Eksoda 10:2 - Xitsonga (Bibele)

² kutani u ta byela vana va wena, ni vatukulu va wena, timhaka leti ndzi ti endleke eka Vaegipta, ni masingita ya mina lawa ndzi ma endleke exikarhi ka vona, mi ta ndzi tiva leswaku hi mina Yehovha.”

BIBELE Mahungu Lamanene

² kutani wena u ta rungulela vana va wena ni vatukulu va wena hilaha ndzi tlangeke hi Vaegipta hakona; u ta va hlayela ni swikombiso leswi ndzi swi humeseke exikarhi ka Vaegipta, kutani mi ta tiva leswaku hi mina HOSI Xikwembu.”

Eksoda 10:2 Referans Kwoze

Yuwele 1:3

Ambelani vana va n'wina, ni vana va n'wina eka vana va vona ni vana va vona eka rixaka rin'wana.

Duteronoma 4:9

“Ntsena tivonele, u hlayisa swinene moya wa wena, leswaku u nga tshuki u rivala swilo leswi mahlo ya wena ma swi voneke; swi nga tshuki swi huma embilwini ya wena, ni siku ni rin'we ra ku hanyaka wena; u swi dyondzisa vana va wena ni vatukulu va wena.

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Pisalema 44:1

Oho Xikwembu, hi swi twile hi tindleve ta hina, Vatata wa hina va hi byerile Mitirho leyi u yi endleke emasikwini ya vona, Emasikwini ya khale.

Eksoda 7:17

Yehovha a ku: ‘U ta tiva hi sweswo leswaku hi mina Yehovha: Ndzi ta ba mati ya nambu hi nhonga ya mina, ma ta hundzuka ngati,

Vaefesa 6:4

Na n'wina vatatana, mi nga tshuki mi dyisa vana va n'wina mbitsi, kambe va kuriseni eku layeni ni le ku dyondziseni ka Hosi.

Ezekiele 20:28

Ndzi va yise etikweni leri ingi ndzi yimise voko ra mina, ndzi ku, ndzi ta va nyika rona, kutani kona va vona switsunga hinkwaswo leswo tlakuka, ni mirhi hinkwayo leyo tlhuma; kona, va tlhava magandzelo, va humesa timhamba ta vona leti ndzi karihisaka. Kambe va hisa mirhi ya risuna, va chela kona magandzelo ya swakunwa.

Ezekiele 20:26

Ndzi va ndzi va nyamisa hi magandzelo ya vona, hilaha ingi va hisa vana hinkwavo va mativula, leswaku ndzi va endla rhumbi, va ta swi tiva leswaku hi mina Yehovha.

Pisalema 71:18

U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

Pisalema 58:11

Kutani vanhu va ta ku: “Kunene hakelo yi kona ya la lulameke, Kunene xi kona Xikwembu lexi avanyisaka emisaveni.”

Eksoda 7:5

Kutani Vaegipta va ta tiva leswaku hi mina Yehovha loko ndzi tlakuse voko ra mina ehenhla ka Egipta, ndzi humese vana va Israele exikarhi ka vona.”

2 SAMIELE 7:22

Sweswo u nkulukumba, Yehovha Xikwembu! Hikuva a ku na un'we la fanaka na wena, kutani a ku na Xikwembu ehandle ka wena, hilaha hi nga swi twa hinkwaswo hi tindleve ta hina.

Eksoda 8:6

Kutani Aroni a tlakusa voko ra yena ematini ya Egipta, mitlambya yi huma, yi tata tiko ra Egipta.

Eksoda 14:4

Ndzi ta nonon'hwisa mbilu ya Faro, u ta va landza; kambe ndzi ta tidzunisa ha Faro ni nyimpi ya yena hinkwayo; Vaegipta va ta tiva leswaku hi mina Yehovha.” Kutani va endlisa sweswo.

Eksoda 14:18

Vaegipta va ta tiva leswaku hi mina Yehovha, loko ndzi ta tidzunisa ha Faro ni makalichi ya yena ni lava khandziyaka tihanci.”

Pisalema 44:2

Hi voko ra wena u hlongorise vamatiko ku va akisa, U herise vamatiko ku va anamisa.

Pisalema 78:3

Leswi hi nga swi twa, leswi hi swi tivaka, Leswi vatata wa hina va nga hi byela swona,

Esaya 38:19

Muhanyi, kunene muhanyi, hi yena la ku dzunisaka, kukotisa mina namuntlha; tata wa vanhu u ta tivisa vana va yena ku tshembeka ka wena.