Eklesiasta 7:25 - Xitsonga (Bibele)

²⁵ Kutani ndzi pfumelelana ni mbilu ya mina ku lava ni ku tiva, ni ku lavisisa vutlhari ni ku tivisisa leswaku ku homboloka i vuhunguki, ni vuphukuphuku i rihuhu.

BIBELE Mahungu Lamanene

²⁵ Ndzi tinyiketile hi mbilu ya mina hinkwayo ku kuma vutlhari ni tinhlamuselo ta byona, ndzi swi kambisisa ni ku ringeta ku swi twisisa, kutani ndzi vonile leswaku ku endla leswo homboloka, i rihuhe, ni leswaku mintirho ya vuphunta a yi aki nchumu.

Eklesiasta 7:25 Referans Kwoze

Eklesiasta 10:13

Masungulo ya marito ya nomu wa yena i vuhunguki, ni makumu ya ku vulavula ka yena i vuhlanyi lebyi onhaka.

Eklesiasta 7:27

Languta lexi ndzi xi kumeke, ku vula Muvuri, loko ndzi ri karhi ndzi ehleketa mhaka yin'wana ni yin'wana leswaku ndzi kuma xiga xa yona.

Eklesiasta 2:20

Kutani ndzi tshika mbilu ya mina yi phirwa hi ntirho hinkwawo lowu ndzi tikarhateke ha wona ehansi ka dyambu.

Eklesiasta 2:15

Kutani ndzi va ndzi ku embilwini ya mina: “Khombo leri humeleleke xihunguki, na mina, ri ta ndzi humelela; loko swi ri tano, swi ndzi pfuna yini ku n'wi tlula hi ku tlhariha-ke?” Ndzi va ndzi ku embilwini ya mina: “Leswi, na swona, i vuhava.”

Eklesiasta 2:12

Kutani ndzi fularhela sweswo ku lava vutlhari, ni vuhunguki, ni vuphukuphuku; hikuva munhu la landzelaka hosi a nga endla yini, loko swi nga ri leswi va swi endleke?

Swivuriso 26:11

Ku kota mbyana loko yi tlhela yi dya mahlanta ya yona, Xihunguki xi vuyela sweswo evuhungukini bya xona.

Swivuriso 17:12

Ku hlangana ni bere leyi tekeriweke vana va yona, Ku tlula ku hlangana ni xihunguki eku hlanyeni ka xona.

2 SAMIELE 13:12

Yena a n'wi hlamula, a ku: “A hi swona, makwerhu, u nga ndzi khomisi tingana hikuva swi nga ka swi nga endleki eIsraeleni; u nga tshuki u endla manyala lawa.

Yoxuwa 7:13

Pfuka, u hlawula tiko, u ku: ‘Tihlawulelani mundzuku. Hikuva Yehovha, Xikwembu xa Israele, u vula sweswo, a ku: “Ku ni ku yila exikarhi ka wena, Israele! U nga ka u nga ha tiyi emahlweni ka valala va wena, mi ko mi susa leswo yila exikarhi ka n'wina.”

Genesa 34:7

Kutani vana va Yakobo, loko va twa mhaka leyi, va vuya enhoveni, va vaviseka ngopfungopfu, va kariha swinene, hikuva Xikeme a a sandzile Israele siku a etleleke ni n'wana Yakobo, yi nga mhaka leyi nga fanelangiki.