Eklesiasta 9:1 - Xitsonga (Bibele)

¹ Kunene hinkwaswo leswi, ndzi swi xiyisisile, kutani ndzi swi vona eku vonakaleni leswaku lavo lulama ni lavo tlhariha va le vokweni ra Xikwembu kun'we ni mitirho ya vona; vanhu va nga ka va nga swi tivi leswaku va rhandziwa kumbe va vengiwa; hinkwaswo swi le mahlweni ka vona.

BIBELE Mahungu Lamanene

¹ Ndzi tikarhatile ku twisisa leswi hinkwaswo, kutani ndzi kumile nhlamuselo leyi ya swona: I Xikwembu xi fumaka lavo lulama ni tintlhari, swin'we ni mintirho ya vona. Hambi ú ta rhandziwa kumbe a vengiwa, munhu a nga swi tivi, hinkwaswo swa ha ri emahlweni ka yena;

Eklesiasta 9:1 Referans Kwoze

Duteronoma 33:3

Kunene, wa rhandza matiko; Vahlawuriwa va yena hinkwavo va le vokweni ra yena; Vona va tshama emilengeni ya wena, Va amukela marito ya wena.

1 Petro 1:5

hina hi laveleriwaka hi matimba ya Xikwembu, hi ku pfumela, leswaku hi ta nyikiwa ku hlayiseka loku lunghiseriweke ku humelela enkarhini wa makumu.

Eklesiasta 8:14

Swahava swin'wana leswi nga emisaveni hi leswi: ku na lavo lulama lava humeleriwaka hi hakelo leyi lulameleke mitirho ya lavo homboloka, kutani lavo homboloka va kona lava humeleriwaka hi hakelo leyi lulameleke mitirho ya lavo lulama. Ndzi vurile leswaku swoleswo na swona i swahava.

Ntirho 12:10

Loyi mimoya ya leswi hanyaka hinkwaswo yi nga evokweni ra yena, Ni ku hefemula ka vanhu hinkwavo.

2 Timotiya 1:12

Na swona, hikwalaho ka mhaka leyi, ndzi twisiwa ku vaviseka loku; kambe a ndzi khomiwi hi tingana hakona, hikuva ndzi tiva loyi ndzi pfumeleke eka yena, kutani ndzi tshembisisa swinene leswaku u ni matimba ya ku ndzi hlayisela leswi ndzi swi vekeke eka yena; siku leri ri ko ri humelela.

Esaya 26:12

Yehovha, hi wena la hi haka ku rhula, hikuva hi wena la tirhaka mitirho ya hina hinkwayo.

Swivuriso 16:3

Nyiketa Yehovha timhaka ta wena hinkwato, Kutani makungu ya wena ma ta tiya.

Pisalema 31:5

Ndzi nyiketa moya wa mina emavokweni ya wena; U ta ndzi kutsula, wee Yehovha, Xikwembu xa ku tshembeka!

1 SAMIELE 2:9

“Wa hlayisa mikondzo ya lava n'wi rhandzaka, Kambe lavo biha va miyela emunyameni; Hikuva munhu a nga ka a nga kurisiwi hi matimba.

Eklesiasta 10:14

Kambe xiphukuphuku xi andzisa marito. Munhu a nga ka a nga vuli leswi nga ta tumbuluka endzhaku ka yena. I mani la nga ta va endzhaku ka yena ku n'wi byela?

Eklesiasta 8:16

Kuteloko ndzi pfumelele mbilu ya mina ku tiva vutlhari, ndzi va ndzi languta mitirho leyi endliwaka emisaveni, hilaha vanhu van'wana va nga nyikiki mahlo ya vona vurhongo ninhlekanhi, hambi byi ri vusiku;

Eklesiasta 7:25

Kutani ndzi pfumelelana ni mbilu ya mina ku lava ni ku tiva, ni ku lavisisa vutlhari ni ku tivisisa leswaku ku homboloka i vuhunguki, ni vuphukuphuku i rihuhu.

Eklesiasta 7:15

Leswi hinkwaswo ndzi swi vonile hi siku ra mina ra vuhava. Ku ni munhu wa ku lulama la lovaka eku lulameni ka yena, kasi ku ni munhu wa ku homboloka la andzisaka masiku ya yena eku hombolokeni ka yena.

Eklesiasta 1:17

Kambe, kuteloko ndzi nyiketile mbilu ya mina ku tiva vutlhari, ni ku tiva vuphukuphuku ni vuhunguki, ndzi vonile leswaku na swona i ku landza mheho.

Pisalema 73:3

Hikuva a ndzi navela lava tidzunisaka, Loko ndzi vona ku tsaka ka lavo biha.

Pisalema 10:14

Kasi wa swi vona, hikuva u languta khombo ni ku xaniseka, Kutani u swi tekela emavokweni ya wena. La nga ekhombyeni u titshembela wena, Hi wena muyimeri wa xisiwana.

Ntirho 5:8

“Loko ndzi ri mina, a ndzi ta tshinela eka Xikwembu, Ndzi veka eka Xikwembu timhaka ta mina.

Pisalema 119:109

Vutomi bya mina byi vekiwile ku lovisiwa hi masiku, Kambe a ndzi rivali nawu wa wena.

Eklesiasta 9:6

Rirhandzu ra vona, ni ku venga ka vona, ni mona wa vona swi lahlekile a va ha ri na ku averiwa eka hinkwaswo leswi endliwaka ehansi ka dyambu ni siku ni rin'we.

Yeremiya 43:6

vavanuna, ni vavasati, ni vana, ni vanhwanyana va hosi, ni vanhu hinkwavo lava Nebuzaradani, ndhuna ya valanguteri, ingi yi va siyile eka Gedaliya, n'wana Ahikama, n'wana Xafani, na yena muprofeta Yeremiya, na Baruku n'wana Neriya,

Ntirho 27:12

Vonani, hinkwenu mi tsundzuka swinene, ma twanana; Loko swi ri tano, mi humesa ha yini marito ya hava?

Eklesiasta 8:7

A nga tivi niswitsanana leswi nga ta n'wi humelela, hikuva la nga ta n'wi byela leswi nga ta tumbuluka i mani xana?