Eksoda 12:32 - Xitsonga (Bibele)

³² Mi teka tinyimpfu ni tihomu ta n'wina, hilaha mi nga vula hakona, mi famba; kambe mi ndzi katekisa.”

BIBELE Mahungu Lamanene

³² Tekani tinyimpfu ni timbuti ni tihomu ta n'wina, hilaha mi kombeleke hakona, kutani mi huma etikweni. Na mina, mi ndzi kombelela minkateko!”

Eksoda 12:32 Referans Kwoze

Eksoda 10:26

Mitlhambi ya hina, na yona, yi ta famba na hina, ku nga sali ni xinyondzwana. Hikuva hi ta teka eka yona ku tirhela Yehovha, Xikwembu xa hina, hikuva a hi tivi leswi hi nga ta tirhela Yehovha ha swona, hi kondza hi fika kona.”

Genesa 27:34

Kuteloko Esawu a twa marito ya tata wa yena, a huwelela hi rito lerikulu, leri tlhavekaka, a ku eka tata wa yena: “Oho! Tatana, ndzi katekise na mina!”

Eksoda 10:9

Muxe a ku: “Hi ta famba ni vana va hina, ni swikoxa swa hina, ni vafana va hina, ni vanhwanyana va hina, ni tinyimpfu ta hina, ni tihomu ta hina; hikuva hi ya enkhubyeni wa Yehovha.”

Eksoda 9:28

Khongelani Yehovha leswaku ku nga tshuki ku va ni ku pfuma ni xihangu, kutani ndzi ta mi tshunxa mi famba, mi nga ha siveriwi.”

Eksoda 8:28

Kutani Faro a ku: “Ndzi ta mi tshunxa mi ya gandzela Yehovha, Xikwembu xa n'wina emananga, kambe mi nga tshuki mi ya ekule; ndzi khongeleleni.”

Genesa 27:38

Esawu a ku eka tata wa yena: “Xana u ni ku katekisa koloko ntsena xana, tatana? Oho! Tatana, ndzi katekise na mina!” Kutani Esawu a tlakusa rito, a rila.

Genesa 15:14

Kambe ndzi ta avanyisa tiko leri va nga ta fumiwa hi rona, kutani ndzhaku va ta huma kona va fuwe ngopfu.

Ezra 6:10

va ta tiva ku humesela Xikwembu xa le henhla magandzelo ya risuna, kambe va ta khongelela ku hanya ka hosi ni ka vana va yona.