Eklesiasta 9:10 - Xitsonga (Bibele)

¹⁰ Hinkwaswo leswi voko ra wena ri nga swi kumaka ku tirha, swi tirhe hi matimba ya wena hikuva exivandleni xa vafi laha u yaka kona, a ka ha ri na ntirho, hambi makungu, ni ku tiva, hambi vutlhari.

BIBELE Mahungu Lamanene

¹⁰ Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

Eklesiasta 9:10 Referans Kwoze

Vakolosa 3:23

Kutani leswi mi swi endlaka, hambi yi ri yini na yini, swi endleni hi timbilu ni ku rhandza, mi endlela Hosi, va nga ri vanhu;

Vaefesa 5:16

hatliselani mikarhi hikuva masiku ma bihile.

Varhoma 12:11

Mi nga tshuki mi loloha ku tirhela van'wana kambe mi va ni ku hiseka emoyeni, mi tirhela Hosi.

Pisalema 6:5

Hikuva eku feni a ka ha anakanyiwi; I mani la nga ta ku dzunisa exivandleni xa vafi?

1 Vakorinto 9:24

Xana a mi swi tivi leswaku loko va ri lava tsutsumaka eku siyisaneni, va tsutsuma hinkwavo, kambe ku amukela un'we hakelo? Tsutsumani hakona leswaku mi ta yi kuma.

Eklesiasta 11:6

Byala mbewu ya wena ka ha ri mixo; mavoko ya wena u nga tshuki u ma nyiketa nkarhi nimadyambu hikuva a ku tivi leswaku ku ta mila yihi, kumbe leyi, kumbe liya, kumbe loko ti ta mila ha timbirhi.

Yeremiya 29:13

Mi ta ndzi lava, mi va mi ndzi kuma, hikuva mi ta ndzi lava hi timbilu hinkwato ta n'wina.

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

1 Vakorinto 9:26

Hikwalaho, na mina, loko ndzi tsutsuma, a ndzi tsutsumi kukota loko ngi ndzi nga swi tivi, ni loko ndzi lwa, a ndzi lwi kukota loko ngi ndzi ba moya ntsena;

Yohane 9:4

Ndzi fanele ku tirha mitirho ya la ndzi rhumeke, dyambu ri nga si pela; vusiku bya ta lebyi munhu a nga tiki tirha ha byona.

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Eklesiasta 11:3

Loko mapapa ma tele mpfula, ma yi halatela emisaveni; kutani hambi murhi wu wela etlhelo ra le dzongeni kumbe en'walungwini, laha wu welaka kona hilaha wu tshamaka kona.

Nehemiya 4:2

Kutani a vulavula emahlweni ka vamakwavo ni le mahlweni ka tinhenha ta Samariya, a ku: “Vayuda lava va swisiwana, va endla yini? Xana va titshemba swonghasi-ke? Xana va ta tlhava magandzelo-ke? Va ta heta sweswi xana? Xana va ta hanyisa maribye lama tshweke ehansi ka tinhulu leti ta ntshuri xana?”

Nehemiya 4:6

Sweswo hi pfuxa rirhangu, kutani rirhangu hinkwaro ri hlangana ku fika exikarhi ka ku tlakuka ka rona; loko ri ri tiko, ri khoma ntirho lowu hi mbilu.

1 TIKRONIKA 22:19

Sweswi lavani Yehovha, Xikwembu xa n'wina, hi timbilu hinkwato ta n'wina ni mimoya hinkwayo ya n'wina; pfukani, mi aka vukwetsimelo bya Yehovha Xikwembu, mi ta tisa areka ya ntwanano wa Yehovha, ni swigotso leswi hlawuriweke swa Xikwembu, endlwini leyi nga ta akeriwa vito ra Yehovha.”

1 Vakorinto 16:10

Kutakuloko Timotiya a fika eka n'wina, mi vona leswaku a hlayisiwa exikarhi ka n'wina, a nga chavi nchumu, hikuva u tinyiketile entirhweni wa Hosi kukota mina.

Nehemiya 2:12

kutani ndzi suka nivusiku, ndzi ri ni vanhu va nga ri vangani, hikuva a ndzi byelanga munhu leswi Xikwembu xa mina xi swi vekeke embilwini ya mina, leswaku ndzi ya swi endla eYerusalema, kambe a ndzi nga ri na xifuwo ximbe, loko xi nga ri lexi ngi ndzi xi khandziyile.

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

Tinhlayo 13:30

Kutani Kalebe a miyeta tiko hikuva a ri karihela Muxe; kambe a ku: “A hi fambeni, hi ya teka tiko, hikuva kunene hi ta va hlula.”

Genesa 37:35

Kutani vana va yena hinkwavo va xinuna ni va xisati va ta n'wi chavelela, kambe a ala ku chaveleriwa, a ku: “Ndzi ta xikela exivandleni xa va ku fa eka n'wananga, ndzi ri karhi ndzi rila.” Tata wa yena a n'wi rilela sweswo.

1 SAMIELE 10:7

Kutakuloko swikombiso leswi swi ku humelela, u ta endla leswi nga ta va emahlweni ka wena, hikuva Xikwembu xi na wena.

Ntirho 21:13

Va heta masiku ya vona emitlangweni, Kutani va xikela endhawini ya vafi hi nomu lowu.

Esaya 38:10

A ndzi ku: “Loko ndza ha kumile ku wisa ndzi ta xikela etinyangweni ta sirha. Ndzi tsoniwe malembe ya mina lama seleke.”

Ntirho 10:21

Ndzi nga si famba laha ndzi nga tiki tlhela ndzi vuya kona, Etikweni ra munyama ni le ndzhutini wa rifu,

Ntirho 10:22

Ri nga tiko ra ntima kukota vusiku lebyikulu, Tiko ra ndzhuti wa rifu ni wa mpfilumpfilu, Laha ku vonakala ku fanaka ni munyama.’ ”

Swivuriso 3:28

U nga vuri eka warikwenu u ku: “Famba u ta vuya. Mundzuku ndzi ta ku nyika!” Kasi lexi a xi pfumalaka xi kona eka wena.

Matewu 20:7

Va ku eka yena: ‘Hikuva a hi rhambiwanga hi munhu.’ A ku eka vona: ‘Na n'wina, yanani ensin'wini ya mina ya vhinya.’

Yohane 5:4

Hikuva ntsumi a yi xikela evuhlambelweni hi nkarhi wun'wana, yi pfindlusa mati; kutani loyi a rhangeke a nghena loko mati ma ha ku pfindlusiwa, a hanyisiwa, hambi a khomiwa hi vuvabyi byihi ni byihi.