Eksoda 14:21 - Xitsonga (Bibele)

²¹ Kutani Muxe a tlakusa voko ra yena ehenhla ka lwandle, kutani Yehovha a fambisa lwandle hi vusiku hinkwabyo hi mheho ya matimba ya vuxa; a phyisa lwandle, mati ma avana hi le xikarhi.

BIBELE Mahungu Lamanene

²¹ Muxe a tlakusela voko ra yena ehenhla ka lwandle; kutani HOSI Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile,

Eksoda 14:21 Referans Kwoze

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Eksoda 15:8

“Hi ku hefemula ka tinhompfu ta wena, mati ma hlengeletanile, Mati lama tsutsumaka ma yimisiwile, ma endle khumbi; Magandlati ma tiyile xikarhi ka lwandle.

Pisalema 66:6

Xi hundzuluxile lwandle, ri va misava leya ku oma; Va perile nambu hi milenge: Ku va laha hi titsakelaka eka xona.

Esaya 51:10

Xana a hi wena la nga omisa lwandle, mati ya xidziva lexikulu? La boxeke emikoveni ya lwandle endlela ya ku perisa lava kutsuriweke xana?

Pisalema 78:13

Xi tsemakanyisa lwandle, xi va perisa, Xi yimisa mati ma endla swange i khumbi.

Pisalema 74:13

Hi wena la nga avanyisa lwandle hi matimba ya wena, U fayile tinhloko ta madragona ematini,

Nehemiya 9:11

u hikile lwandle emahlweni ka vona, va ko va pela lwandle hi ndlela leyi omeke; lava va landzeke u va wisile eswidziveni, kukotisa ribye leri hoxiwaka ematini ya matimba;

Yoxuwa 4:23

Hikuva Yehovha Xikwembu xa n'wina, xi phyisile mati ya Yordani emahlweni ka n'wina mi ko mi pela,

Pisalema 136:13

Hi yena la avanyiseke Lwandle ro Tshwuka hi le xikarhi, Hikuva tintswalo ta yena hi leti nga heriki!

Eksoda 14:16

Kambe wena yimisa nhonga, u tlakusa voko ra wena ehenhla ka lwandle, u ri tsemakanyisa, vana va Israele va ta famba exikarhi ka lwandle, laha ku omeke.

Esaya 51:15

Mina Yehovha, ndzi Xikwembu xa wena, lexi tlakusaka lwandle, magandlati ya rona ma boboma; Yehovha wa tinyimpi i vito ra yena.

Ntirho 26:12

Hi matimba ya xona xi kukumukisa lwandle, Hi vutlhari bya xona xi hlula ku tikukumuxa ka rona.

Timhaka 7:36

Hi yena la nga va humesa, a endla masingita ni swikombiso eEgipta, ni le Lwandle ro Tshwuka, ni le mananga, hi malembe ya mune wa makume.

Genesa 8:1

Kutani Xikwembu xi tsundzuka Nowa ni swiharhi hinkwaswo, ni swifuwo hinkwaswo leswi ngi swi ri na yena engalaveni; kutani Xikwembu xi hungisa moya emisaveni, kutani mati ma hunguteka.

Eksoda 7:19

Kutani Yehovha a ku eka Muxe: “Byela Aroni, u ku: Teka nhonga ya wena, u tlakusa voko ra wena ehenhla ka mati ya Egipta, ni le henhla ka milambu, ni le henhla ka migerho ya vona, ni le henhla ka mativa ni tidamu ta vona, kutani ma ta hundzuka ngati; ngati yi ta va kona etikweni hinkwaro ra Egipta, ni le swibyeni swo vatliwa, ni swa ribye.”

Eksoda 14:20

Tlhelo rin'wana papa ri endle ntima, kambe tlhelo rin'wana a ri voninga vusiku; kutani a va tshinelelananga vusiku hinkwabyo.

Yoxuwa 2:10

Hikuva hi twile hilaha Yehovha a omiseke mati ya Lwandle ro Tshwuka emahlweni ka n'wina, loko mi huma eEgipta, ni laha mi endleke hakona eka tihosi timbirhi ta Vaamori ehase ka Yordani, a nga Sihoni na Ogo, lava mi nga va yirisa.

Yoxuwa 3:17

Vaprista lava rhwalaka areka ya ntwanano wa Yehovha, va yima va tiyile hi milenge laha ku omeke exikarhi ka Yordani, kutani Vaisraele hinkwavo va famba laha ku omeke, vaprista va yima kona, tiko hinkwaro ri ko ri heta ku pela Yordani.

2 TIHOSI 2:8

Kavaloko Eliya a teka jasi ra yena, a ri petsa, a ba ha rona mati ya nambu, kutani ma avana hala ni hala; va pela havambirhi laha ku omeke.

Esaya 23:11

Xikwembu xi tshambulute voko ra xona ehenhla ka lwandle, xi rhurhumerisa vuhosi: Yehovha u lerisile ku mbundzuxiwa ka makhokholo ya Kanana,

Esaya 43:16

Ku vula Yehovha, la boxeke ndlela elwandle, ni ntila ematini lamakulu.

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Esaya 63:13

la nga va fambisa exikarhi ka swiwa, tanihi mangwa exikarhi ka mananga, va nga ti khunguvanyeka?

Habakuku 3:8

Xana Yehovha u karihele milambu-ke? Xana vukari bya yena byi pfurhele milambu? Kumbe u karihela lwandle, loko u famba hi tihanci ta wena, ni tigolonyi ta wena ta ku ponisa xana?

Ntirho 38:24

Ndlela hi yihi, leyi ku vonakala ku avanyisiwaka eka yona, Laha mheho ya le vuxeni yi humaka kona ku hungela misava-ke?

Pisalema 148:8

Ndzilo ni xihangu; gamboko ni tihunguva, Mimoya ya xidzedze leyi hetisaka ku lerisa ka yena.

Esaya 44:27

Ndzi ku eka xiwa: ‘U ta phya, ndzi ta phyisa milambu ya wena.’