Eksoda 14:13 - Xitsonga (Bibele)

¹³ Kutani Muxe a ku eka tiko: “Mi nga chavi; yimani mi ta vona hilaha Yehovha a nga ta mi lamulela hakona namuntlha; hikuva Vaegipta lava mi va vonaka sweswi, a mi nga ha tlheli mi va vona kambe.

BIBELE Mahungu Lamanene

¹³ Kutani Muxe a hlamula vanhu a ku: “Mi nga chavi nchumu, tiyisani timbilu, mi vona leswi HOSI Xikwembu xi nga ta swi endla namuntlha ku mi ponisa. Vaegipta lava mi va vonaka namuntlha, a mi nga ha va voni kambe ni siku ni rin'we.

Eksoda 14:13 Referans Kwoze

2 TIKRONIKA 20:17

A hi n'wina lava mi nga ta lwa emhakeni leyi; humani, mi va kona, kutani mi ta vona ku pona ka Yehovha, la nga na n'wina.’ N'wina, va Yuda ni va Yerusalema, mi nga chaveni, mi nga heli timbilu! Mundzuku, humani, mi ya hlangana na vona, Yehovha u ta va na n'wina.”

2 TIKRONIKA 20:15

a ri enhlengeletanweni, a ku: “N'wina hinkwenu, va Yuda, ni vaaki hinkwavo va Yerusalema, na wena hosi Yoxafati, yingisani! Yehovha u mi byela sweswo, a ku: ‘Mi nga tshuki mi chava, mi nga heli timbilu emahlweni ka vunyingi lebyikulu lebyi, hikuva nyimpi a hi ya n'wina, kambe i ya Xikwembu.

Eksoda 14:30

Hi siku rero Yehovha a lamulela Israele emavokweni ya Vaegipta kutani Israele a vona mitsumbu ya Vaegipta eribuwini ra lwandle.

2 TIHOSI 6:16

Yena a ku: “U nga chavi, hikuva lava nga na hina va tele va tlula lava nga na vona.”

Esaya 35:4

Mi ku eka va timbilu leti tshukeke: “Rhulani timbilu, mi nga chavi! Vonani, Xikwembu xa n'wina xa ta hi ku rihisa, ku nga ku hakela ka Xikwembu xi ta ta xi ri xona, xi mi hlayisa.”

Swirilo 3:26

Swi lulamile eka munhu ku langutela hi ku rhula Ku ponisiwa hi Yehovha.

Hosiya 13:4

Kasi mina Yehovha, ndzi Xikwembu xa wena, ka ha ri loko u hume etikweni ra Egipta; kutani handle ka mina u nga ka u nga tivi Xikwembu xin'wana, ni muhanyisi a nga kona, loko ndzi nga ri mina.

Habakuku 3:13

U humela ku ponisa tiko ra wena, ku ponisa mutotiwa wa wena! U faya xihlungwana xa yindlu ya lowo biha, u va u mbundzuxa masungulo ya yona u yi onha ku fika elwangwini.

Esaya 43:11

“Hi mina, mina Yehovha ehandle ka mina a ku na muponisi!

Duteronoma 20:3

‘Yingisa Israele! Mi ta tilunghisa namuntlha ku ya lwa ni valala va n'wina. Timbilu ta n'wina ti nga tshuki ti tsana; mi nga tshuki mi chava, mi nga tshuki mi rhurhumela, ni ku va ni vutoya emahlweni ka vona;

Tinhlayo 14:9

Ntsena mi nga tshuki mi pfukela Yehovha; loko mi ri n'wina, mi nga chaveni vanhu va tiko leri, hikuva swi ta va swakudya swa hina; ndzhuti wa vona wu sukile ehenhla ka vona, kasi Yehovha u na hina, mi nga tshuki mi va chava.”

Genesa 49:18

“Yehovha, ndzi langutele ku kutsuriwa hi wena!

Yeremiya 3:23

Kunene pongo leri humaka eswitsungeni ni le tintshaveni a ri pfuni nchumu, kambe ku hlayiseka ka Israele ku huma eka Yehovha, Xikwembu xa yena.

Nehemiya 9:9

“U vonile mahlomulo ya vatata wa hina loko va ri Egipta, u twile ku huwelela ka vona, loko va ri ekusuhi ni Lwandle ro Tshwuka,

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Pisalema 3:8

Ku hlayiseka ku huma eka Yehovha; Ku kateka ka wena a ku ve ehenhla ka tiko ra wena.

Esaya 26:3

Eka lowa mbilu leyi tiyeke wa n'wi nyika ku rhula, ku rhula hikuva u tshembile wena.

Matewu 28:5

Ntsumi yi vulavula yi ku eka vavasati: “Loko mi ri n'wina mi nga chaveni, hikuva ndza swi tiva leswaku mi lava Yesu loyi ngi a vambiwile;

Esaya 30:15

Hikuva Hosi Yehovha, Mukwetsimi wa Israele, u ri: “Mi ta kuma ku hlayiseka ka n'wina loko mi tlhela ni loko mi wisa; mi ta kuma matimba eku rhuleni ni le ku tshembeni”; kambe mi arile!

1 TIKRONIKA 11:14

Va yima exikarhi ka nsimu, va yi lwela, va hlula Vafilista; kutani Yehovha a va ponisa hi matimba.

Habakuku 3:8

Xana Yehovha u karihele milambu-ke? Xana vukari bya yena byi pfurhele milambu? Kumbe u karihela lwandle, loko u famba hi tihanci ta wena, ni tigolonyi ta wena ta ku ponisa xana?

Hosiya 13:9

Leswi ku lahlaka, wena Israele hi loko u tiendle nala eka mina, eka loyi a ku pfunaka.

Genesa 46:3

Xi ku: “Hi mina Xikwembu, Xikwembu xa tata wa wena; u nga chavi ku ngirimela eEgipta, hikuva ndzi ta ku endla tiko lerikulu kona.

Eksoda 20:20

Kutani Muxe a ku eka tiko: “Mi nga chaveni hikuva Xikwembu xi tile ku ta mi ringa leswaku nchavo wa xona wu va emahlweni ka n'wina leswaku mi nga dyohi.”

1 SAMIELE 11:13

Kambe Sawulo a ku: “Ku nga ka ku nga dlayiwi munhu siku leri, hikuva namuntlha Yehovha u tirhile ku hlayiseka eIsraeleni.”

1 SAMIELE 12:16

Kambe sweswi yimani la, mi ta vona masingita lamakulu, lawa Yehovha a nga ta ma endla emahlweni ka n'wina.

Esaya 7:4

u ku eka yena: ‘Tivone, titshamele, u nga chavi, mbilu ya wena yi nga tshuki yi tsana hikwalaho ka swisana leswimbirhi leswi mpukukaka, hikwalaho ka vukari lebyi pfurhaka bya Resini ni bya Siriya, ni bya n'wana Remaliya,

Genesa 26:24

Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

Pisalema 68:21

Kunene Xikwembu xi ta faya tinhloko ta valala va xona, Ni ripala leri nga ni misisi ra lava hanyaka eku dyoheni ka vona.

Pisalema 78:53

Xi va byisa hi ku lulama, kutani a va tshukangi nchumu, Kambe lwandle ri funengeta valala va vona.

Pisalema 91:8

U ta languta ntsena hi mahlo ya wena, U ta vona hakelo ya vanhu va lunya.

Hosiya 1:7

Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”