Eksoda 10:26 - Xitsonga (Bibele)

²⁶ Mitlhambi ya hina, na yona, yi ta famba na hina, ku nga sali ni xinyondzwana. Hikuva hi ta teka eka yona ku tirhela Yehovha, Xikwembu xa hina, hikuva a hi tivi leswi hi nga ta tirhela Yehovha ha swona, hi kondza hi fika kona.”

BIBELE Mahungu Lamanene

²⁶ Swifuwo swa hina, hi fanele ku famba na swona; a ku nga sali ni xinyondzwana xa swona ni xin'we, hikuva hi ta pambula swifuwo swin'wana exikarhi ka swona, hi tlhavela HOSI Xikwembu xa hina; naswona a hi si tiva leswaku hi ta xi humesela yini, swi ta tiveka ntsena loko hi fikile kwale.”

Eksoda 10:26 Referans Kwoze

Vaheveru 11:8

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

2 Vakorinto 8:5

Kutani a va endlanga ntsena hilaha hi nga ehleketa hakona, kambe va rhangile hi ku tinyiketa eka Hosi, kutani va tinyiketa eka hina hi ku rhandza ka Xikwembu.

Zakariya 14:20

Hi siku rolero ku ta tsariwa eka swingelengele leswi nga etihancini: “Ku kwetsima ka Yehovha”; timbita leti nga endlwini ya Yehovha ti ta kotisa mikambana leyi nga ekusuhi ni alitari.

Hosiya 5:6

Va ta lava Yehovha hi tinyimpfu ta vona, ni tihomu ta vona, kambe va nga ka va nga n'wi kumi: U va fularhelile.

Esaya 23:18

Kambe bindzu ra yena ni ku hakela ka yena swi ta hlawuleriwa Yehovha: swi nga ka swi nga hlengeleteriwi kun'we, hambi ku ri ku vekiwa; hikuva rifuwo ra yena ni bindzu swi ta va swa lava akeke emahlweni ka Yehovha; hileswaku va ta dya, va xurha, va funengela leswo saseka ngopfu.

Swivuriso 3:9

Dzunisa Yehovha hi rifuwo ra wena, Ni swirhangana swa hinkwaswo leswi ku taleleke:

Eksoda 12:32

Mi teka tinyimpfu ni tihomu ta n'wina, hilaha mi nga vula hakona, mi famba; kambe mi ndzi katekisa.”

Eksoda 10:9

Muxe a ku: “Hi ta famba ni vana va hina, ni swikoxa swa hina, ni vafana va hina, ni vanhwanyana va hina, ni tinyimpfu ta hina, ni tihomu ta hina; hikuva hi ya enkhubyeni wa Yehovha.”

Eksoda 10:25

Muxe a ku: “U ta hi nyika u ri wena magandzelo ya hina lawa hi nga ta gandzela Yehovha, Xikwembu xa hina ha wona.

Eksoda 8:27

Hi ta famba mpfhuka wa masiku manharhu emananga, hi kona hi nga ta gandzela Yehovha, Xikwembu xa hina, hilaha a nga ta hi byela hakona.”