Eklesiasta 7:8 - Xitsonga (Bibele)

⁸ Makumu ya mhaka ma tlula masungulo ya yona. Mbilu yo leha yi sasekile ku tlula mbilu leyi tikurisaka.

BIBELE Mahungu Lamanene

⁸ Ku heta ntirho, swi tlula ku wu sungula, la tiyiselaka, ú tlula la titshembaka.

Eklesiasta 7:8 Referans Kwoze

Vaheveru 10:36

Hikuva mi fanele ku va ni ku tiyisela leswaku, kutakuloko mi endle ku rhandza ka Xikwembu, mi kuma leswi mi tshembisiweke swona.

Swivuriso 14:29

La hlwelaka ku kariha u ni ku anakanya lokukulu, Kambe wa mbilu ya tihanyi, u tshovela vuhunguki.

1 Petro 1:13

Hikwalaho, na n'wina, tiboheni swisuti swa ku twisisa ka n'wina mi hanya hi ku tikhoma, mi tshemba hi mukhuva lowu hetisekeke tintswalo leti mi nga ta nyikiwa tona siku Yesu Kriste a nga ta humelela;

Yakobo 5:11

Vonani, hi dzunisa ku kateka ka lava tiyiseleke loko va ri eku vavisekeni. Mi twile ku tiyisela ka Yobo, kutani mi vonile mahetelelo ya yena eHosini; hikuva Hosi yi tele tintswalo ni nsovo.

Yakobo 5:8

Na n'wina, lehisani timbilu ta n'wina, mi ti tiyisa, hikuva ku ta ka Hosi ku kusuhi.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

Luka 21:19

Hlayisani mimoya ya n'wina hi ku tiyisela ka n'wina.

Swivuriso 16:32

La hlwelaka ku kariha u tlula nhenha, Ni la hlulaka mbilu ya yena u tlula la tekaka miti.

Swivuriso 15:18

Munhu la karihaka u pfuxa ku hambana; Kambe la hlwelaka ku hlundzuka u tima timholovo.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena; kasi Lazaro a a ri eku vavisekeni, kutani sweswi, wa chaveleriwa halenu, kasi wena u twisiwa ku vaviseka.

Swivuriso 28:25

Moya lowu tikukumuxaka wu pfuxa mholovo, Kambe la tshembaka Yehovha u ta xurha.

Swivuriso 13:10

Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.

Vaefesa 4:2

hi ku titsongahata hinkwako ni vunene, ni ku yingisela, mi ri karhi mi yingiselana hi rirhandzu,

Eklesiasta 7:1

Ku twakala lokunene ku sasekile ku tlula mafurha ya risuna, ni siku ra ku fa ri tlula siku ra ku velekiwa.