Eksoda 1:14 - Xitsonga (Bibele)

¹⁴ va vavisa ku hanya ka vona hi mitirho leyo tika ya switina, ni mitirho hinkwayo ya masimu; ntirho hinkwawo lowu, va va tirhisa hi ku va xanisa.

BIBELE Mahungu Lamanene

¹⁴ va va xanisa hi ku va nyika mintirho leyo tika ya ku pfuva ndzhope ni ku endla switina, va va nyika ni mintirho ya tinxaka-xaka ya le masin'wini. Emintirhweni leyi hinkwayo, a va va tirhisa hi tihanyi letikulu.

Eksoda 1:14 Referans Kwoze

Timhaka 7:19

Hosi leyi, yi endla mano eka rixaka ra hina, yi xanisa vatata wa hina, yi ko yi va cukumetisa vana va vona leswaku va nga ha tshami va hanya.

Tinhlayo 20:15

Vatata wa hina va rhurhile eEgipta, kutani hi akile malembe ya ku tala eEgipta; kambe Vaegipta va hi xanisile, hina ni vatata wa hina.

Eksoda 6:9

Kutani Muxe a vurisa sweswo eka vana va Israele; kambe a va n'wi yingisanga hikwalaho ka ku vilela ka vona, ni vukhumbi bya vona.

Eksoda 2:23

Kuteloko malembe layo tala ma hundzile, hosi ya Egipta yi fa. Loko va ri vana va Israele, a va ri karhi va rila hikwalaho ka vukhumbi bya vona; va huwelela, kutani ku huwelela ka vona hikwalaho ka vukhumbi bya vona ku fika eka Xikwembu.

Timhaka 7:34

Ndzi vonisisile ku xaniseka ka tiko ra mina eEgipta, ni ku vovola ka vona, ndzi ku twile, kutani ndzi xikile ku va ponisa; tana sweswi, ndzi ta ku rhuma eEgipta.’

Esaya 58:6

Ku titsona swakudya loku ndzi tsakisaka a hi kuloku xana: Ku susa tiketana ta lunya, ku tshunxa mapindza ya vukhumbi, ku tlherisa lava xanisiwaka va tshunxiwile, ni ku tshova mpingu wihi ni wihi?

Pisalema 81:6

Ndzi rhula nhundzu ekhatleni ra yena, Mavoko ya yena ma tshika xirhundzu.

Nahume 3:14

Tikele mati, hikuva u ta siveleriwa; tiyisa makhokholo ya wena, nghena endzhopeni, u pfuva ndzhope, u aka hondo yo hisa switina.

Mikiya 3:3

Va dya nyama ya vanhu va tiko ra mina, va yevula nhlonge va faya ni marhambu ya vona, va pulukanya swange va longela embiteni, va gavela ni nyama ya vona, swange va ya longela embiteni leyikulu.

Esaya 52:5

Kutani sweswi, ndzi ni mhaka yihi laha,” ku vula Yehovha, “leswi tiko ra mina ri phangiweke, handle ka nandzu? Vaxanisi va yena va ba huwa,” ku vula Yehovha, “hi mikarhi hinkwayo, ni masiku hinkwawo, vito ra mina ra sandziwa!

Esaya 51:23

Ndzi ta wu veka evokweni ra vaxanisi va wena, ra lava nga ku byela, va te: ‘Korhama hi hundza!’ Kutani u endlile hi nhlana wa wena misava, ni ntsendzele wa lava hundzaka.”

Esaya 14:6

Yehovha u tshovile nhonga ya vabihi ni xigombo xa tihosi leti ngi ti ba matiko evukarini bya tona, hi ku ba loku nga heriki: leti nga xanisa matiko ti nga ma nyiki nkarhi!

Pisalema 68:13

Loko mi ri karhi mi wisa exikarhi ka matshanga, A mi fana ni tuva leri nga ni timpapa leti namekiweke hi silivhere; Tinsiva ta rona ta hatima kukotisa nsuku.

Rhuti 1:20

Kambe a va hlamula, a ku: “Mi nga ndzi vuleni Nahumi, mi ndzi vula Mara, hikuva La nga ni matimba hinkwawo u ndzi dyise mbitsi ngopfu! A ndzi fambile ndzi ri ni ndzalo,

Duteronoma 26:6

Vaegipta va hi xanisile va hi tsongahatile, ni ku hi tirhisa hi vukhumbi lebyo nonon'hwa.

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

Levhitika 25:53

U ta tshama eka yena kukotisa mutirhi la tibohaka hi lembe; kutani n'wini wa yena a nga tshuki a n'wi tirhisa hi matimba emahlweni ka wena.

Levhitika 25:46

Mi ta va siyela vana va n'wina endzhaku ka n'wina, ri va rifuwo ra vona leswaku va va fuwa; mi va tirhisa hi masiku; kambe loko va ri vamakwenu vana va Israele, mi nga tshuki mi va fuma hi matimba.

Levhitika 25:43

U nga tshuki u n'wi fuma hi matimba; u ta chava Xikwembu xa wena.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Eksoda 1:13

Kutani Vaegipta va tirhisa vana va Israele hi vukhumbi;

Genesa 15:13

Kutani a ku eka Abrama: “U tivisisa swinene leswaku vatukulu va wena va ta luvela etikweni leri nga ka ri nga vi ra vona, va ta va makhumbi ya kona, va ta tsongahatiwa hi malembe ya mune wa madzana.

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Eksoda 1:15

Kutani hosi ya Egipta yi byela masungakati ya Vaheveru (vito ra un'wana a a ri Xifira, ni ra un'wana, Puwa), yi ku:

1 TIHOSI 12:14

yi va byela hilaha majaha ma vuleke hakona, yi ku: “Tata wa mina u tikisile mpingu wa n'wina, kambe mina ndzi ta wu tikisa ku tlurisa; tata wa mina u mi layile hi mikharisa, kambe mina ndzi ta mi laya hi swipame.”

Swivuriso 28:15

Hosi ya mona leyi fumaka tiko ra vapfumari, I nghala leyi dzumadzumaka, ni bere leyi nga ni ndlala.

Pisalema 129:1

Israele a a vurise sweswo leswaku: “Va ndzi xanisile swonghasi ka ha ri mpfhuka ndzi ri lontshwa,

Esaya 10:24

Hikwalaho, Hosi, Yehovha wa tinyimpi, u te: “Wena tiko ranga la akeke eSiyoni, u nga chavi Asiriya, hambi a ku ba hi nkhavi, ni loko a tlakusa nhonga ehenhla ka wena, tanihi leswi ku endliweke khale hi Vaegipta.