Eklesiasta 8:17 - Xitsonga (Bibele)

¹⁷ kutani ndzi vona mitirho hinkwayo ya Xikwembu, ni leswaku munhu a nga hluleka ku twisisa ntirho, hambi wu ri wun'we lowu endliwaka ehansi ka dyambu, hikuva hambi munhu a nga swi lavisisa leswaku a swi kuma, a nga ka a nga swi kumi; swi tsandza ni lowo tlhariha; a nga ku, wa swi tiva, kambe a nga ka a nga swi kumi.

BIBELE Mahungu Lamanene

¹⁷ Naswona ndzi vonile ntirho hinkwawo lowu Xikwembu xi wu endlaka laha misaveni, lowu vanhu va tsandzekaka ku wu twisisa; hambiloko munhu a tikarhatela ku wu lavisisa, a nge wu kumi, na yona ntlhari leyi vulaka leswaku ya wu tiva, yi nge wu kumi.

Eklesiasta 8:17 Referans Kwoze

Eklesiasta 3:11

Xi endlile hinkwaswo swi sasekile hi nkarhi wa swona, xi vekile ku anakanya ka vutomi lebyi nga heriki etimbilwini ta vona; hambiswiritano, a ku na munhu la twisisaka mitirho leyi endliweke hi Xikwembu eku sunguleni ka yona ku yisa eku heteleleni.

Varhoma 11:33

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Pisalema 73:16

Kambe loko ndzi anakanyile timhaka leti, ku ti twisisa, A swi nonon'hwa ngopfu emahlweni ka mina,

Esaya 40:28

A ku swi tivi xana? A ku swi twanga xana? I Xikwembu lexi nga heriki, yena Yehovha la tumbuluxeke makumu ya misava; a nga karhali, a nga heri matimba, a nga kona la kambeke vutlhari bya yena.

Ntirho 5:9

Xi nga xona lexi endlaka swilo leswikulu swonghasi, leswi nga kambekiki, Ni mahlori lama nga hlayekiki?

Eklesiasta 11:5

Kukotisa loko u nga tivi ndlela ya moya, hambi ku ri hilaha marhambu ma vumbiwaka hakona ekhwirini ra wansati la tikeke, a ku tivi mitirho ya Xikwembu lexi endlaka hinkwaswo.

Pisalema 40:5

Wena Yehovha, Xikwembu xanga, u andzisile ngopfu Masingita ni makungu ya wena ehenhla ka hina; Swa hi hlula ku ma hlaya emahlweni ka wena. Hambi ndzi rhandza ku ma hlaya ni ku ma vula, Ntsengo wa wona wu tlula leswi nga hlayiwaka.

Pisalema 104:24

Oho Yehovha! Mitirho ya wena yi tarisile ku yini! U yi endlile hinkwayo hi vutlhari; Misava yi tele rifuwo ra wena.

Eklesiasta 1:13

Ndzi nyiketile mbilu ya mina ku lava ni ku lavisisa hi vutlhari swilo hinkwaswo leswi endliwaka ehansi ka tilo; i ntirho lowu vavisaka lowu Xikwembu xi wu nyikeke vana va vanhu leswaku va karhateka ha wona.

Eklesiasta 7:13

Xiyisisa ntirho wa Xikwembu, hikuva i mani la nga ololoxaka lexi petsiweke hi xona?