Eksoda 14:22 - Xitsonga (Bibele)

²² Kutani vana va Israele va famba exikarhi ka lwandle, laha ku omeke; mati ma endle tintshava hi matlhelo mambirhi.

BIBELE Mahungu Lamanene

²² kutani Vaisraele va nghena elwandle, va famba laha ku omeke; mati a ma endlile makhumbi hi tlhelo ra vona ra xinene ni lera ximatsi.

Eksoda 14:22 Referans Kwoze

Vaheveru 11:29

Hi ku pfumela, va perile Lwandle ro Tshwuka kukotisa loko ku ri esaveni, kutani Vaegipta va ringeta ku endlisa sweswo, va nwela ematini.

Pisalema 66:6

Xi hundzuluxile lwandle, ri va misava leya ku oma; Va perile nambu hi milenge: Ku va laha hi titsakelaka eka xona.

Pisalema 78:13

Xi tsemakanyisa lwandle, xi va perisa, Xi yimisa mati ma endla swange i khumbi.

Eksoda 15:19

Hikuva tihanci ta Faro ni makalichi ya yena, Ni vakhandziyi va swona va nghenile elwandle, Kutani Yehovha u tlherisile mati ya lwandle henhla ka vona; Kasi vana va Israele va fambile laha ku omeke exikarhi ka lwandle.

Eksoda 14:29

Kambe vana va Israele va famba exikarhi ka lwandle, laha ku omeke, mati ma va endlerile tintshava hi matlhelo mambirhi.

1 Vakorinto 10:1

A ndzi swi rhandzi, vamakwerhu, loko mi nga swi tivi leswaku vatatana hinkwavo va tshamile ehansi ka papa, hinkwavo va perile lwandle;

Esaya 63:13

la nga va fambisa exikarhi ka swiwa, tanihi mangwa exikarhi ka mananga, va nga ti khunguvanyeka?

Nehemiya 9:11

u hikile lwandle emahlweni ka vona, va ko va pela lwandle hi ndlela leyi omeke; lava va landzeke u va wisile eswidziveni, kukotisa ribye leri hoxiwaka ematini ya matimba;

Eksoda 15:8

“Hi ku hefemula ka tinhompfu ta wena, mati ma hlengeletanile, Mati lama tsutsumaka ma yimisiwile, ma endle khumbi; Magandlati ma tiyile xikarhi ka lwandle.

Tinhlayo 33:8

va suka emahlweni ka Hahiroto, va hundza exikarhi ka lwandle, tlhelo ra mananga, kutani va famba masiku manharhu emananga ya Etamu, va ya gova eMara.

Zakariya 2:5

Loko ndzi ri mina, ku vula Yehovha, ndzi ta va rirhangu ra ndzilo lowo wu rhendzelaka exikarhi, ndzi ta va ku kwetsima exikarhi ka wona.’ ”

Yoxuwa 3:17

Vaprista lava rhwalaka areka ya ntwanano wa Yehovha, va yima va tiyile hi milenge laha ku omeke exikarhi ka Yordani, kutani Vaisraele hinkwavo va famba laha ku omeke, vaprista va yima kona, tiko hinkwaro ri ko ri heta ku pela Yordani.

Yoxuwa 4:22

Mi ta dyondzisa vana va n'wina ha wona, mi ku eka vona: Israele u perile Yordani loyi, laha ku omeke.

1 SAMIELE 25:16

A va ri rihlampfu ra hina vusiku ni nhlekanhi, enkarhini hinkwawo lowu ngi hi ri na vona loko hi risa swifuwo.

2 TIHOSI 2:8

Kavaloko Eliya a teka jasi ra yena, a ri petsa, a ba ha rona mati ya nambu, kutani ma avana hala ni hala; va pela havambirhi laha ku omeke.

Pisalema 74:15

U pfelerisile swihlovo ni milambu, U omisile milambu leyi nga tiviki ku phya.

Pisalema 136:14

Kutani a perisa Israele exikarhi ka rona, Hikuva tintswalo ta yena hi leti nga heriki!

Esaya 43:16

Ku vula Yehovha, la boxeke ndlela elwandle, ni ntila ematini lamakulu.

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Yoxuwa 3:16

hi kona mati lama rhelelaka, lama humaka ehenhla, ma yima, ma tlakuka, ma endla nhlengeleto ekule swinene, ku fika ekusuhi na Adama, muti lowu nga tlhelo ra Saretani; ni mati lama rhelelaka Lwandle ra Rivala, ri nga Lwandle ra Munyu, ma hungutiwa hinkwawo, kutani tiko ri pela ku langutana na Yeriko.

2 TIHOSI 2:14

Kavaloko a teka jasi ra Eliya leri weke, a ba ha rona mati, a ku: “Yehovha, Xikwembu xa Eliya, u kwihi xana?” Sweswo a ba na yena mati, kutani ma avana hala ni hala, Elixa a pela.

Pisalema 106:9

A tshinya Lwandle ro Tshwuka kutani ri oma; A va fambisa exikarhi ka swidziva, kukotisa exikarhi ka mananga.

Pisalema 136:13

Hi yena la avanyiseke Lwandle ro Tshwuka hi le xikarhi, Hikuva tintswalo ta yena hi leti nga heriki!

Esaya 11:15

Yehovha u ta omisa rhavi ra lwandle ra Egipta, u ta tlakusa voko ra yena ehenhla ka nambu wa Yufrata, a huhuta hi matimba ya moya wa yena, a wu tsemakanyisa, a wu endla milambu ya ntlhanu na mimbirhi, va pela va ri ni tintanghu.

Esaya 11:16

Kutani mpfutla wu ta va kona eka masalela ya tiko ra yena, lama nga ta va ma tshamile etikweni ra Asiriya, tanihi leswi ingi wu ri kona eka Israele siku a sukeke etikweni ra Egipta.

Esaya 51:10

Xana a hi wena la nga omisa lwandle, mati ya xidziva lexikulu? La boxeke emikoveni ya lwandle endlela ya ku perisa lava kutsuriweke xana?