Eksoda 13:17 - Xitsonga (Bibele)

¹⁷ Kuteloko Faro a tshunxe tiko, Xikwembu a xi ri fambisanga hi ndlela ya tiko ra Vafilista leyi hatlisaka, hikuva Xikwembu a xi ku: “Kumbe tiko ri nga tlhela loko ri vona nyimpi, kutani ri vuyela eEgipta.”

BIBELE Mahungu Lamanene

¹⁷ Loko Faro a tshikile Vaisraele va famba, Xikwembu a xi va pfumelelanga ku famba hi ndlela yo hundza hi le tikweni ra Vafilista, hambi leswi a yi tsemakanya, hikuva a xi ehleketa leswaku loko va tshuka va hlanganile ni tinyimpi, va ta hela ntamu, va tlhelela etikweni ra Egipta.

Eksoda 13:17 Referans Kwoze

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

1 TIHOSI 8:47

loko va tiyingisa etikweni leri va nga ta va makhumbi eka rona, loko va tlhelela eka wena va ku khongela etikweni ra lava va va khomeke va ku: ‘Hi dyohile, hi endlile leswo biha, hi onhile!’

Timhaka 7:39

“Kambe vatata wa hina va arile ku n'wi yingisa; va n'wi tsan'wa, kutani va tlhelela eEgipta hi timbilu ta vona, va ku eka Aroni:

Duteronoma 20:8

Tindhuna ti ta engeta ti vulavula ni tiko, ti ku: ‘I mani la chavaka la pfumalaka mbilu xana? A a fambe, a timukela eka rikwavo, leswaku timbilu ta vamakwavo ti nga tshuki ti nyuka kukotisa ya yena.’

Timhaka 15:38

Kambe Pawulo a anakanya leswaku a nga faneri ku teka loyi a nga va tshika ePamfiliya, a nga yanga na vona entirhweni wa vona.

Duteronoma 17:16

Ntsena a nga tshuki a va ni tihanci leto tala, kambe a nga tshuki a tlherisela tiko eEgipta leswaku a ta kuma tihanci leto tala; hikuva Yehovha u te eka n'wina: Mi nga ka mi nga ha tlheli hi ndlela leyi!

Vaavanyisi 7:3

Yana sweswi u ya byela vanhu, u ku: ‘La chavaka, ni la karheleke, a a tlhele, a a suke entshaveni ya Giliyadi.’ ” Hikwalaho-ke ku tlhela vanhu va 22 000, ku sala vanhu va 10 000.

Vaheveru 11:27

Hi ku pfumela, u sukile eEgipta, a nga chavi ku kariha ka hosi; hikuva a a tiyile kukotisa loko ngi a vona loyi a nga voniwiki.

Eksoda 14:10

Loko Faro a ri karhi a tshinelela, vana va Israele va tlakusa mahlo, va vona Vaegipta va va landzelela. Kutani vana va Israele va chava ngopfu, va huwelela eka Yehovha.

Duteronoma 28:68

Yehovha u ta ku tlherisela eEgipta etingalaveni, a ku fambisa endleleni leyi ndzi nga te eka wena: ‘U nga ka u nga ha yi voni,’ kutani mi ta tixavisa kona eka valala va n'wina ku va makhumbi ya vavanuna ni ya vavasati kambe a ku nga vi na muxavi.”