Eklesiasta 9:12 - Xitsonga (Bibele)

¹² Hikuva munhu a nga tivi nkarhi wa yena, kukota tinhlampfi leti phasiwaka hi rikoka, ni tinyanyana leti phasiwaka hi mitlhamu; vana va vanhu va phasisiwa sweswo na vona, hi nkarhi wa khombo, loko ri va wela hi xipuku.

BIBELE Mahungu Lamanene

¹² Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

Eklesiasta 9:12 Referans Kwoze

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Swivuriso 29:6

Exidyohweni xa munhu wo biha, Xirimbana xi kona, Kambe la lulameke u khana a tsaka.

2 Timotiya 2:26

leswaku loko va tlhelele eku tlhariheni, va ta huma entlhan'wini wa Diyavulosi, loyi va phasiweke hi yena ku ya endla ku rhandza ka yena.

2 Vakorinto 6:2

Hikuva xi te: “Ndzi ku yingisile enkarhini lowu fanekeleke, ndzi ku pfunile enkarhini wa ku hanya.” Sweswi, hi wona nkarhi lowu fanekelaka; sweswi, hi rona siku ra ku hanya.

Swivuriso 6:15

Hikwalaho ku onhaka ka yena ku ta n'wi tshukisa, U ta lova hi nomu lowu, ku nga ri na murhi.

2 Petro 2:12

Kambe valavo, kukotisa swiharhi leswi pfumalaka ku twisisa, leswi nga tswariwa hi mukhuva wa misava ku ta khomiwa ni ku lova; va sandza leswi va nga swi tiviki, kutani va ta lova eku onhakeni ka vona, kambe va ta amukela hakelo ya ku homboloka ka vona;

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Luka 12:39

Kambe tivani leswaku, loko ngi n'wini wa yindlu a tiva nkarhi lowu khamba ri nga ta ta ha wona, u ta hiteka, a nga ka a nga tshiki yindlu ya yena yi boxiwa.

Luka 12:20

Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

Esaya 30:13

hikwalaho xidyoho lexi, xi ta sala na n'wina kukotisa khumbi leri tlakukeke, leri nga ni tinfa, leri lavaka ku wa;

Eklesiasta 8:11

Kutani, hikuva ku avanyisa loku avanyisaka mitirho hinkwayo leyo homboloka ku nga hatlisi ku humelela, hikwalaho-ke timbilu ta vana va vanhu ti teleke ku navela ku endla swo biha.

Pisalema 11:6

U ta nisela lavo homboloka mitlhamu, ni ndzilo ni xivavula; Mheho leyi hisaka, i xinwelo lexi va xi averiweke.

Eklesiasta 3:19

Hikuva khombo leri humelelaka vana va vanhu, ri humelela ni swiharhi havambirhi va humeleriwa hi khombo rin'we. Mukhuva lowu munhu a faka ha wona, na xona xiharhi xi fisa sweswo; moya wa hinkwaswo i wun'we, a ku na laha munhu a tlulanaka ni xiharhi, hikuva hinkwaswo i vuhava.

Eklesiasta 9:13

Ndzi vonile vutlhari byin'wana kambe ehansi ka dyambu, i vutlhari lebyikulu loko ndzi byi vona.

Esaya 24:18

La nga ta baleka hi nchavo, u ta wela erindzini; la nga ta huma erindzini, u ta phasiwa entlhan'wini; hikuva miseledyana ya matilo ya pfuleka, masungulo ya misava ma endla xirhendzeveti.

Hosiya 9:8

Efrayimi u tumbelele Xikwembu xa mina. Muprofeta, i xirimbana xa muhloti, xi le tindleleni ta yena hinkwato; ni vulala endlwini ya Xikwembu xa yena.

Swivuriso 24:22

Hikuva khombo ra vona ri ta fika kan'wekan'we, I mani la tivaka ku onhaka ka un'wana ni un'wana wa vona?

Eklesiasta 8:8

“Munhu a nga na matimba ya ku arisa moya leswaku a wu sivela, na swona a nga na ku lerisa siku ra rifu, a nga na ku chupuka efun'wini rero, ni ku biha ku nga ka ku nga lweri lava ku endlaka.”

Ezekiele 32:3

“Hosi Yehovha u ri: Ndzi ta andlala rikoka ra mina ehenhla ka wena enhlengeletanweni ya vanhu lavanyingi, va ta ku humesa ematini hi rikoka ra mina.

Hosiya 7:12

Va ku va ha ya, ndzi ta cela rindzi ra mina ehenhla ka vona, ndzi va hlawula kukotisa nyanyana loko yi ri ehenhla, ndzi va tshinya hilaha va tivisiweke hakona enhlengeletanweni ya vona.