Eksoda 12:37 - Xitsonga (Bibele)

³⁷ Kutani vana va Israele va suka eRamsese, va ya eSukoti, va ri vavanuna va 600 000, ku nga hlayiwi vana.

BIBELE Mahungu Lamanene

³⁷ Kutani Vaisraele va suka eRamsese, va khoma ndlela yo ya eSukoti, hi milenge; a va ri vavanuna va kwalomu ka 600 000, ni mindyangu ya vona.

Eksoda 12:37 Referans Kwoze

Tinhlayo 1:46

ntsengo hinkwawo wa vona lava tsariweke a va ri 603 550.

Eksoda 38:26

nhloko yin'wana ni yin'wana yi humesa hafu ya xikele, hi mpimo wa xikele ya vukwetsimelo; hinkwavo lava hlayiweke va humesa sweswo, ku suka eka vanhu va malembe ya makume mambirhi, ni le henhla ka wona; a va ri vanhu va 603 550.

Tinhlayo 33:5

Kutani vana va Israele va suka eRamsese, va ya gova eSukoti.

Tinhlayo 33:3

Va suka eRamsese hi n'hweti yo sungula, hi siku ra 15 ra n'hweti yo sungula. Siku leri tlhandlamaka Paseka, vana va Israele va huma va hlomile emahlweni ka tiko ra Egipta hinkwaro.

Tinhlayo 11:21

Muxe a ku: “Tiko leri ndzi nga exikarhi ka rona ri ni vavanuna va 600 000, kutani wena u ri, ‘Ndzi va nyika nyama, va dya n'hweti yi ko yi hela.’

Genesa 47:11

Yosefa a akisa tata wa yena ni vamakwavo etikweni ra Egipta, a va nyika vuako lebyo nona etikweni ra Ramsese, hilaha Faro a nga lerisa hakona.

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Tinhlayo 26:51

Hi wona ntsengo wa vana va Israele: a va ri vavanuna va 601 730.

Tinhlayo 2:32

Hi vona vana va Israele lava tsariweke hi tinyimba ta vona. Ntsengo hinkwawo wa mixaxa hi mitlawa ya vona a va ri va 603 550.

Genesa 46:3

Xi ku: “Hi mina Xikwembu, Xikwembu xa tata wa wena; u nga chavi ku ngirimela eEgipta, hikuva ndzi ta ku endla tiko lerikulu kona.

Genesa 15:5

Kutani a n'wi humesela ehandle, a ku: “Languta tilo u hlaya tinyeleti loko u nga swi kota.” A engeta a ku: “Vatukulu va wena va ta kotisa sweswo.”

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Eksoda 10:9

Muxe a ku: “Hi ta famba ni vana va hina, ni swikoxa swa hina, ni vafana va hina, ni vanhwanyana va hina, ni tinyimpfu ta hina, ni tihomu ta hina; hikuva hi ya enkhubyeni wa Yehovha.”

Eksoda 13:20

Kutani va suka eSukoti, va ya fika eEtamu, va aka mitsonga kona, emaaveni ya mananga.

Tinhlayo 1:2

“Hlayani vana hinkwavo va Israele, mi ya hi tindlu ta vona, ni swivongo swa vatata wa vona, mi hlaya mavito ya vavanuna hinkwavo hi tinhloko ta vona,