Vaegipta exikarhi ka lwandle.

BIBELE Mahungu Lamanene

²⁷ Hiloko Muxe a tlakusela voko ra yena ehenhla ka lwandle; kutani hi vurhonga mati ma tlhelela ematshan'wini ya wona. Loko Vaegipta va tsutsuma, va hlangana na wona, kutani HOSI Xikwembu xi va tshika va dyiwa hi mati ya lwandle.

Eksoda 14:27 Referans Kwoze

Yoxuwa 4:18

Kuteloko vaprista lava rhwalaka areka ya ntwanano wa Yehovha va humile exikarhi ka Yordani, enkarhini lowu mikondzo ya vona yi suka yi kandziya laha ku omeke, mati ya Yordani ma tlhelela endhawini ya wona, ma huma kukotisa khale eribuwini hinkwako.

Pisalema 78:53

Xi va byisa hi ku lulama, kutani a va tshukangi nchumu, Kambe lwandle ri funengeta valala va vona.

Vaheveru 11:29

Hi ku pfumela, va perile Lwandle ro Tshwuka kukotisa loko ku ri esaveni, kutani Vaegipta va ringeta ku endlisa sweswo, va nwela ematini.

Duteronoma 11:4

ni leswi a swi endleleke nyimpi ya Egipta, ni tihanci ta yona, ni tigolonyi ta yona, hilaha a nga khulukisa ehenhla ka vona mati ya Lwandle ro Tshwuka, loko va mi hlongorisa, kutani Yehovha a va heta ku fika namuntlha;

Nehemiya 9:11

u hikile lwandle emahlweni ka vona, va ko va pela lwandle hi ndlela leyi omeke; lava va landzeke u va wisile eswidziveni, kukotisa ribye leri hoxiwaka ematini ya matimba;

Pisalema 106:11

Mati ma khubumeta vaxanisi va vona: A ku salanga na un'we.

Pisalema 136:15

A susumetela Faro ni nyimpi ya yena eLwandle-ro-Tshwuka, Hikuva tintswalo ta yena hi leti nga heriki!

Esaya 10:26

Yehovha wa tinyimpi u ta tlakusa nkharisa ehenhla ka Asiriya, tanihi leswi a nga endla Midiyani, eribyeni ra Orebe; u ta tlakusa nhonga ehenhla ka lwandle tanihi leswi a swi endleke eEgipta khale!

Yoxuwa 24:7

Va huwelela eka Yehovha, kutani Yehovha a veka munyama exikarhi ka n'wina ni Vaegipta, a vuyisa lwandle ehenhla ka vona ri va funengeta; sweswo mahlo ya vona ma vonile leswi ndzi swi endleleke Vaegipta; kutani mi tshamile emananga masiku layo tala.