Eksoda 12:15 - Xitsonga (Bibele)

¹⁵ “Mi ta dya vuswa lebyo kala comela hi masiku ya ntlhanu na mambirhi; mi ta humesa comela etindlwini hi siku ro rhanga; hikuva la nga ta dya vuswa lebyi nga ni comela, ku sungula siku ro rhanga, ku fika eka lera ntlhanu na mambirhi, munhu loyi u ta humesiwa eIsraeleni.

BIBELE Mahungu Lamanene

¹⁵ Hi masiku ya 7, mi fanele ku dya xinkwa xo-ke-comela. Hi siku ro sungula, susani comela emindyangwini ya n'wina, hikuva munhu loyi a nga ta dya leswi nga ni comela exikarhi ka masiku lawa ya 7, ú ta hlongoriwa erixakeni ra Israele.

Eksoda 12:15 Referans Kwoze

Duteronoma 16:3

U nga tshuki u yi dya ni xinkwa lexi nga ni comela, u ta yi dya hi masiku ya ntlhanu na mambirhi ni xinkwa lexo kala comela, swi ri xinkwa xa khombo, — hikuva u humile hi ku hatlisa etikweni ra Egipta.

Genesa 17:14

Kutani rikhuna, wanuna la nga yimbisiwangiki enyameni ya yena, munhu loyi, u ta susiwa exikarhi ka tiko ra yena, hikuva a tlule ntwanano wa mina.”

Tinhlayo 9:13

“ ‘Kambe la tengeke, ni la nga endzangiki, kutakuloko a titsona ku dya Paseka, munhu loyi u ta hungutiwa etikweni ra yena, hikuva a nga humeselanga Yehovha nhlengo hi nkarhi wa wona; munhu loyi, u ta rhwala nandzu wa yena.

Eksoda 34:18

“U ta hlayisa nkhuvo wa vuswa lebyo kala comela hilaha ndzi leriseke ha kona. U ta dya vuswa lebyo kala comela hi masiku ya ntlhanu na mambirhi, enkarhini wa swona, en'hwetini ya Abibi, hikuva en'hwetini ya Abibi, u humile eEgipta.

Eksoda 23:15

U ta hlayisa nkhuvo wa vuswa lebyo kala comela hi masiku ya ntlhanu na mambirhi hi n'hweti ya Abibi, u ta dya vuswa lebyo kala comela hilaha u lerisiweke hakona; hikuva hi yona n'hweti leyi u humeke eEgipta ha yona; kutani vanhu va nga tshuki va humelela ntsena emahlweni ka mina.

Duteronoma 16:8

Hi masiku ya ntlhanu na rin'we u ta dya xinkwa lexo kala comela; hi siku ra ntlhanu na mambirhi, ku ta va ni nhlengeletano leyi hlawuleriweke Yehovha, Xikwembu xa wena: u nga tshuki u tirha ntirho ni wun'we lowo tika.

Tinhlayo 28:17

Siku ra 15 ra n'hweti leyi ku ta va ni nkhuvo. Hi masiku ya 7 ku ta dyiwa xinkwa lexo kala comela.

Eksoda 34:25

“U nga tshuki u humesa ngati ya magandzelo ya mina yi ri ni vuswa lebyi nga ni comela. Gandzelo ra nkhuvo wa Paseka ri nga tshuki ri sala ri hundza vusiku ku fika nimixo.

Eksoda 12:8

Hi vusiku byebyo va ta dya nyama ya xona yi oxiwile; va ta yi dya ni vuswa lebyo kala comela, ni matsavu lama bavaka.

Vagalatiya 5:12

Ngi va nga tsemiwa lava mi pfilunganyisaka.

Timhaka 12:3

Kakuloko a vona leswaku swi tsakisile Vayuda, a engeta a khoma na Petro; a ma ri masiku ya xinkwa lexo kala comela.

Luka 12:1

Kaharhi sweswo, vanhu a va hlengeletene ka yena hi makume ya madzana, va ko va kandziyelana; kutani Yesu a sungula ku byela vadyondzisiwa va yena, a ku: “Ngopfu, chavani comela xa Vafarisi, ma nga manyunyu;

Matewu 16:12

Hilaha va twisisaka leswaku comela lexi a nga te: “Xi chaveni”; a hi lexa xinkwa, kambe a xi ri xa tidyondzo ta Vafarisi ni ta Vasaduki.

Malakiya 2:12

Munhu la endlaka sweswo, Yehovha u ta n'wi hunguta ematendeni ya Yakobo la hitekaka, ni la pfumelaka, ni la tisaka nhlengo eka Yehovha wa mavandla.

Duteronoma 16:5

U nga ka u nga tlhavi Paseka emitini leyi Yehovha, Xikwembu xa wena, a ku nyikaka; yona,

Levhitika 17:14

hikuva moya wa nyama yin'wana ni yin'wana wu le ngatini ya yona. Hikwalaho ndzi byeleke vana va Israele, ndzi ku: “Mi nga tshuki mi dya ngati ya nyama, hambi yi ri yihi ni yihi, hikuva moya wa nyama yin'wana ni yin'wana, i ngati ya yona; mani na mani la dyaka yona u ta susiwa.”

Levhitika 17:10

“ ‘Munhu un'wana ni un'wana wa yindlu ya Israele, hambi a ri wa valuveri lava akeke exikarhi ka vona, kungakuloko a dyile ngati, hambi yi ri yihi ni yihi, ndzi ta n'wi languta hi vukari, ndzi va ndzi n'wi susa etikweni ra yena,

Eksoda 31:14

Mi ta hlayisa Savata, hikuva eka n'wina i siku leri hlawuriweke. Loyi a nga ri hlayisiki u ta dlawa; hikuva kungakuloko un'wana a tirha ntirho hi siku lero, u ta humesiwa exikarhi ka varikwavo.

Luka 2:43

Masiku ya nkhuvo, kuteloko ma herile, va tlhelela ekarikwavo; Yesu n'wana a sala eYerusalema, vatswari va yena va nga swi tivi.

Eksoda 30:33

Mani na mani la lunghisaka mirhi leyo tano, kumbe, la totaka wamatiko ha wona, u ta humesiwa exikarhi ka varikwavo.’ ”

2 TIKRONIKA 30:21

Vana va Israele lava ngi va ri Yerusalema, va endla nkhuvo wa swinkwa leswo kala comela hi masiku ya ntlhanu na mambirhi, va tsakile ngopfu; siku rin'wana ni rin'wana Valevhi ni vaprista a va dzunisa Yehovha hi timbila leti hlawuleriweke Yehovha.

Ezra 6:22

Va endla nkhuvo wa swinkwa leswo kala comela, hi masiku ya ntlhanu na mambirhi hi ku tsaka, hikuva Yehovha a a va tsakisile, ni ku kucetela mbilu ya hosi ya Asiriya, leswaku yi tiyisa mavoko ya vona emitirhweni ya yindlu ya Xikwembu, ya Xikwembu xa Israele.

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

Eksoda 30:38

Mani na mani la endlaka sweswo ku swi nun'hwetela, u ta humesiwa exikarhi ka varikwavo.”