Eklesiasta 8:9 - Xitsonga (Bibele)

⁹ Ndzi swi vonile hinkwaswo swoleswo loko ndzi ri karhi ndzi anakanya mitirho hinkwayo leyi endliwaka ehansi ka dyambu, ni laha vanhu va fumaka ehenhla ka van'wana ku va endla swo biha.

BIBELE Mahungu Lamanene

⁹ Laha misaveni, ndzi xiyaxiyile swilo leswi vanhu va swi endlaka, kutani ndzi kumile leswaku lava nga ni matimba, va ma tirhisa ku xanisa vanhu van'wana.

Eklesiasta 8:9 Referans Kwoze

Eklesiasta 5:8

Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

Eklesiasta 5:13

Ku ni khombo lero biha leri ndzi ri voneke ehansi ka dyambu: i rifuwo leri hlayiseriweke n'wini wa rona, kambe ra n'wi vavisa.

Eklesiasta 7:25

Kutani ndzi pfumelelana ni mbilu ya mina ku lava ni ku tiva, ni ku lavisisa vutlhari ni ku tivisisa leswaku ku homboloka i vuhunguki, ni vuphukuphuku i rihuhu.

Eklesiasta 3:10

Ndzi vonile mitirho leyi Xikwembu xi yi nyikeke vana va vanhu leswaku va tikarhata ha yona.

Eklesiasta 1:14

Ndzi vonile mitirho hinkwayo leyi endliwaka ehansi ka dyambu, kutani, vonani, hinkwaswo i vuhava, ni ku karhateka ka moya.

Duteronoma 2:30

Kambe Sihoni, hosi ya Hexiboni, u hi arisile ku tsemakanya eka rikwavo, hikuva Yehovha, Xikwembu xa wena, xi nonon'hwisile moya wa yena, xi sihalarisile mbilu ya yena, leswaku xi ta n'wi neha emavokweni ya wena hilaha swi humeleleke hakona.

Eksoda 14:28

Mati ma vuya, ma funengeta makalichi ni nyimpi hinkwayo ya Faro leyi nga landza Vaisraele elwandle, a ku salangi munhu ni un'we.

2 TIHOSI 25:7

Va dlaya vana va Sedekiyasi emahlweni ka yena, va boxa mahlo ya Sedekiyasi kutani va n'wi boha hi tiketana ta koporo, va n'wi yisa eBabilona.

Eklesiasta 3:16

Ndzi engeta kambe ndzi vona ehansi ka dyambu leswaku ku homboloka a ku ri kona endhawini ya ku avanyisa ni ku homboloka a ku ri kona endhawini ya ku lulama.

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.

Eklesiasta 7:7

Kunene, masangu ma hlanyisa la tlhariheke, kambe tinyiko ti onha mbilu ya munhu.

Eklesiasta 5:7

Hikuva kukotisa loko milorho leyo tala swi ri swahava, swi tano ni ka marito layo tala. Loko swi ri tano, chava Xikwembu.