Eksoda 12:14 - Xitsonga (Bibele)

¹⁴ Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

BIBELE Mahungu Lamanene

¹⁴ “Siku leri, mi fanele ku ri tsundzuka; ri ta va siku leri mi nga ta endla nkhuvo wo tlangela HOSI Xikwembu ha rona. Nkhuvo lowu wu ta va xiboho ni le ka hinkwavo lava nga ta velekiwa, hilaha ku nga heriki.

Eksoda 12:14 Referans Kwoze

2 TIHOSI 23:21

Kutani hosi yi lerisa tiko hinkwaro, yi ku: “Endlelani Yehovha, Xikwembu xa n'wina, Paseka hilaha ku tsariweke hakona ebukwini leyi ya ntwanano.”

Eksoda 12:24

Mi ta hlayisa ku lerisa loku, ku va nawu eka n'wina ni le ka vana va n'wina hilaha ku nga heriki.

Eksoda 12:17

Mi ta hlawula sweswo nkhuvo wa vuswa lebyo kala comela, hikuva hi siku leri ndzi ta humesa mavandla ya n'wina etikweni ra Egipta; mi ta hlayisa siku lero etinxakeni ta n'wina, ku ve ku lerisa loku nga heriki.

Eksoda 12:43

Kutani Yehovha a ku eka Muxe na Aroni: “Ku lerisa ka Paseka hi kuloku: A ku na munhu wa matiko la nga ta dya yona;

Matewu 26:13

Ndzi vurisile ndzi ri eka n'wina: Hinkwako la emisaveni laha Evhangeli leyi yi nga ta vuriwa kona, lexi a xi endleke xi ta vuriwa, na xona, leswaku a anakanyiwa ha xona.”

Pisalema 135:13

Yehovha! Vito ra wena ri tshama hi laha ku nga heriki, Yehovha! Wa tsundzukiwa etinxakeni ta tinxaka.

Pisalema 111:4

U siyile switsundzuxo swa mahlori ya yena, Yehovha wa tintswalo ni wa ku tsetselela.

Duteronoma 16:11

U ta titsakela emahlweni ka Yehovha, Xikwembu xa wena, u ri ni n'wana wa wena wa wanuna, ni wa wansati, ni nandza wa wena wa wanuna ni wa wansati, ni Mulevhi la nga emindyangwini ya wena, ni xisiwana, ni noni, va ri lava nga ta tshama exikarhi ka n'wina, exivandleni lexi Yehovha, Xikwembu xa wena, a nga ta xi hlawula ku akisa vito ra xona kona;

Duteronoma 16:1

“U ta hlayisa n'hweti ya Abibi, u endlela Yehovha, Xikwembu xa wena, Paseka, hikuva Yehovha, Xikwembu xa wena, u ku humesile eEgipta nivusiku hi n'hweti ya Abibi.

Eksoda 5:1

Endzhaku ka sweswo, Muxe na Aroni va ta eka Faro, va ku eka yena: “Yehovha, Xikwembu xa Israele, u te: ‘Tshika tiko ra mina ri ya ndzi endlela nkhuvo emananga.’ ”

Luka 22:19

A va a teka swinkwa, kuteloko a khensile, a phema, a va nyika, a ku: “Leswi, i miri wanga, lowu nyikeriwaka n'wina; endlisani sweswo, mi ta ndzi anakanya ha swona.”

Zakariya 6:14

Loko yi ri harhi, yi ta vekiwa endlwini ya Yehovha, xi va xitsundzuxo xa Heleme, ni xa Tobiya, ni xa Yedaya, ni xa Heni n'wana Sofoniya.

Ezekiele 46:14

Loko wu ri nhlengo, u ta wu humesa swin'we ni xinyimpfana xolexo mixo wun'wana ni wun'wana, ku ta va ku pambula ka vuntlhanu na kan'we eka efa; mafurha wona, u ta teka ku pambula ka vunharhu eka hino ya wona ku olovisa mapa ya mhamba ya Yehovha; hi yona milawu ya ku tiya ya magandzelo lama nga heriki.

1 SAMIELE 30:25

Ku sungula siku leri, ni ku ya emahlweni, swi va tano, va swi endla xitoloveto ni nawu eIsraeleni ku fika namuntlha.

Yoxuwa 4:7

Mi ta ku eka vona: Mati ya Yordani ma avanile emahlweni ka areka ya ntwanano wa Yehovha; loko yi pela Yordani, mati ya Yordani ma avanile, kutani maribye lawa, i xitsundzuxo eka vana va Israele hilaha ku nga heriki.”

Tinhlayo 18:8

Yehovha a byela Aroni, a ku: “Vona, exikarhi ka swilo hinkwaswo leswi hlawuriweke swa vana va Israele, ndzi ku nyikile leswi va ndzi pambulelaka swona, ndzi ku nyika swona wena ni vana va wena, ku va ku averiwa ka wena hi ku lerisa loku nga heriki.

Tinhlayo 16:40

leswaku ku nga tshuki ku va na munhu ni un'we la nga riki wa rixaka ra Aroni la tshinelaka ku humesa mirhi ya risuna emahlweni ka Yehovha, a nga tshuki a kotisa Kora ni vandla ra yena, hilaha Yehovha a n'wi byeleke hakona ha Muxe.

Tinhlayo 10:8

I vaprista, vana va Aroni lava nga ta yimba tinanga. Ku ta va ku lerisa loku nga heriki eka n'wina ni ka vatukulu va n'wina.

Eksoda 12:6

Mi ta xi hlayisa ku fika siku ra vukhume na mune ra n'hweti leyi; xi ta tlhaviwa nimadyambu hi nhlengeletano hinkwayo ya Israele.

Eksoda 23:15

U ta hlayisa nkhuvo wa vuswa lebyo kala comela hi masiku ya ntlhanu na mambirhi hi n'hweti ya Abibi, u ta dya vuswa lebyo kala comela hilaha u lerisiweke hakona; hikuva hi yona n'hweti leyi u humeke eEgipta ha yona; kutani vanhu va nga tshuki va humelela ntsena emahlweni ka mina.

Levhitika 23:6

kutani siku ra khume na ntlhanu ra n'hweti, i nkhuvo wa swinkwa leswi kalaka comela lowu endleriwaka Yehovha; mi ta dya swinkwa leswi kalaka comela hi masiku ya ntlhanu na mambirhi.

Duteronoma 6:8

U ta yi bohelela evokweni ra wena, xi va xitsundzuxo xa wena, ni xikombiso exikarhi ka mahlo ya wena,

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Tinhlayo 15:15

Wu ta va nawu wun'we wa nhlengeletano, hi leswaku wa n'wina ni wa muluveri la akeke eka n'wina: i ku lerisa loku nga heriki ka vatukulu va n'wina; swi ta va xilo xin'we eka muluveri ni ka n'wina emahlweni ka Yehovha.