Eksoda 13:22 - Xitsonga (Bibele)

²² Ku nembelela ka papa ninhlekanhi, ni ku pfurha ka ndzilo nivusiku, a ku sukanga emahlweni ka tiko.

BIBELE Mahungu Lamanene

²² Papa leri a ri nembelela ninhlekanhi, ni ndzilo lowu a wu pfurha nivusiku, a swi nga suki emahlweni ka Vaisraele.

Eksoda 13:22 Referans Kwoze

Nhlavutelo 10:1

Kutani ndzi vona ntsumi yin'wana ya matimba leyi xikaka hi le tilweni, yi rhendzeriwe hi papa, yi ri ni nkwangulatilo enhlokweni; mombo wa yona wu fana ni dyambu, milenge ya yona yi kotisa timhandze ta ndzilo.

Eksoda 14:1

Yehovha a vulavula na Muxe, a ku:

Eksoda 14:19

Ntsumi ya Xikwembu leyi rhangeleke mavandla ya Israele yi suka, yi famba endzhaku ka vona; kutani ku nembelela ka papa ku suka emahlweni ka vona ku ya yima endzhaku ka vona exikarhi ka nyimpi ya Vaegipta ni ya Vaisraele.

Tinhlayo 9:15

Siku va yimiseke Yindlu, papa ri ungamela Yindlu, yi nga tabernakela ya vumbhoni; nimadyambu kambe ku va ni leswi fanaka ni ndzilo ehenhla ka Yindlu ku fika nimixo.

Nehemiya 9:12

u va fambisile hi ku nembelela ka papa ninhlekanhi, ni ku nembelela ka ndzilo nivusiku, u va voningela ndlela leyi va faneleke ku famba ha yona.

Nehemiya 9:19

hi ku tsetselela ka wena lokukulu, a ku va tshikanga mananga; ku nembelela ka papa a ku tshikangi ku va ungamela ninhlekanhi loko va famba hi ndlela, nivusiku, ku nembelela ka ndzilo a ku tshikanga ku voninga ndlela leyi va faneleke ku famba ha yona.

Esaya 4:5

kavaloko empfhukeni hinkwawo wa ntshava ya Siyoni, ni le henhla ka nhlengeletano ya yena, Yehovha u ta humelerisa papa ni musi ninhlekanhi, hi ku vangama ka malangavi ya ndzilo nivusiku.

Eksoda 40:38

Hikuva papa ra Yehovha a ri tshama ehenhla ka tabernakela ninhlekanhi, kutani nivusiku, a ku voninga ndzilo epapeni emahlweni ka yindlu hinkwayo ya Israele, eku fambeni hinkwako ka vona.