Eksoda 13:9 - Xitsonga (Bibele)

⁹ Xi ta va xikombiso evokweni ra wena, ni xitsundzuxo exikarhi ka mahlo ya wena. Nawu wa Yehovha wu ta va enon'wini wa wena, hikuva Yehovha a ku humesile eEgipta hi voko ra matimba.

BIBELE Mahungu Lamanene

⁹ Nkhuvo lowu wu ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, leswaku mi ta kala mi nga rivali ku twarisa ni ku dyondzisa nawu wa HOSI Xikwembu, hikuva xi mi humesile etikweni ra Egipta hi matimba ya xona lamakulu.

Eksoda 13:9 Referans Kwoze

Duteronoma 6:8

U ta yi bohelela evokweni ra wena, xi va xitsundzuxo xa wena, ni xikombiso exikarhi ka mahlo ya wena,

Tinhlayo 15:39

Swi va eka n'wina xilo lexi vonakaka; kutakuloko mi xi languta, mi ta anakanya milawu hinkwayo ya Yehovha ku yi endla, mi nga tshuki mi lahleka hi ku landza timbilu ta n'wina ni mahlo ya n'wina, kasi swirho leswi swi mi koka evuoswini.

Eksoda 13:16

Xi ta va xikombiso evokweni ra wena, ni le mombyeni wa wena; hikuva Yehovha u hi humesile eEgipta hi voko ra matimba.”

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

Varhoma 10:8

Kambe ku lulama ku ri yini xana? Ku ri: Rito ri kusuhi na wena, ri le non'wini wa wena, ni le mbilwini ya wena. Hi rona rito ra ku pfumela, leri hi mi byelaka rona.

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Duteronoma 30:14

Hikuva rito ri kusuhi ngopfu na wena, ri le non'wini wa wena ni le mbilwini ya wena, leswaku u ri hlayisa.

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

Nhlavutelo 18:8

hikwalaho makhombo ya yena ma ta humelela hi siku rin'we, rifu, ni nhlomulo ni ndlala, kutani u ta hisiwa hi ndzilo, hikuva Hosi leyi n'wi avanyisaka i Xikwembu xa matimba.”

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Yeremiya 22:24

“Ndza hanya, ku vula Yehovha, loko wa ngi Yekoniya, n'wana Yoyakimi, hosi ya Yuda, a kotisile xingwavila lexi tiyisiweke evokweni ra mina ra xinene, a ndzi ta n'wi chuputa kona!

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Esaya 49:16

Vona, ndzi ku tsarile eswandleni swa mina, makhumbi ya wena ma le mahlweni ka mina hi masiku.

Esaya 40:10

Vonani, Hosi, Yehovha wa ta hi matimba; wa fuma hi voko ra yena; vonani, wa ta a ri ni ku khensa ka yena, ku hakela ka yena ku n'wi rhangele.

Esaya 27:1

Hi siku rero, Yehovha u ta ba hi ripanga ra yena ro tika, lerikulu, ra matimba, eLevhiyatani, nyoka ya matsambo, Levhiyatani, nyoka ya makhinyakhinya; kutani u ta dlaya dragona leyi nga elwandle.

Swivuriso 3:21

N'wananga, leswi swi nga tshuki swi sukela mahlo ya wena; Hlayisa vutlhari ni ku twisisa.

Swivuriso 1:9

Hikuva swi ta va xibombiso lexo saseka enhlokweni ya wena, Ni sindza ra nkoka enhan'wini ya wena.

Pisalema 89:13

Matimba ma le vokweni ra wena, Xandla xa wena xa xinene xi tiyile, xi tlakukile.

Nehemiya 1:10

Kutani valavo, malandza ya wena, i tiko ra wena leri u ri kutsuleke hi matimba ya wena lamakulu, ni voko ra wena ra matimba.

Duteronoma 6:6

Milawu leyi ndzi ku nyikaka namuntlha yi ta va embilwini ya wena.

Risimu ra Tinsimu 8:6

Ndzi teke, ndzi va embilwini ya wena kukotisa mfungho, Kukotisa mfungho evokweni ra wena; Hikuva rirhandzu ri ni matimba ku fana ni rifu, Makwanga ma tiya kukotisa xivandla xa vafi. Ku hiseka ka wona i ku hiseka ka ndzilo, I langavi ra Yehovha.

Swivuriso 7:23

Xi ko xi tlhaviwa xivindzi hi nseve, Ku kotisa nyanyana leyi hatlisaka ku wela entlhan'wini, Yi nga tivi leswaku wu ta lovisa vutomi bya yona.

Eksoda 3:20

Kambe ndzi ta tlakusa voko ra mina, ndzi ba Egipta hi masingita hinkwawo lawa ndzi nga ta ma endla kona. Endzhaku ka swona, yi ta mi pfumelela ku famba.

Eksoda 7:4

Kambe Faro a nga ka a nga mi yingisi, kutani ndzi ta tlakusa voko ra mina henhla ka Egipta, ndzi humesa etikweni leri mavandla ya mina ri nga tiko ra mina, vana va Israele, hi ku avanyisa lokukulu.

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Pisalema 136:12

Hi xandla xa matimba ni voko leri tshambulutiweke, Hikuva tintswalo ta yena hi leti nga heriki!

Esaya 44:5

Loyi u ta ku: ‘Mina ndzi wa Yehovha!’ Un'wana u ta tithya hi vito ra Yakobo un'wanyana kambe u ta fungha evokweni ra yena hi mfungho wa Yehovha, kutani u ta tlangela vito ra Israele.

Eksoda 12:41

Eku heteleleni ka malembe ya 430, hi siku lero, mavandla hinkwawo ya Yehovha ma huma etikweni ra Egipta.

Duteronoma 5:15

U ta anakanya leswaku a wu ri khumbi etikweni ra Egipta, ni leswaku Yehovha, Xikwembu xa wena, xi ku humesile hi voko ra matimba, ni voko leri tlakukeke; hikwalaho Yehovha, Xikwembu xa wena, xi ku leriseke ku hlayisa siku ra ku wisa.

Duteronoma 6:21

U ta ku eka n'wana wa wena: ‘A hi ri makhumbi ya Faro etikweni ra Egipta, kambe Yehovha u hi humesile eEgipta hi voko ra matimba.

Vaavanyisi 2:12

Va fularhela Yehovha, Xikwembu xa vatata wa vona, la nga va humesa etikweni ra Egipta; va landzela swikwembu swin'wana, swi nga swikwembu swa matiko lawa ma va rhendzeleke, va swi khinsamela va karihisa Yehovha.

Pisalema 136:11

Kutani a humesa Israele kona, Hikuva tintswalo ta yena hi leti nga heriki!

Daniele 9:15

Kutani sweswi, Yehovha, Xikwembu xa hina, wena la humeseke tiko ra wena ra Israele etikweni ra Egipta hi voko ra wena ra matimba, wena la tiendleleke vito leri twakalaka ni sweswi; hi dyohile.