Eksoda 12:12 - Xitsonga (Bibele)

¹² “Hi vusiku byebyo ndzi ta hundza etikweni ra Egipta, ndzi dlaya mativula hinkwayo ya tiko ra Egipta, ya vanhu ni ya swifuwo; kutani ndzi ta avanyisa swikwembu hinkwaswo swa Vaegipta. Hi mina Yehovha.

BIBELE Mahungu Lamanene

¹² “Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Eksoda 12:12 Referans Kwoze

Tinhlayo 33:4

Vaegipta a va ri karhi va lahla lava Yehovha a va dlayeke exikarhi ka vona, ma ri mativula hinkwawo; hikuva Yehovha a avanyisile na swona swikwembu swa vona.

Eksoda 12:23

Kutani Yehovha u ta hundza exikarhi ka Egipta ku yi ba; kutakuloko a vona ngati emarimbeni ya nyangwa, u ta hundza ntsena etinyangweni, a nga pfumeleli mudlayi ku nghena kona a mi dlaya.

Sofoniya 2:11

Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

Ezekiele 12:16

Kambe ndzi ta siya van'wana va vona, lava nga ta pona fumu, hambi ndlala, ni ntungu, leswaku va hlaya manyala ya vona ematikweni lawa va nga ta ya kona. Va ta tiva leswaku hi mina Yehovha.”

Yeremiya 43:13

U ta tshovelela swifaniso swa Beta-Xemexe etikweni ra Egipta, ni tindlu ta swikwembu swa Egipta a ti hisa hi ndzilo.’ ”

Esaya 19:1

“Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

Pisalema 82:6

A ndzi ku: “Mi swikwembu, Kutani hinkwenu mi vana va Muungameri la tlakukeke.”

Pisalema 82:1

Xikwembu xi tshamile ehubyeni ya Xikwembu, Xi avanyisa exikarhi ka swikwembu.

Eksoda 6:2

Xikwembu xi engeta xi vulavula na Muxe, xi ku eka yena: “Hi mina Yehovha.

Amosi 5:17

Emasin'wini hinkwawo ya tivhinya swirilo swi ta va kona, hikuva ndzi ta hundza exikarhi ka wena,” ku vula Yehovha.

1 TIKRONIKA 14:12

Va tshika swikwembu swa vona kona, kutani Davhida a va lerisa ku swi hisa hi ndzilo.

1 SAMIELE 5:3

Siku leri tlhandlamaka, va Axidodo va pfuka nimixo, kutani maswivo Dagona a wile hansi emombyeni, emahlweni ka areka ya Yehovha; kutani va teka Dagona, va n'wi veka evutshan'weni bya yena.

Eksoda 22:28

“U nga tshuki u sandza Xikwembu xa wena, nakambe u nga tshuki u rhukana hosi ya ka rikwenu.

1 SAMIELE 6:5

Mi ta endla swifaniso swa matshumba ya n'wina, ni swifaniso swa timbeva leti onhaka tiko ra n'wina, kutani mi ta dzunisa Xikwembu xa Israele: kumbe xana xi ta vevukisa voko ra xona ehenhla ka n'wina, ni le henhla ka swikwembu swa n'wina, ni le henhla ka tiko ra n'wina.

Eksoda 21:6

n'wini wa rona u ta ri tisa emahlweni ka Xikwembu, a ri tshinetela kusuhi ni rivanti erimbeni ra rona, kutani n'wini wa rona u ta ri boxa ndleve hi risungunhu, kutani ri ta n'wi tirhela masiku hinkwawo.

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Pisalema 135:8

Hi yena la beke mativula ya Egipta, Ku sungula ka vanhu ku ya fika ka swifuwo.

Yeremiya 43:12

“ ‘Ndzi ta tshivela ndzilo etindlwini ta swikwembu swa Egipta, Nebukadnetsara, u ta ti hisa, a yisa swikwembu ekhotsweni, u ta tifunengeta hi tiko ra Egipta kukota murisi loko a funengela nguvu ya yena, u ta suka kona hi ku tsaka.

Yeremiya 46:25

Ku vula Yehovha wa tinyimpi Xikwembu xa Israele: “Vonani, ndzi ta ba Amoni wa No, na Faro, na Egipta, ni swikwembu swa vona, ni tihosi ta vona, na Faro ni lava n'wi tshembeke.

Eksoda 9:6

Kutani ku sungula nimixo, Yehovha a endlisa sweswo. Swifuwo hinkwaswo swa Vaegipta swi fa; kambe a ku fanga nchumu emitlhambini ya vana va Israele.

Pisalema 91:7

Hambi vanhu va khume ra madzana va nga wa etsheveni ra wena, Ni dzana ra madzana evokweni ra xinene ra wena, Wena, rifu ri nga ka ri nga ku tshineleri;

Pisalema 95:3

Hikuva Yehovha i Xikwembu lexikulu, I hosi leyikulu leyi tlulaka swikwembu hinkwaswo.