Eksoda 12:48 - Xitsonga (Bibele)

⁴⁸ Kutakuloko munhu wa matiko la akeke na wena a rhandza ku endlela Yehovha Paseka, u fanele ku yimbisa vavanuna hinkwavo va yena, ku va kona a tshinelelaka, a dya; u ta fana ni la tswariweke ekaya; kambe la nga yimbangiki, a nga ka a nga yi dyi.

BIBELE Mahungu Lamanene

⁴⁸ “Loko munhu wa le handle a luverile eka n'wina, kutani a navela ku tlangela HOSI Xikwembu hi ku dya nkhuvo wa Paseka, vavanuna va muti wa yena hinkwavo va fanele ku yimbisiwa; hi kona a nga ta nghena enkhubyeni wa Paseka a dya; ú ta langutiwa ku fana ni munhu loyi a velekiweke etikweni ra Israele. Kambe ku nga vi na munhu na un'we wo ka a nga yimbisiwanga, la nga ta dya Paseka.

Eksoda 12:48 Referans Kwoze

Tinhlayo 9:14

Kungakuloko muluveri u akile na n'wina, kutani a endla Paseka ya Yehovha, u ta yi endla hi nawu wa Paseka, hi ku lerisa ka wona. Nawu wu ta va wun'we eka n'wina hileswaku eka muluveri ni ka la tsariweke etikweni.’ ”

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Ezekiele 47:22

Mi ta avelana tiko hi vuhlolotwana exikarhi ka n'wina ni vamatiko lava akeke exikarhi ka n'wina, va nga vamatiko lava velekeke vana exikarhi ka n'wina. Eka n'wina va ta kotisa va khale ka vana va Israele va ta averiwa ndzhaka ya vona exikarhi ka tinyimba ta Israele swin'we na n'wina.

Eksoda 12:43

Kutani Yehovha a ku eka Muxe na Aroni: “Ku lerisa ka Paseka hi kuloku: A ku na munhu wa matiko la nga ta dya yona;

Eksoda 12:19

Hi masiku ya ntlhanu na mambirhi, comela xi nga tshuki xi kumeka etindlwini ta n'wina, hikuva la dyaka leswi dzungaka, u ta humesiwa enhlengeletanweni ya Israele, hambi a ri wa matiko, hambi a tswariwe etikweni ra n'wina.

Ezekiele 44:9

Loko swi ri tano, Hosi Yehovha u ri: A ku na n'wana wa vamatiko, loyi a nga khuna embilwini ni le nyameni, la nga nghenaka evukwetsin'weni bya mina; ndzi vula sweswo eka vana va matiko lava va tshamaka exikarhi ka vana va Israele.

Genesa 17:12

Wanuna un'wana ni un'wana wa masiku ya ntlhanu na manharhu u ta yimbisiwa exikarhi ka n'wina etinxakeni ta n'wina, hambi a ri loyi a tswariweke endlwini, hambi a ri la xaviweke hi mali eka valuveri lava nga riki va rixaka ra wena.

Genesa 17:11

Mi ta yimbisa nyama ya n'wina, wu va mfungho wa ntwanano exikarhi ka mina na n'wina.

Ezekiele 14:7

Hikuva mani na mani wa yindlu ya Israele, hambi wa vamatiko lava akeke exikarhi ka vona, la ndzi fularheleke ku namarhela swikwembu swahava, ni ku veka emahlweni ka yena ribye ra ku khunguvanyisa leri n'wi dyohisaka, loko a ta eka muprofeta ku ndzi vutisisa ha yena, mina Yehovha ndzi ta n'wi hlamula hi xiviri xa mina.

Levhitika 19:34

Muluveri, la luvelaka exikarhi ka n'wina u ta va eka n'wina kukotisa un'wana wa n'wina; u ta n'wi rhandza kukotisa loko u tirhandza; hikuva a mi ri valuveri etikweni ra Egipta; hi mina Yehovha, Xikwembu xa n'wina.