Eksoda 13:15 - Xitsonga (Bibele)

¹⁵ kuteloko Faro a arile ku hi tshunxa, Yehovha u dlayile mativula hinkwawo ya tiko ra Egipta, ku sungula hi mativula ya vanhu ku fikela eka mativula ya swifuwo; hikwalaho ndzi tlhavelaka Yehovha mativula hinkwawo ya matsune, kutani vana va mina hinkwavo va mativula, ndza va kutsula.’

BIBELE Mahungu Lamanene

¹⁵ Loko Faro a tinonon'hwisile a ala ku hi tshika hi famba, HOSI Xikwembu xi herisile mativula hinkwawo ya xinuna ya vanhu ni ya swifuwo etikweni ra Egipta. Hikokwalaho hi humeselaka HOSI Xikwembu emagandzelo hi swa xinuna hinkwaswo leswi rhangeke ku velekiwa; kambe ematshan'wini ya vana va hina va mativula va xinuna, hi tlhava xifuwo.’

Eksoda 13:15 Referans Kwoze

Eksoda 12:29

Hi vusiku lebyikulu, Yehovha a dlaya mativula hinkwawo etikweni ra Egipta, ku sungula hi n'wana lonkulu wa Faro, la tshameke exiluvelweni xa yena, ku fika eka mativula ya vakhomiwa lava nga ekhotsweni, ni mativula hinkwawo ya swifuwo.

Eksoda 34:20

U ta kutsula mativula ya mbhongolo hi xinyimpfana; loko u nga ri kutsuli, u ta ri tshova nhamu. U ta kutsula mativula hinkwawo ya vana va wena. “U nga tshuki u humelela emahlweni ka mina u nga tamelanga nchumu.

Tinhlayo 3:46

Ku kutsula mativula ya 273 lama tlulaka Valevhi, u ta teka tixikele ta ntlhanu hi nhloko yin'wana ni yin'wana;

Tinhlayo 18:15

Mativula hinkwawo ya tinyama hinkwato leti va ti humeselaka Yehovha, hambi va ri vanhu, hambi swi ri swifuwo, ma ta va ya wena. Ntsena u ta kutsula mativula ya munhu, u kutsula ni mativula ya leswi nga tengangiki.

Pisalema 105:36

A ba ni mativula hinkwawo etikweni ra vona, Swirhangana hinkwaswo swa matimba ya vona.

Eksoda 3:19

Kambe ndza swi tiva leswaku hosi ya Egipta yi nga ka yi nga mi pfumeleri ku famba, hambi mi nga endla hi matimba.

Eksoda 4:23

ndzi ri eka wena: Tshika n'wananga, a ya ndzi tirhela; kambe loko u ala ku n'wi tshika a famba, ndzi ta dlaya n'wana wa wena wa mativula.’ ”